মেৰী-কেট আৰু এছলী অলচেন

মেৰী-কেট আৰু এছলী অলচেন
[এছলী (বাওঁফালে) and মেৰী-কেট (সোঁফালে), ২০১১ চনৰ ট্ৰাইবেকা ফিল্ম ফেষ্টিভেলত
জন্ম	মেৰী-কেট অলচেন আৰু এছলী ফুলাৰ অলচেন জুন ১৩ , ১৯৮৬ (৩৯ বছৰ) লচ এঞ্জেলচ, কেলিফৰ্ণিয়া, আমেৰিকা
পেচা	ফেশ্বন ডিজাইনাৰ অভিনেত্ৰী
সক্ৰিয় হৈ থকা সময়	এছলী: ১৯৮৭–২০০৪ (অভিনেত্ৰী) মেৰী-কেট: ১৯৮৭–২০১২ (অভিনেত্ৰী) একেলগে: ২০০৪–বৰ্তমান (ফেশ্বন ডিজাইনাৰ)
দাম্পত্যসঙ্গী	মেৰী-কেট: অলিভিয়াৰ চাৰ্কোজি (বি. ২০১৫; বিবি. ২০২১) এছলী: লুইচ আইছনাৰ (বি. ২০২২)
সন্তান	এছলী: ১
আত্মীয়-স্বজন	এলিজাবেথ অলচেন (ভগ্নী)

মেৰী-কেট অলচেন আৰু এছলী ফুলাৰ অলচেন (জন্ম ১৩ জুন, ১৯৮৬), যাক অলচেন যমজ সন্তান বুলিও কোৱা হয় , আমেৰিকাৰ ফেশ্বন ডিজাইনাৰ আৰু প্ৰাক্তন অভিনেত্ৰী। টেলিভিছনৰ চিটকম ফুল হাউচ (১৯৮৭–১৯৯৫)ত মিচেল টেনাৰৰ চৰিত্ৰত অভিনয় কৰি কেঁচুৱা অৱস্থাত মেৰী-কেট আৰু এছলীয়ে অভিনয়ত আত্মপ্ৰকাশ কৰে। ডাঙৰ হোৱাৰ লগে লগে তেওঁলোকে নিজৰ প্ৰডাকচন কোম্পানী ডুৱেলষ্টাৰৰ জৰিয়তে অন্যান্য টেলিভিছন শ্ব', ছবি আৰু সংবাদ মাধ্যমত অভিনয় কৰিবলৈ আৰম্ভ কৰে। যমজ সন্তান দুটা প্ৰিটিন আইকন হৈ পৰিছিল, আৰু কম বয়সতে মনোৰঞ্জন উদ্যোগৰ ধনী মহিলা হৈ পৰিছিল।

২০০০ চনৰ মাজভাগত অলচেন পৰিয়ালে অভিনয়ৰ পৰা আঁতৰি আহি ফেশ্বন ডিজাইন উদ্যোগত প্ৰৱেশ কৰে। ২০০৬ চনত তেওঁলোকে নিউয়ৰ্ক চহৰত ভিত্তি কৰি নিজাকৈ বিলাসী ফেশ্বন লেবেল দ্য ৰ' প্ৰতিষ্ঠা কৰে। কাউন্সিল অৱ ফেশ্বন ডিজাইনাৰছ অৱ আমেৰিকা (চিএফডিএ)ৰ পৰা কেইবাটাও বঁটা লাভ কৰিছে।

মেৰী-কেট অলচেন

২০১১ চনত মেৰী-কেট

মেৰী-কেট অলচেন (ইংৰাজী: Mary-Kate Olsen; জন্ম: ১৩ জুন, ১৯৮৬) এগৰাকী আমেৰিকান ব্যৱসায়ী, ফেশ্বন ডিজাইনাৰ, অশ্বাৰোহী আৰু প্ৰাক্তন অভিনেত্ৰী। ৯ মাহ বয়সৰ পৰাই তেওঁৰ অভিনয় কেৰিয়াৰ আৰম্ভ হয়, টেলিভিছনৰ চিটকম ফুল হাউছ (১৯৮৭–১৯৯৫)ত যমজ ভগ্নী এছলী অলচেনৰ সৈতে মিচেল টেনাৰৰ চৰিত্ৰটো ভাগ কৰে। তেওঁলোকে একেলগে অসংখ্য ছবিতো অভিনয় কৰিছিল।

১৯৯৩ চনত প্ৰডাকচন কোম্পানী ডুৱেলষ্টাৰ এণ্টাৰটেইনমেণ্ট গ্ৰুপ প্ৰতিষ্ঠা কৰা হয়, যিয়ে ছোৱালীকেইজনীক লৈ টেলিভিছন ছবি আৰু প্ৰত্যক্ষ ভিডিঅ’লৈ মুক্তিৰ দীঘলীয়া ধাৰাবাহিকতা নিৰ্মাণ কৰে; তেওঁ পাছপ'ৰ্ট টু পেৰিছ (১৯৯৯), আৱাৰ লিপছ আৰ ছিলড (২০০০), উইনিং লণ্ডন (২০০১), হলিডে ইন দ্য ছান (২০০১) আৰু টেলিভিছন ধাৰাবাহিক, ছ' লিটল টাইম (২০০১–২০০২)ত অভিনয় কৰিছিল, যাৰ বাবে তেওঁ শিশু প্ৰগ্ৰেমিংৰ অসাধাৰণ অভিনেতাৰ বাবে ডেটাইম এমি বঁটাৰ বাবে মনোনীত হৈছিল। তেওঁলোকে গেটিং থেৰ (২০০২), ৱেন ইন ৰোম (২০০২), দ্য চেলেঞ্জ (২০০৩) ছবিত অভিনয় কৰিছিল আৰু চাৰ্লিছ এঞ্জেলছ: ফুল থ্ৰ'টল (২০০৩) ছবিত কেমিঅ' কৰিছিল। যমজ ভগ্নীৰ সৈতে অভিনয় কৰা শেষ ছবিখন আছিল নিউয়ৰ্ক মিনিট (২০০৪)। তেওঁ স্বতন্ত্ৰভাৱে অভিনয় জীৱন অব্যাহত ৰাখিছিল, ছবি আৰু টেলিভিছন শ্ব'ত কেইটামান অতিথি তাৰকাৰ চৰিত্ৰত অভিনয় কৰিছিল, শেষৰখন ছবি আছিল বিষ্টলী (২০১১)।

২০১২ চনৰ মাৰ্চ মাহত মেৰী-কেট আৰু এছলীয়ে ফেশ্বন উদ্যোগত নিজৰ কেৰিয়াৰত মনোনিৱেশ কৰিবলৈ অভিনেত্ৰী হিচাপে অৱসৰ লোৱাৰ আগ্ৰহ আনুষ্ঠানিকভাৱে প্ৰকাশ কৰে। তেওঁ আৰু তেওঁৰ যমজ ভগ্নীয়ে বিলাসী ফেশ্বন ব্ৰেণ্ড দ্য ৰ', লাইফষ্টাইল ব্ৰেণ্ড এলিজাবেথ আৰু জেমছ, আৰু অধিক সুলভ মূল্যৰ ফেশ্বন লাইন অলচেনবয় আৰু ষ্টাইলমিণ্টৰ সহ-প্ৰতিষ্ঠাপক। তেখেতসকল কাউন্সিল অৱ ফেশ্বন ডিজাইনাৰছ অৱ আমেৰিকাৰ সদস্য৷

তেওঁ তেওঁৰ যমজ ভগ্নী এছলী অলচেনতকৈ দুমিনিট সৰু।

এছলী ফুলাৰ অলচেন

২০১১ চনত এছলী

এছলী ফুলাৰ অলচেন (ইংৰাজী: Ashley Fuller Olsen; জন্ম: ১৩ জুন, ১৯৮৬) এগৰাকী আমেৰিকান ব্যৱসায়ী, ফেশ্বন ডিজাইনাৰ আৰু প্ৰাক্তন অভিনেত্ৰী। ৯ বছৰ বয়সত তেওঁ অভিনয় জীৱন আৰম্ভ কৰে, টেলিভিছনৰ চিটকম ফুল হাউছ (১৯৮৭–১৯৯৫) ত যমজ ভগ্নী মেৰী-কেট অলচেনৰ সৈতে মিচেল টেনাৰৰ চৰিত্ৰটো ভাগ কৰে। তেওঁলোকে একেলগে অসংখ্য ছবিতো অভিনয় কৰিছিল।

১৯৯৩ চনত প্ৰডাকচন কোম্পানী ডুৱেলষ্টাৰ এণ্টাৰটেইনমেণ্ট গ্ৰুপ প্ৰতিষ্ঠা কৰা হয়, যিয়ে ছোৱালীকেইজনীক লৈ টিভি চিনেমা আৰু ডাইৰেক্ট টু ভিডিঅ’ মুক্তিৰ দীঘলীয়া ধাৰাবাহিকতা প্ৰস্তুত কৰে; তেওঁলোকে পাছপ'ৰ্ট টু পেৰিছ (১৯৯৯), আৱাৰ লিপছ আৰ ছিলড (২০০০), উইনিং লণ্ডন (২০০১), হলিডে ইন দ্য ছান (২০০১) আৰু টেলিভিছন ধাৰাবাহিক ছ' লিটল টাইম (২০০১–২০০২)ত অভিনয় কৰিছিল। তেওঁলোকে গেটিং থেৰ (২০০২), ৱেন ইন ৰোম (২০০২), আৰু দ্য চেলেঞ্জ (২০০৩) ছবিত অভিনয় কৰিছিল; আৰু চাৰ্লিৰ এঞ্জেলছ: ফুল থ্ৰ'টল (২০০৩)ত কেমিঅ' কৰিছিল। যমজ ভগ্নীৰ সৈতে অভিনয় কৰা শেষ ছবিখন আছিল নিউয়ৰ্ক মিনিট (২০০৪)। তেখেতে নিজৰ অভিনয় কেৰিয়াৰ স্বতন্ত্ৰভাৱে অব্যাহত ৰাখিছিল, ছবি আৰু এটা মিউজিক ভিডিঅ'ত কেইটামান অতিথি তাৰকাৰ চৰিত্ৰত অভিনয় কৰিছিল।

২০১২ চনৰ মাৰ্চ মাহত মেৰী-কেট আৰু এছলীয়ে ফেশ্বন উদ্যোগত নিজৰ কেৰিয়াৰত মনোনিৱেশ কৰিবলৈ অভিনেত্ৰী হিচাপে অৱসৰ লোৱাৰ আগ্ৰহ আনুষ্ঠানিকভাৱে প্ৰকাশ কৰে। তেওঁ আৰু তেওঁৰ যমজ ভগ্নীয়ে বিলাসী ফেশ্বন ব্ৰেণ্ড দ্য ৰ', লাইফষ্টাইল ব্ৰেণ্ড এলিজাবেথ আৰু জেমছ, আৰু অধিক সুলভ মূল্যৰ ফেশ্বন লাইন অলচেনবয় আৰু ষ্টাইলমিণ্টৰ সহ-প্ৰতিষ্ঠাপক। তেওঁলোকে সহ-লেখক আছিল এখন কিতাপ, প্ৰভাৱ, য'ত ফেশ্বন ডিজাইনাৰসকলৰ সৈতে হোৱা সাক্ষাৎকাৰ আছিল যিয়ে তেওঁলোকৰ ফেশ্বন লাইনসমূহক অনুপ্ৰাণিত কৰিছে। তেখেতসকল কাউন্সিল অৱ ফেশ্বন ডিজাইনাৰছ অৱ আমেৰিকাৰ সদস্য৷

বাহ্যিক সংযোগ

• Dualstar Entertainment Group Corporate Website
• Ashley Olsen সম্পৰ্কে ইণ্টাৰনেট মুভি ডাটাবেছত থকা তথ্য।
• Mary-Kate Olsen সম্পৰ্কে ইণ্টাৰনেট মুভি ডাটাবেছত থকা তথ্য।