মীৰা শংকৰ
| মীৰা শংকৰ | |
|---|---|
 ২০১০ চনত আমেৰিকা-ভাৰত পিপল টু পিপল সন্মিলনত মীৰা শংকৰ | |
| জন্ম | মীৰা যাদৱ ০৯ অক্টোবৰ, ১৯৫০ (৭৫ বছৰ) |
| আমেৰিকাত ভাৰতৰ ৰাষ্ট্ৰদূত | |
| কাৰ্যকাল ২০০৯ – ২০১১ | |
| পূৰ্বসূৰী | ৰনেন সেন |
| উত্তৰসূৰী | ``নিৰু পামা ৰাও |
মীৰা শংকৰ (ইংৰাজী: : Meera Shankar; জন্ম যাদৱ) ২০০৯ চনৰ ২৬ এপ্ৰিল [1] ৰ পৰা ২০১১ চনলৈ আমেৰিকা যুক্তৰাষ্ট্ৰত ভাৰতৰ ৰাষ্ট্ৰদূত [2] হিচাপে কাৰ্যনিৰ্বাহ কৰিছিল। তেওঁৰ পিছত ২০১১ চনৰ ১ আগষ্টত নিৰুপমা ৰাও তেওঁৰ স্থানত স্থলাভিষিক্ত হয়। বিজয়া লক্ষ্মী নেহৰু পণ্ডিত হৈছে প্ৰথম গৰাকী আৰু মীৰা শংকৰ দিত্বীয় গৰাকী আমেৰিকা যুক্তৰাষ্ট্ৰত ভাৰতৰ ৰাষ্ট্ৰদূত হিচাপে কাৰ্যনিৰ্বাহ কৰা মহিলা ৰাষ্ট্ৰদূত আছিল। ১৯৭৩ চনৰ ব্যাচৰ বিষয়া শংকৰে ১৯৯১ চনৰ পৰা ১৯৯৫ চনলৈকে ৱাশ্বিংটন ডি চিত নিযুক্তি লাভ কৰিছিল। তেওঁ ৰাষ্ট্ৰদূত ৰোনেন ছেনৰ ঠাইত স্থলাভিষিক্ত হৈছিল।
প্ৰাৰম্ভিক জীৱন আৰু কেৰিয়াৰ
[সম্পাদনা কৰক]নৈনিতালৰ ছেইণ্ট মেৰী কনভেণ্টত অধ্যয়ন কৰি মীৰা শংকৰে শিমলাৰ ছেইণ্ট বেদে কলেজৰ পৰা স্নাতক ডিগ্ৰী লাভ কৰে আৰু ১৯৭৩ চনত ভাৰতীয় বৈদেশিক সেৱাত যোগদান কৰে।
১৯৮৫ চনৰ পৰা ১৯৯১ চনলৈকে প্ৰধানমন্ত্ৰীৰ কাৰ্যালয়ত সঞ্চালক হিচাপে কাৰ্যনিৰ্বাহ কৰিছিল শংকৰে। ১৯৯১ চনৰ পৰা ১৯৯৫ চনলৈকে বাণিজ্য আৰু উদ্যোগ মন্ত্ৰালয়ত সঞ্চালক হিচাপে কাৰ্যনিৰ্বাহ কৰিছিল। বিদেশ মন্ত্ৰালয়ত কাৰ্যনিৰ্বাহ কৰাৰ সময়ত তেওঁ দক্ষিণ এছিয়ান এছ’চিয়েচন অৱ ৰিজিঅ’নেল ক’অপাৰেশ্যন (SAARC) আৰু নেপাল আৰু ভূটানৰ সৈতে সম্পৰ্কৰ ৰক্ষাত জড়িত দুটা গুৰুত্বপূৰ্ণ বিভাগৰ নেতৃত্ব দিছিল।
২০০৯ চনৰ পূৰ্বে তেওঁ জাৰ্মানীৰ বাৰ্লিনত ভাৰতৰ ৰাষ্ট্ৰদূত হিচাপে কাৰ্যনিৰ্বাহ কৰিছিল।
জি.শংকৰ বাজপেয়ীৰ পিছত দুটা দশকৰো অধিক সময়ৰ ভিতৰত ৱাশ্বিংটনত নিযুক্তি পোৱা প্ৰথমজন কূটনীতিবিদ আছিল শংকৰ। তেওঁ ২০০৩ চনত অতিৰিক্ত সচিব পদ অৰ্জন কৰি ৰাষ্ট্ৰসংঘ আৰু আন্তঃৰাষ্ট্ৰীয় নিৰাপত্তাৰ দায়িত্ব লয়।
অন্যান্য কাম-কাজ
[সম্পাদনা কৰক]শংকৰে ডয়চে বেংকৰ এলফ্ৰেড হেৰহাউজেন গেছেলশাফ্টৰ ট্রাস্টি বোর্ডত সদস্য হিচাপে কাৰ্যনিৰ্বাহ কৰে। [3] ২০১২ চনত তেওঁ ভাৰতীয় সংঘবদ্ধ আইটিচিৰ পৰিচালনা সমিতিৰ প্ৰথম মহিলা হিচাপে পৰিগণিত হয়।[4]
ব্যক্তিগত জীৱন
[সম্পাদনা কৰক]শংকৰৰ বিবাহ ১৯৭৩ চনৰ ব্যাচৰ আই এ এছ বিষয়া অজয় শংকৰৰ সৈতে হয়। তেওঁলোকৰ প্ৰিয়া নামৰ এগৰাকী কন্যা আছে। [5]
বিতৰ্ক
[সম্পাদনা কৰক]২০১০ চনৰ ডিচেম্বৰ মাহত জেকচন–এভাৰ্ছ বিমানবন্দৰত পেট-ডাউন চেক কৰি আমেৰিকাৰ বিমানবন্দৰত ফ্ৰিস্কিং বা কুইজিং কৰা ভাৰতীয় ভিআইপিৰ তালিকাত যোগদান কৰাৰ পিছত শংকৰে বাতৰিৰ শিৰোনাম দখল কৰিছিল। তেওঁক বিমানবন্দৰত নিৰাপত্তাৰ অজুহাতত ফ্ৰিস্কিং বা কুইজিং কৰা হৈছিল, যি ঘটনা ভাৰতত ব্যাপক প্ৰতিক্ৰিয়াৰ সৃষ্টি কৰে। এই ঘটনাই ভাৰতীয় চৰকাৰক ক্ষুব্ধ কৰে আৰু কূটনৈতিক স্তৰত আমেৰিকাৰ ওচৰত শক্তিশালী প্ৰতিবাদ জনোৱা হয়।[6]
লগতে চাওক
[সম্পাদনা কৰক]তথ্য সূত্ৰ
[সম্পাদনা কৰক]- ↑ Meera shankar. "Meera shankar". https://news.google.com/news?hl=en&q=Meera+shankar&rlz=1R2GPEA_en&um=1&ie=UTF-8&ei=01ZeSvGKMoamNpvEvK4C&sa=X&oi=news_group&ct=title&resnum=10। আহৰণ কৰা হৈছে: 2012-10-14.
- ↑ "Welcome to Embassy of India, Washington D C, USA". Indian Embassy, Washington. https://www.indianembassy.org/speeches_statements.php। আহৰণ কৰা হৈছে: 2015-04-14.
- ↑ Board of Trustees Archived 20 August 2018 at the Wayback Machine Alfred Herrhausen Gesellschaft of Deutsche Bank.
- ↑ Mukherjee, Writankar (4 August 2012). "ITC inducts Meera Shankar in its board as the first women ever". The Times Of India. Archived from the original on 5 March 2016. https://web.archive.org/web/20160305074307/http://articles.economictimes.indiatimes.com/2012-08-04/news/33035430_1_ssh-rehman-meera-shankar-itc। আহৰণ কৰা হৈছে: 7 August 2017.
- ↑ Scott, Gail (28 March 2011). "Private Indian Couple Dedicates Careers to Public Service". Washington Diplomat. http://www.washdiplomat.com/index.php?option=com_content&view=article&id=7298:2011-03-29-17..। আহৰণ কৰা হৈছে: 7 August 2017.
- ↑ "After pat-down, US pats Meera". The Economic Times. 11 December 2010. Archived from the original on 14 March 2016. https://web.archive.org/web/20160314012752/http://articles.economictimes.indiatimes.com/2010-12-11/news/27611311_1_ambassador-meera-shankar-mississippi-airport-indian-embassy। আহৰণ কৰা হৈছে: 13 March 2016.