মীৰা বাসুদেৱন

মীৰা বাসুদেৱন
জন্ম	মুম্বাই, মহাৰাষ্ট্ৰ, ভাৰত
অন্য নাম	মীৰা বাসুদেৱ
পেচা	অভিনেত্ৰী, মডেল
সক্ৰিয় হৈ থকা সময়	১৯৯৯–বৰ্তমান
সন্তান	১

মীৰা বাসুদেৱন (ইংৰাজী: Meera Vasudevan) এগৰাকী ভাৰতীয় অভিনেত্ৰী, যিয়ে মূলতঃ মালয়ালম, তামিল, হিন্দী আৰু তেলুগু ভাষাৰ চলচ্চিত্ৰ আৰু টেলিভিছন ধাৰাবাহিকত অভিনয় কৰিছে। তেওঁ ২০০৫ চনত 'তামিলনাডু ৰাজ্যিক চলচ্চিত্ৰ বঁটা বিশেষ বঁটা' আৰু ২০০৭ চনত 'কেৰালা ৰাজ্যিক টেলিভিছন বঁটা শ্ৰেষ্ঠ অভিনেত্ৰী'ৰ সন্মান লাভ কৰিছিল। এছিয়ানেটত সম্প্ৰচাৰিত মালয়ালম ধাৰাবাহিক কুদুম্বাবিলাক্কুত 'সুমিত্ৰা' চৰিত্ৰটোৰ বাবে তেওঁ অধিক পৰিচিত। বৰ্তমান তেওঁ জি কেৰালামৰ মধুৰানম্বৰাকাট্টুত সুজাতাৰ চৰিত্ৰত অভিনয় কৰি আছে।

প্ৰাৰম্ভিক জীৱন

মীৰাৰ জন্ম মহাৰাষ্ট্ৰৰ মুম্বাইৰ এটা তামিল পৰিয়ালত হৈছিল। তেওঁ বাসুদেৱন আৰু হেমলতাৰ জ্যেষ্ঠ কন্যা। তেওঁৰ অশ্বিনী নামৰ এগৰাকী কনিষ্ঠ ভগ্নী আছে, যিয়ে ছলমান খান অভিনীত ছবি জানম সমঝা কৰোত শিশু শিল্পী হিচাপে অভিনয় কৰি জনপ্ৰিয়তা অৰ্জন কৰিছিল। কলা শাখাৰ অধীনত মনোবিজ্ঞান আৰু ইংৰাজী সাহিত্যত স্নাতক ডিগ্ৰী লাভ কৰাৰ পাছত তেওঁ এগৰাকী সফল মডেল হিচাপে পৰিগণিত হয় আৰু বহুতো টেলিভিছন বিজ্ঞাপনত অভিনয় কৰি জনপ্ৰিয়তা লাভ কৰে। আইচিচি ছেটমেক্সৰ প্ৰচাৰ অভিযানে তেওঁলৈ সফলতা কঢ়িয়াই আনিছিল আৰু ইয়াৰ জৰিয়তে অভিনয় জগতত তেওঁৰ প্ৰৱেশ ঘটিছিল।

ব্যক্তিগত জীৱন

২০০৫ চনত মীৰাই চিত্ৰগ্ৰহণকাৰী অশোক কুমাৰৰ পুত্ৰ বিশাল আগৰৱালৰ সৈতে বিবাহপাশত আবদ্ধ হয়। ২০১০ চনৰ জুলাই মাহত তেওঁলোকৰ বিচ্ছেদ হয়। ২০১২ চনত তেওঁ মালয়ালম অভিনেতা জন কক্কেনৰ সৈতে বিবাহপাশত আবদ্ধ হয়, যাৰ সৈতে তেওঁৰ এজন পুত্ৰ সন্তান আছে আৰু ২০১৬ চনত তেওঁলোকৰ বিচ্ছেদ ঘটে। ২০২৪ চনত মীৰাই বিপিন পুথিয়াংকামৰ সৈতে বিবাহপাশত আবদ্ধ হয়। ২০২৫ চনত তেওঁলোকৰ বিচ্ছেদ ঘটে।

বাহ্যিক সংযোগ

• মীৰা বাসুদেৱন সম্পৰ্কে ইণ্টাৰনেট মুভি ডাটাবেছত থকা তথ্য।