মান্যতা দত্ত

মান্যতা দত্ত
২০১৭ চনত নিজৰ জন্মদিনৰ অনুষ্ঠানত মান্যতা
জন্ম	দিলনৱাজ শ্বেখ ২২ জুলাই, ১৯৭৮ (৪৭ বছৰ) মুম্বাই, মহাৰাষ্ট্ৰ, ভাৰত
পেচা	অভিনেত্ৰী (প্ৰাক্তন) উদ্যমী
সংস্থা	সঞ্জয় দত্ত প্ৰডাকচনছ (চিইঅ')
দাম্পত্যসঙ্গী	সঞ্জয় দত্ত (বি. ২০০৮)
সন্তান	২

মান্যতা দত্ত (ইংৰাজী: Maanayata Dutt; জন্ম নাম দিলনৱাজ শ্বেখ; জন্ম: ২২ জুলাই ১৯৭৮) এগৰাকী ভাৰতীয় উদ্যমী, প্ৰাক্তন অভিনেত্ৰী আৰু সঞ্জয় দত্ত প্ৰডাকচনছৰ বৰ্তমানৰ মুখ্য কাৰ্যবাহী বিষয়া (চিইঅ')। তেওঁ ২০০৮ চনত বলীউড অভিনেতা সঞ্জয় দত্তৰ সৈতে বিবাহপাশত আবদ্ধ হয়। তেওঁ বিশেষকৈ প্ৰকাশ ঝাৰ ২০০৩ চনৰ ছবি গংগাজলত কৰা আইটেম ডান্সৰ বাবে পৰিচিত।

ব্যক্তিগত জীৱন

স্বামী সঞ্জয় দত্তৰ সৈতে মান্যতা দত্ত

মান্যতা দত্তৰ জন্ম ১৯৭৮ চনৰ ২২ জুলাইত মুম্বাইৰ এক মুছলমান ব্যৱসায়ী পৰিয়ালত দিলনৱাজ শ্বেখ নামেৰে হৈছিল। তেওঁ ডুবাইত ডাঙৰ-দীঘল হৈছিল। চলচ্চিত্ৰ জগতত তেওঁ ছাৰা খান নামেৰে পৰিচিত আছিল। ২০০৮ চনত কামাল ৰছিদ খানৰ দেশদ্ৰোহীৰ জৰিয়তে আত্মপ্ৰকাশ কৰাৰ পাছত তেওঁক ঝাই "মান্যতা" নামটো দিছিল, কিন্তু দেউতাকৰ মৃত্যুৰ পাছত পৰিয়ালৰ ব্যৱসায়ৰ দায়িত্ব তেওঁৰ ওপৰত পৰাত এগৰাকী তাৰকা হোৱাৰ আকাংক্ষা অন্ত পৰে।

মান্যতাই ২০০৮ চনৰ ৭ ফেব্ৰুৱাৰীত গোৱাত এক ব্যক্তিগত অনুষ্ঠানত সঞ্জয় দত্তৰ সৈতে বিবাহপাশত আবদ্ধ হয়। আদালতত বিবাহখনৰ বৈধতাৰ বাবে তেওঁ আৰ্য সমাজৰ ৰীতি অনুসৰি হিন্দু ধৰ্ম গ্ৰহণ কৰিছিল। দুবছৰৰ পাছত ২০১০ চনৰ ২১ অক্টোবৰত তেওঁ যমজ সন্তানৰ মাতৃ হয়— পুত্ৰ শ্বাহৰান আৰু কন্যা ইকৰা।

কেৰিয়াৰ

বিবাহৰ পূৰ্বে আৰু দত্তক লগ পোৱাৰ আগতে মান্যতাই অভিনেতা নিমিত বৈষ্ণৱৰ বিপৰীতে লাভৰ্ছ লাইক আছৰ দৰে হিন্দী ছবিত কাম কৰিছিল। পৰৱৰ্তী সময়ত ছবিখনৰ স্বত্ব সঞ্জয় দত্তই ২০ লাখ টকাত ক্ৰয় কৰিছিল।

জনপ্ৰিয় সংস্কৃতিত

২০১৮ চনৰ ২৯ জুনত মুক্তি পোৱা ৰাজকুমাৰ হিৰাণীৰ পৰিচালনাত সঞ্জয় দত্তৰ জীৱনৰ ওপৰত আধাৰিত জীৱনীমূলক ছবি সঞ্জুত অভিনেত্ৰী দিয়া মিৰ্জাই তেওঁৰ চৰিত্ৰটো ৰূপায়ণ কৰিছে, আনহাতে ৰণবীৰ কাপুৰে মুখ্য ভূমিকাত অভিনয় কৰিছে।

বাহ্যিক সংযোগ

• মান্যতা দত্ত সম্পৰ্কে ইণ্টাৰনেট মুভি ডাটাবেছত থকা তথ্য।
• মান্যতা দত্ত সম্পৰ্কে বলিউড হাংগামাত থকা তথ্য