মেগান মাৰ্কল

মেগান
চাচেস্কৰ ৰাজৰাণী
২০২৪ চনত মেগান
দাম্পত্য সঙ্গী	ট্ৰেভৰ এংগলছন (বি. ২০১১; বিবি. ২০১৪) প্ৰিন্স হেৰি, ডিউক অৱ ছাছেক্স (বি. ২০১৮)
মাতৃ	ডৰিয়া ৰেগলেণ্ড
পিতৃ	থমাছ মাৰ্কল ছিনিয়ৰ

মেগান, ডাচেছ অৱ ছাচেক্স (ইংৰাজী: Meghan, Duchess of Sussex, ৪ আগষ্ট, ১৯৮১) ব্ৰিটিছ ৰাজকীয় পৰিয়ালৰ এগৰাকী আমেৰিকান সদস্য, সংবাদ মাধ্যমৰ ব্যক্তিত্ব আৰু প্ৰাক্তন অভিনেত্ৰী। তেওঁৰ তৃতীয় চাৰ্লছ ৰজাৰ কনিষ্ঠ পুত্ৰ ছাচেক্সৰ ড্যুক ৰাজকুমাৰ হেৰীৰ সৈতে বিবাহ হয়।

কেলিফৰ্ণিয়াৰ লছ এঞ্জেলছত মেগানৰ জন্ম হৈছিল। নৰ্থৱেষ্টাৰ্ণ ইউনিভাৰ্চিটিৰ পৰাই তেওঁৰ অভিনয় কেৰিয়াৰ আৰম্ভ হৈছিল। তেওঁ আইনী ড্ৰামা ধাৰাবাহিক ছুটছত সাতটা ছিজন (২০১১–২০১৮) ৰেচেল জেনৰ চৰিত্ৰত অভিনয় কৰিছিল। তেওঁ ছ’চিয়েল মিডিয়াত উপস্থিতিও গঢ়ি তুলিছিল, য’ত লাইফষ্টাইল ব্লগ দ্য টিগ (২০১৪–২০১৭) অন্তৰ্ভুক্ত আছিল। দ্য টিগৰ সময়ছোৱাত মেগান মূলতঃ মহিলাৰ বিষয় আৰু সামাজিক ন্যায়ৰ ওপৰত গুৰুত্ব আৰোপ কৰা দাতব্য কামৰ সৈতে জড়িত হৈ পৰে। ২০১১ চনৰ পৰা ২০১৪ চনত তেওঁলোকৰ বিবাহ বিচ্ছেদলৈকে ছবি প্ৰযোজক ট্ৰেভৰ এংগেলছনৰ সৈতে বিবাহপাশত আবদ্ধ হৈছিল।

২০১৮ চনত ৰাজকুমাৰ হেৰীৰ সৈতে বিবাহপাশত আবদ্ধ হোৱাৰ পিছত মেগানে অভিনয়ৰ পৰা অৱসৰ গ্ৰহণ কৰে আৰু ডাচেছ অৱ ছাচেক্স হিচাপে পৰিচিত হয়। তেওঁলোকৰ দুটা সন্তান আৰ্চি আৰু লিলিবেট। ২০২০ চনৰ জানুৱাৰী মাহত দম্পতীহালে কৰ্মৰত ৰয়েল পদৰ পৰা পদত্যাগ কৰি মেগানৰ জন্মভূমি দক্ষিণ কেলিফৰ্ণিয়ালৈ গুচি যায় আৰু বেভাৰলী হিলছ ভিত্তিক লাভজনক আৰু অলাভজনক (দাতব্য) ব্যৱসায়িক সংস্থাৰ মিশ্ৰণ আৰ্চেৱেল ইনকৰ্পৰেশ্যন আৰম্ভ কৰে। ২০২১ চনৰ মাৰ্চ মাহত তেওঁ আৰু তেওঁৰ স্বামীয়ে মেগান আৰু হেৰীৰ সৈতে অপ্ৰাত অংশগ্ৰহণ কৰে, যিটো অপ্ৰা উইনফ্ৰেৰ বহু প্ৰচাৰিত আমেৰিকান টেলিভিছন সাক্ষাৎকাৰ। শিশুৰ বাবে তেওঁ দ্য বেঞ্চ লিখিছে৷ তেওঁ পডকাষ্ট আৰ্কিটাইপছ (২০২২) আয়োজন কৰিছে৷ লগতে নেটফ্লিক্সৰ ধাৰাবাহিক হেৰী এণ্ড মেগান (২০২২) আৰু উইথ লাভ, মেগান (২০২৫)ত অভিনয় কৰিছে।