মাৰ্থা হিউজ কেনন
মাৰ্থা হিউজ কেনন | |
|---|---|
 | |
| উটাহ ছেনেটৰ ৬ষ্ঠ জিলাৰ সদস্য | |
| কাৰ্যকাল জানুৱাৰী ১১, ১৮৯৭ – জানুৱাৰী ১৩, ১৯০১ | |
| পূৰ্বসূৰী | জৰ্জ মুছলি কেনন |
| উত্তৰসূৰী | হয়ত শ্বাৰমন |
| ব্যক্তিগত তথ্য | |
| জন্ম | ১ জুলাই, ১৮৫৭ ৱেলছ, যুক্তৰাজ্য |
| মৃত্যু | ১০ জুলাই, ১৯৩২ (৭৫ বছৰ) লছ এঞ্জেলছ, যুক্তৰাষ্ট্ৰ |
| ৰাজনৈতিক দল | ডেমোক্ৰেটিক |
| সন্তান | ৩ |
মাৰ্থা মাৰিয়া "মেটি" হিউজেছ কেনন (ইংৰাজী: Martha Maria "Mattie" Hughes Cannon) এগৰাকী ৱেলছ-আমেৰিকান ৰাজনীতিবিদ, চিকিৎসক, উটাহৰ মহিলা অধিকাৰৰ সমৰ্থক, ভোটাধিকাৰী আৰু বহুবিবাহী পত্নী আছিল। তেওঁৰ পৰিয়ালে চাৰ্চ অৱ জিছুচ ক্ৰাইষ্ট অৱ লেটাৰ-ডে চেণ্টছ (এল ডি এছ চাৰ্চ)লৈ ধৰ্মান্তৰিত হৈ আমেৰিকালৈ প্ৰব্ৰজন কৰে আৰু অন্যান্য গীৰ্জাৰ সদস্যৰ সৈতে ইউটা ভূখণ্ডত বসতি স্থাপন কৰিবলৈ পাশ্চাত্য ভ্ৰমণ কৰে। চৈধ্য বছৰ বয়সৰ পৰাই তেওঁ কাম আৰম্ভ কৰে আৰু ষোল্ল বছৰ বয়সত ডেচেৰেট বিশ্ববিদ্যালয়ত (বৰ্তমান ইউটা বিশ্ববিদ্যালয় বুলি কোৱা হয়) নামভৰ্তি কৰে, আৰু ৰসায়ন বিজ্ঞানত স্নাতক ডিগ্ৰী লাভ কৰে। পিছলৈ মিচিগান বিশ্ববিদ্যালয়ত পঢ়ি তেওঁ এমডি ডিগ্ৰী লাভ কৰে।[1]:10–11[1]:20–22
বহুবিবাহ বিৰোধী ক্ৰুছেডৰ সময়ত লেটাৰ ডে চেণ্টৰ এজন বিশিষ্ট নেতা এংগাছ এম কেননৰ সৈতে বহুবিবাহিত ছয়গৰাকী পত্নীৰ ভিতৰত তেওঁ চতুৰ্থগৰাকী পত্নী হৈ পৰে। কেননে নিজকে ইউৰোপলৈ নিৰ্বাসিত কৰিলে যাতে স্বামী আৰু আনৰ বিৰুদ্ধে সাক্ষ্য দিব নালাগে। ইউটালৈ উভতি অহাৰ লগে লগে কেননে চিকিৎসক হিচাপে কাম কৰিছিল আৰু মহিলাৰ অধিকাৰৰ বাবে যুঁজিছিল। ১৮৯৬ চনত উটাহৰ সংবিধানত মহিলাৰ ভোটাধিকাৰ প্ৰদান কৰাত সহায় কৰিছিল।১৮৯৬ চনৰ ৩ নৱেম্বৰত কেননে আমেৰিকাত নিৰ্বাচিত হোৱা প্ৰথমগৰাকী মহিলা ৰাজ্যিক চিনেটৰ হিচাপে পৰিগণিত হৈছিল, যিয়ে নিজৰ স্বামীকো পৰাস্ত কৰিছিল। কেনন ইউটাৰ অনাময় আইনসমূহৰ লেখক আছিল আৰু ইউটাৰ প্ৰথম ষ্টেট ব'ৰ্ড অৱ হেল্থৰ প্ৰতিষ্ঠাপক আৰু সদস্য আছিল।.[1]:10–90[2]
তথ্যসূত্ৰ
[সম্পাদনা কৰক]- ↑ 1.0 1.1 1.2 Graña, Mari (September 1, 2009). Pioneer, Polygamist, Politician: The Life of Dr. Martha Hughes Cannon. TwoDot. ISBN 978-0762752720.
- ↑ "CANNON, MARTHA MARIA HUGHES (1857 - 1932), doctor and politician | Dictionary of Welsh Biography". biography.wales. https://biography.wales/article/s12-CANN-HUG-1857। আহৰণ কৰা হৈছে: 2024-07-01.