মুন মুন সেন

মুন মুন সেন
লোকসভাৰ সাংসদ
কাৰ্যকাল ২০১৪ – ২০১৯
পূৰ্বসূৰী	বসুদেৱ আচাৰিয়া
উত্তৰসূৰী	সুভাষ চৰকাৰ
সমষ্টি	বাংকুৰা
ব্যক্তিগত তথ্য
জন্ম	শ্ৰীমতী সেন ২৮ মাৰ্চ, ১৯৫৪ (৭২ বছৰ) কলিকতা, পশ্চিম বংগ, ভাৰত
দাম্পত্যসঙ্গী	ভৰত দেৱ বৰ্মা (বি. ১৯৭৮; মৃত্যু ২০২৪)
সন্তান	ৰাইমা সেন ৰিয়া সেন
পিতৃ-মাতৃ	দিৱনাথ সেন সুচিত্ৰা সেন
বাসস্থান	কলিকতা
জীৱিকা	অভিনেত্ৰী, ৰাজনীতিক

মুন মুন সেন, মুনমুন সেন (ইংৰাজী: Moon Moon Sen, জন্ম : শ্ৰীমতী সেন; ২৮ মাৰ্চ ১৯৫৪), এগৰাকী ভাৰতীয় অভিনেত্ৰী। তেওঁ হিন্দী, বাংলা, মালায়ালম, কানাড়া, তেলেগু, তামিল, আৰু মাৰাঠী ছবিত কৰা অভিনয়-কৰ্মৰ বাবে পৰিচিত। তেওঁ ৬০খন ছবি আৰু ৪০খন টেলিভিছন ধাৰাবাহিকত অভিনয় কৰিছে। চিৰিভেন্নেলা ছবিত অভিনয় কৰি তেওঁ ১৯৮৭ চনত শ্ৰেষ্ঠ সহযোগী অভিনেত্ৰীৰ অন্ধ্ৰপ্ৰদেশ ৰাজ্যিক নন্দী বঁটা লাভ কৰিবলৈ সক্ষম হৈছে।

প্ৰাথমিক জীৱন

বাংলা অভিনেত্ৰী সুচিত্ৰা সেন আৰু দিবনাথ সেনৰ ঘৰত কলিকতাত (বৰ্তমানৰ কলকাতা) মুন মুন সেনৰ জন্ম হৈছিল। বালিগুংগে প্লেচৰ পিতৃ কলিকতাৰ অন্যতম ধনী ব্যৱসায়ী আদিনাথ সেনৰ পুত্ৰ আছিল। তেওঁৰ আজোককাক আছিল দিননাথ সেন আছিল দিৱান বা ত্ৰিপুৰাৰ মহাৰাজৰ মন্ত্ৰী।

শিলচৰৰ লৰেটো কনভেণ্ট আৰু কলিকতাৰ লৰেটো হাউচত শিক্ষা গ্ৰহণ কৰিছিল। অক্সফৰ্ডৰ ছমাৰভিল কলেজৰ পৰা স্নাতক ডিগ্ৰী লাভ কৰি কলিকতাৰ যাদৱপুৰ বিশ্ববিদ্যালয়ৰ পৰা তুলনামূলক সাহিত্যত স্নাতকোত্তৰ ডিগ্ৰী লাভ কৰে।

সৰুতে সেনে ভাৰতৰ অন্যতম শ্ৰেষ্ঠ শিল্পী যামিনী ৰয়ৰ পৰা চিত্ৰ অংকন শিকিছিল। তেওঁ চিত্ৰকলা আৰু প্ৰাচীন সামগ্ৰী সংগ্ৰহ কৰি ভাল পায়। ২০০০ চনত দিয়া এক সাক্ষাৎকাৰত তেওঁ কয় যে তেওঁ এবছৰ ধৰি বালিগুংগে চৰকাৰী হাইস্কুলত অধ্যাপনা কৰিছিল আৰু তাৰ পিছত ছবিৰ কৌশল শিকোৱা বিদ্যালয় চিত্ৰবাণীত গ্ৰাফিক্স অধ্যাপনা কৰিছিল। সমাজসেৱাৰ ক্ষেত্ৰতো তেওঁ সক্ৰিয় আছিল আৰু আনকি বিয়াৰ আগতেই সন্তান দত্তক লোৱাৰ কথাও ভাবিছিল। সেনে চিনেমাত যোগদান কৰাৰ পূৰ্বে কলকাতাৰ এখন সুপৰিচিত ছাত্ৰ বিদ্যালয়ত (বালিগুংগে চৰকাৰী হাইস্কুল) ইংৰাজী পঢ়ুৱাইছিল।

ব্যক্তিগত জীৱন

মুন মুন সেনে ১৯৭৮ চনত ত্ৰিপুৰাৰ পূৰ্বৰ ৰাজপৰিয়ালৰ বংশধৰ ভাৰত দেৱ বৰ্মাৰ সৈতে বিবাহপাশত আবদ্ধ হয়। তেওঁলোকৰ দুগৰাকী কন্যা ৰাইমা আৰু ৰিয়াইও অভিনয়ৰ কেৰিয়াৰ গঢ়িবলৈ সক্ষম হৈছিল। তেওঁ কয় যে তেওঁৰ স্বামী তেওঁৰ অভিনয় কেৰিয়াৰৰ বাবে এক সুদৃঢ় সমৰ্থন আছিল। তেওঁৰ প্ৰয়াত শাহুৱেক ইলা দেৱী কোচবেহাৰৰ ৰাজকুমাৰী ইন্দিৰা ৰাজেৰ কন্যা আৰু জয়পুৰৰ মহাৰাণী গায়ত্ৰী দেৱীৰ জ্যেষ্ঠ ভগ্নী আছিল।

ৰাজনৈতিক জীৱন

২০১৪ চনৰ মাৰ্চ মাহত মুন মুন সেনে তৃণমূল কংগ্ৰেছত যোগদান কৰেআৰু ২০১৪ চনৰ লোকসভা নিৰ্বাচনত বাংকুৰা সমষ্টিৰ পৰা জয়ী হয়, য'ত তেওঁ চিপিআই(এম)ৰ ৯ বাৰৰ সাংসদ বাসুদেৱ আচাৰিয়াক পৰাস্ত কৰে।২০১৯ চনত আছানছল লোকসভা সমষ্টিৰ নিৰ্বাচনত বিজেপিৰ বাবুল সুপ্ৰিয়ৰ হাতত পৰাস্ত হয়।

বাহ্যিক সংযোগ

• মুন মুন সেন সম্পৰ্কে ইণ্টাৰনেট মুভি ডাটাবেছত থকা তথ্য।
• মুন মুন সেন সম্পৰ্কে বলিউড হাংগামাত থকা তথ্য