মাৰিয়া নেষ্টেৰেংকো
| মাৰিয়া নেষ্টেৰেংকো | |
|---|---|
| চিত্ৰ:Mariya Petrovna Nesterenko.jpg | |
| জন্মৰ নাম | মাৰিয়া পেট্ৰিভনা নেষ্টেৰেংকো |
| জন্ম | আগষ্ট ১৯১০ বাডী, ইউক্ৰেইন, ৰাছিয়ান সাম্ৰাজ্য (বৰ্তমান ইউক্ৰেইনৰ খাৰ্কিভ অব্লাষ্টত |
| মৃত্যু | ২৮ অক্টোবৰ ১৯৪১ (৩১ বছৰ) কুইবিছেভ, ৰাছিয়ান এছ এফ এছ আৰ |
| আনুগত্য | ছোভিয়েট ইউনিয়ন |
| চাকৰি/শাখা |  Soviet Air Force |
| চাকৰিৰ কাৰ্যকাল | ১৯৩৩–১৯৪১ |
| পদমৰ্যদা | মেজৰ (পদবী) |
| পুৰস্কাৰ | অৰ্ডাৰ অফ ৰেড ষ্টাৰ অৰ্ডাৰ অৱ দ্য ৰেড বেনাৰ অৱ লেবাৰ |
মাৰিয়া পেট্ৰিভনা নেষ্টেৰেংকো (ইংৰাজী: Mariya Petrivna Nesterenko; ১৯১০ – ২৮ অক্টোবৰ ১৯৪১) এগৰাকী ছোভিয়েট পাইলট আছিল, যিয়ে বায়ুসেনাত মেজৰ পদবীলৈ উন্নীত হৈছিল আৰু এনকেভিডিৰ মুৰব্বী লাভ্ৰেণ্টি বেৰিয়াৰ বায়ুসেনাৰ এটা পাৰ্জৰ বলি হোৱা ছোভিয়েট ইউনিয়নৰ হিৰো পাভেল ৰাইচাগভৰ পত্নী হোৱাৰ বাবে ফাঁচি দিয়াৰ পূৰ্বে ডেপুটি ৰেজিমেণ্ট কমাণ্ডাৰ হৈছিল। ষ্টেলিনৰ মৃত্যুৰ পাছত তেওঁ, তেওঁৰ স্বামী আৰু আন ভুক্তভোগীসকলক মৰণোত্তৰভাৱে পুনৰ্বাসনৰ ব্যৱস্থা কৰা হয়।[1][2]
প্ৰাথমিক জীৱন
[সম্পাদনা কৰক]১৯১০ চনৰ আগষ্ট মাহত নেষ্টেৰেংকোৰ জন্ম হৈছিল তেতিয়াৰ ৰাছিয়ান সাম্ৰাজ্যৰ অংশ বুডি গাঁৱত ইউক্ৰেইনৰ এটা পৰিয়ালত। তেওঁৰ জন্মৰ তাৰিখ জনা নাযায়। তেওঁ প্ৰাৰম্ভিক শিক্ষা সম্পূৰ্ণ কৰাৰ পাছত তেওঁ মৃৎশিল্পৰ কাৰখানাত কাম কৰিছিল আৰু সংগীত আৰু ক্ৰীড়াৰ চখৰ উপৰি বিমান পৰিবহণৰ সপোন দেখিছিল।[3][4]
বিমান পৰিবহণৰ কেৰিয়াৰ
[সম্পাদনা কৰক]১৯৩১ চনত কমিউনিষ্ট পাৰ্টিৰ সদস্য হোৱা[3] আৰু তেওঁ খাৰকভ বিমান বিদ্যালয়ৰপৰা স্নাতক ডিগ্ৰী লাভ কৰাৰ পাছত কাচা মিলিটাৰী বিমান পৰিবহণ স্কুল অৱ পাইলটছত ভৰ্তি হয় আৰু ১৯৩৩ চনত তেওঁ বিমান পৰিবহণৰ স্নাতক ডিগ্ৰী লাভ কৰে।[4]
১৯৪০ চনৰ জুলাই মাহত তেওঁ সহ-পাইলট মাৰিয়া মিখাইলেভা আৰু নেভিগেটৰ নীনা ৰুছাকোভাৰ সৈতে পাইলট-ইন-কমাণ্ড হিচাপে বিমান চলায়, যাৰ ফলত ১৯৩৮ চনত ভেলেণ্টিনা গ্ৰীজোডুবোভা, পোলিনা ওচিপেংকো আৰু মেৰিনা ৰাস্কোভাই পূৰ্বে স্থাপন কৰা ষ্ট্ৰেইট লাইন মহিলা বিমানৰ দূৰত্বৰ বিশ্ব অভিলেখ ভংগ কৰে। খাবাৰোভস্কত উৰা মাৰি মাজিৰ পোৱাৰ কথা আছিল যদিও ধুমুহা আৰু আইচিঙৰ সৈতে সংযুক্ত প্ৰচণ্ড হেডৱিণ্ডৰ বাবে বিমানখনে ছানচুৰ্স্কি জিলাৰ ইছাকোভ’ গাঁৱৰ ওচৰৰ এখন পথাৰত জৰুৰীকালীন অৱতৰণ কৰিবলগীয়া হয়। দলটোৱে ২২ ঘণ্টা ৩২ মিনিট অবিৰাম উৰি ফুৰিছিল যদিও এই প্ৰচেষ্টাই কম প্ৰচাৰ লাভ কৰিছিল আৰু সোনকালে পাহৰি গৈছিল। সেই বছৰৰ অক্টোবৰ মাহত তেওঁক বিশেষ উদ্দেশ্যৰ বিমান পৰিবহণ ৰেজিমেণ্টৰ উপ-সেনাধ্যক্ষ হিচাপে নিযুক্তি দিয়া হয়।[5][6]
পতন
[সম্পাদনা কৰক]জাৰ্মানীয়ে ছোভিয়েট ইউনিয়ন আক্ৰমণৰ কিছুসময়ৰ পাছতে ১৯৪১ চনৰ ২৬ জুনত নেষ্টেৰেংকোক এটা বিমানবন্দৰত গ্ৰেপ্তাৰ কৰা হয় আৰু ১৯৪১ চনৰ ২৮ অক্টোবৰত আন কেইবা ডজন উচ্চ পদস্থ বিষয়াৰ সৈতে মৃত্যুদণ্ড দিয়া হয়। আনুষ্ঠানিকভাৱে তেওঁক কোনো অপৰাধৰ খবৰ নিদিয়াৰ বাবে গুলীয়াই হত্যা কৰা হৈছিল,[3] বেৰিয়াই অভিযোগ কৰিছিল যে জেনেৰেল ৰাইচাগভৰ পত্নী হিচাপে তেওঁ তেওঁৰ "দেশদ্ৰোহী কাৰ্যকলাপ"ৰ বিষয়ে সচেতন হ'ব লাগিছিল; পিছলৈ প্ৰকাশ পায় যে ৰাইচাগভ আৰু তেওঁৰ সহযোগীসকলৰ বিৰুদ্ধে সমগ্ৰ গোচৰটো বেৰিয়াই ৰচনা কৰিছিল, যিয়ে নিজেই তেওঁলোকক বিচাৰ অবিহনে গুলীয়াই হত্যা কৰাৰ নিৰ্দেশ দিছিল।[7] ছোভিয়েট বিমানক ষ্টেলিনৰ আগত পোনপটীয়াকৈ "উৰণীয়া কফিন" বুলি উল্লেখ কৰাৰ বাবে ৰাইচাগভে বিপদত পৰিছিল।
বাহ্যিক সংযোগ
[সম্পাদনা কৰক]তথ্যসূত্ৰ
[সম্পাদনা কৰক]- ↑ Braithwaite, Rodric (2010) (en ভাষাত). Moscow 1941: A City & Its People at War. Profile Books. পৃষ্ঠা. 258. ISBN 9781847650627. https://books.google.com/books?id=aChpsFvALowC.
- ↑ Parrish, Michael (1996) (en ভাষাত). The Lesser Terror: Soviet State Security, 1939-1953. Greenwood Publishing Group. পৃষ্ঠা. 72. ISBN 9780275951139. https://books.google.com/books?id=NDgv5ognePgC.
- 1 2 3 "Нестеренко Мария Петровна" (ru ভাষাত). sakharov-center.ru. https://www.sakharov-center.ru/asfcd/martirolog/?t=page&id=17153.
- 1 2 Ivanov, Viktor. "Мария Петровна Нестеренко (1910-1941)" (ru ভাষাত). dnnmuseum.ru. http://dnnmuseum.ru/%D0%BC%D0%B0%D1%80%D0%B8%D1%8F-%D0%BF%D0%B5%D1%82%D1%80%D0%BE%D0%B2%D0%BD%D0%B0-%D0%BD%D0%B5%D1%81%D1%82%D0%B5%D1%80%D0%B5%D0%BD%D0%BA%D0%BE-1910-1941/.
- ↑ Yakubovich, Nikolai (2013) (ru ভাষাত). Все самолеты Ильюшина. Самая полная энциклопедия. প্ৰকাশক Moscow: Yauza. পৃষ্ঠা. 32–33. ISBN 9785457537958. https://books.google.com/books?id=AS7CAgAAQBAJ.
- ↑ "Забытый перелет" (ru ভাষাত). Debri-DV. http://www.debri-dv.com/article/3371। আহৰণ কৰা হৈছে: 2019-06-27.
- ↑ Solovyev, Denis (2019) (ru ভাষাত). Комкоры РККА 1935-1940. Litres. পৃষ্ঠা. 1928. ISBN 9785041724115. https://books.google.com/books?id=gOKYDwAAQBAJ&pg=PA1928.