মিৰিয়াম ছিলভাৰবাৰ্গ
| মিৰিয়াম ছিলভাৰবাৰ্গ | |
|---|---|
| স্থানীয় নাম | Miriam Silverberg |
| জন্ম | ১৯ জানুৱাৰী, ১৯৫১ ৱাশ্বিংটন, ডি. চি., আমেৰিকা |
| মৃত্যু | ১৬ মাৰ্চ, ২০০৮ (৫৭ বছৰ) লছ এঞ্জেলছ, কেলিফৰ্ণিয়া, আমেৰিকা |
| পেচা | ইতিহাসবিদ |
| বঁটা, সন্মান, পুৰস্কাৰ আদি |
|
| শৈক্ষিক পটভূমি | |
| মাতৃশিক্ষানুষ্ঠান |
|
| পৰিৱৰ্তিত গীত: নাকানো শিগেহাৰুৰ মাৰ্ক্সবাদী কবিতা (১৯৮৪) | |
| শৈক্ষিক কৰ্ম | |
| শাখা | জাপানৰ ইতিহাস |
| প্ৰতিষ্ঠানসমুহ |
|
মিৰিয়াম ছিলভাৰবাৰ্গ (ইংৰাজী: Miriam Silverberg; ১৯ জানুৱাৰী, ১৯৫১ – ১৬ মাৰ্চ, ২০০৮) এগৰাকী আমেৰিকান ইতিহাসবিদ। ১৯৯৩ চনৰ গুগেনহাইম ফেলো হিচাপে তেওঁ চেঞ্জিং ছং: দ্য মাৰ্ক্সিষ্ট মেনিফেষ্টছ অৱ নাকানো শ্বিগেহাৰু (১৯৯০) আৰু ইৰ'টিক গ্ৰ'টেস্ক ননচেন্স (২০০৬) গ্ৰন্থৰ লেখিকা আছিল, প্ৰথমটোৰ বাবে ১৯৯০ চনত জন কে ফেয়াৰবেংক বঁটা লাভ কৰিছিল। লছ এঞ্জেলছৰ কেলিফৰ্ণিয়া বিশ্ববিদ্যালয়ৰ অধ্যাপিকা হিচাপে তেওঁ ২০০০ চনৰপৰা ২০০৩ চনলৈকে ইউচিএলএৰ চেণ্টাৰ ফৰ দ্য ষ্টাডি অৱ উইমেনৰ পৰিচালক আছিল।
জীৱন আৰু শিক্ষাজীৱন
[সম্পাদনা কৰক]ছিলভাৰবাৰ্গৰ জন্ম ১৯ জানুৱাৰী, ১৯৫১ চনত ৱাশ্বিংটন, ডি. চি.-ত হৈছিল।[1] তাৰ পিছত তেওঁৰ পিতৃ টোকিয়'স্থিত যুক্তৰাষ্ট্ৰৰ দূতাবাসত শ্ৰম এটাছে হিচাপে নিযুক্তি লাভ কৰে আৰু কৈশোৰকালত তেওঁ সেই চহৰত লালিত-পালিত হৈছিল।[1] তেওঁ শিবুয়াৰ ইণ্টাৰনেচনেল স্কুল অৱ দ্য চেক্ৰেড হাৰ্টত অধ্যয়ন কৰিছিল।[2] ১৯৭৭ চনত আমেৰিকান ইউনিভাৰ্চিটিৰ পৰা বি.এ. ডিগ্ৰী, ১৯৭৯ চনত জৰ্জটাউন বিশ্ববিদ্যালয়ৰ পৰা এম.এ. ডিগ্ৰী আৰু ১৯৮৪ চনত চিকাগো বিশ্ববিদ্যালয়ৰ পৰা জাপানৰ ইতিহাসত পিএইচ.ডি. লাভ কৰিছিল।[3][1] তেওঁৰ ডক্টৰেল অভিসন্দৰ্ভৰ শীৰ্ষক আছিল Changing song: the Marxist poetry of Nakano Shigeharu।[4]
১৯৮৭ চনৰপৰা হেমিল্টন কলেজত ইতিহাসৰ সহকাৰী অধ্যাপক হিচাপে কৰ্মজীৱন আৰম্ভ কৰাৰ পাছত, ১৯৮৯ চনত তেওঁ কেলিফৰ্ণিয়া বিশ্ববিদ্যালয়ৰ লছ এঞ্জেলছ কেম্পাচলৈ স্থানান্তৰিত হয়।[3] ১৯৯২ চনত তেওঁ সহযোগী অধ্যাপকৰ পদলৈ পদোন্নতি লাভ কৰে[3], পিছত পূৰ্ণ অধ্যাপক পদলৈ পদোন্নতি পায়।[5] ২০০০ চনৰপৰা ২০০৩ চনলৈকে তেওঁ ইউচিএলএৰ চেণ্টাৰ ফৰ দ্য ষ্টাডি অৱ উইমেনৰ পৰিচালক আছিল।[1] ২০০৫ চনত কেঞ্চাৰ আৰু পাৰ্কিনছন ৰোগ ধৰা পৰাৰ পাছত তেওঁ আগতীয়াকৈ অৱসৰ গ্ৰহণ কৰি এমেৰিটাছ অধ্যাপিকা হয়।[1][2]
১৯৯০ চনত তেওঁ প্ৰকাশিত Changing Song: The Marxist Manifestos of Nakano Shigeharu গ্ৰন্থৰ বাবে জন কে ফেয়াৰবেংক বঁটা লাভ কৰিছিল।[6] ১৯৯১ চনৰ তেওঁৰ দুটা প্ৰবন্ধই, ছাবিনে ফ্ৰূহষ্টুকেৰ মতে, "আধুনিক গাৰ্লক বৈজ্ঞানিক আলোচনাৰ মানচিত্ৰত স্থান দিলে" আৰু এই খণ্ডত স্বতন্ত্ৰ শাখা আৰম্ভ কৰাৰ পথ প্ৰশস্ত কৰিলে।[7] জাপানৰ আধুনিকতা অধ্যয়নৰ উদ্দেশ্যে ১৯৯৩ চনত তেওঁ গুগেনহাইম ফেলোশ্বিপ লাভ কৰিছিল।[8][3] ২০০৬ চনত তেওঁৰ অন্তিম গ্ৰন্থ Erotic Grotesque Nonsense প্ৰকাশিত হয়, য’ত দ্বিতীয় বিশ্বযুদ্ধপূৰ্ব জাপানক কেন্দ্ৰ কৰি আলোচনা কৰা হৈছিল। অসুস্থ অৱস্থাতও এই গ্ৰন্থ সম্পূৰ্ণ কৰিবলৈ তেওঁ পুৰ্বতন ছাত্ৰ-ছাত্ৰী আৰু বন্ধু-বান্ধৱীৰ সহায় ল’বলগীয়া হৈছিল।[1] লছ এঞ্জেলছ টাইমছত উল্লেখ কৰা হৈছিল যে "ছিলভাৰবাৰ্গৰ গৱেষণা আধুনিক জাপান অধ্যয়নকাৰীসকলৰ বাবে প্ৰায়েই আবশ্যকীয় পাঠ্যপুথি।" [1] তেওঁৰ প্ৰভাৱ বিস্তাৰ হৈছিল হাৰী হাৰুটুনিয়ান, শোজো ফুজিতা, তেচুও নাজিতা আদি গৱেষকসকলৰদ্বাৰা।[1]
ছিলভাৰবাৰ্গ Japanese Studies নামৰ জাৰ্নেলৰ সম্পাদকমণ্ডলীৰ সদস্য আছিল।[2] ১৯৯৮ চনত নিউ ছাউথ ৱেইলছ কলা গেলাৰীত অনুষ্ঠিত জাপানী সংস্কৃতি সন্মেলনত তেওঁ মুখ্য প্ৰবন্ধক আছিল।[2]
ছিলভাৰবাৰ্গৰ মৃত্যু ১৬ মাৰ্চ, ২০০৮ চনত লছ এঞ্জেলছৰ কাইণ্ড্ৰেড হস্পিটেলত পাৰ্কিনছন ৰোগ সম্পৰ্কীয় জটিলতাৰ ফলত হৈছিল; তেতিয়া তেওঁৰ বয়স আছিল ৫৭ বছৰ।[1]
তেওঁৰ এজন ভাতৃ আছিল।[1] জাপানত কৈশোৰ অতিবাহিত কৰাৰ ফলত তেওঁ জাপানী ভাষাতো দখল ৰাখিছিল।[1] ছণ্ড্ৰা হেল, যি ইউচিএলএত তেওঁৰ বন্ধু আছিল, তেওঁৰ ব্যক্তিগতভাৱে চলচ্চিত্ৰ আৰু হলিউডৰ গছিপৰ প্ৰতি বিশেষ আগ্ৰহ থকা বুলি স্মৰণ কৰিছিল।[1]
গ্ৰন্থ তালিকা
[সম্পাদনা কৰক]- Changing Song: The Marxist Manifestos of Nakano Shigeharu (১৯৯০)[9][10][11][12]
- Erotic Grotesque Nonsense (২০০৬)
তথ্যসূত্ৰ
[সম্পাদনা কৰক]- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 Stewart, Jocelyn Y (2008-04-09). "Miriam Rom Silverberg, 1951 - 2008; UCLA scholar wrote about modern Japan". Los Angeles Times: পৃষ্ঠা B6. সাঁচ:ProQuest.
- ↑ 2.0 2.1 2.2 2.3 Low, Morris (2009). "In Memoriam: Miriam R. Silverberg (1951–2008)". Japanese Studies খণ্ড 29 (1): 145–146. doi:10.1080/10371390902897987. ISSN 1037-1397. http://www.tandfonline.com/doi/abs/10.1080/10371390902897987.
- ↑ 3.0 3.1 3.2 3.3 Reports of the President and the Treasurer. John Simon Guggenheim Memorial Foundation. 1990. পৃষ্ঠা. 171. https://books.google.com/books?id=hEE8AQAAIAAJ.
- ↑ Silverberg, Miriam Rom (1984). Changing song: the Marxist poetry of Nakano Shigeharu (PhD thesis). OCLC 28781249.
- ↑ "Miriam Silverberg". UCLA Department of History. 2008-03-17. https://history.ucla.edu/person/miriam-silverberg/। আহৰণ কৰা হৈছে: 2025-07-24.
- ↑ "John K. Fairbank Prize in East Asian History". www.historians.org. https://www.historians.org/award-grant/john-k-fairbank-prize/। আহৰণ কৰা হৈছে: 2025-07-24.
- ↑ Frühstück, Sabine (2010). "Review of Erotic Grotesque Nonsense: The Mass Culture of Japanese Modern Times". The Journal of Japanese Studies খণ্ড 36 (2): 375–378. doi:10.1353/jjs.0.0160. ISSN 0095-6848.
- ↑ "Miriam Silverberg". Guggenheim Fellows. https://www.gf.org/fellows/miriam-silverberg/। আহৰণ কৰা হৈছে: 2025-07-23.
- ↑ Barshay, Andrew E. (1991). "Review of Changing Song: The Marxist Manifestos of Nakano Shigeharu". The Journal of Japanese Studies খণ্ড 17 (2): 475–482. doi:10.2307/132774. ISSN 0095-6848.
- ↑ Chang, Chia-ning (1992). "Review of Changing Song: The Marxist Manifestos of Nakano Shigeharu.". The Journal of Asian Studies খণ্ড 51 (4): 928–929. doi:10.2307/2059085. ISSN 0021-9118.
- ↑ Garon, Sheldon (1993). "Review of Changing Song: The Marxist Manifestos of Nakano Shigeharu". The American Historical Review খণ্ড 98 (3): 928–929. doi:10.2307/2167680. ISSN 0002-8762.
- ↑ Hoston, Germaine A. (1992). "Review of Changing Song: The Marxist Manifestos of Nakano Shigeharu". Pacific Affairs খণ্ড 65 (1): 103–105. doi:10.2307/2760233. ISSN 0030-851X.