মেৰী থমাছ
| মেৰী থমাছ | |
|---|---|
 | |
| জন্ম | ১৭ ফেব্ৰুৱাৰী ১৮৯৬ মিনাহাছা, নৰ্থ চুলাৱেচি, ইণ্ডোনেছিয়া |
| মৃত্যু | ১০ অক্টোবৰ ১৯৬৬ |
| অন্য নাম | মাৰিয়া এমিলিয়া থমাছ |
| পেচা | চিকিৎসক |
| জনা যায় | প্ৰথম ইণ্ডোনেছিয়াৰ মহিলা চিকিৎসক |
মাৰিয়া এমিলিয়া থমাছ (১৭ ফেব্ৰুৱাৰী ১৮৯৬ – ১০ অক্টোবৰ ১৯৬৬),বা মেৰী থমাছ নামেৰে বেছি পৰিচিত, ইণ্ডোনেছিয়ান প্ৰথমগৰাকী মহিলা চিকিৎসক। ১৯২২ চনত স্কুল অৱ ট্ৰেইনিং অৱ নেটিভ ফিজিচিয়ান (STOVIA বা School tot Opleiding van Indische Artsen)ৰ পৰা ডিপ্লমা লাভ কৰে। ইয়াৰ পিছত তেওঁ প্ৰসূতি আৰু স্ত্ৰীৰোগ বিজ্ঞানত বিশেষজ্ঞতা লাভ কৰে আৰু এই ক্ষেত্ৰত বিশেষজ্ঞ হোৱা প্ৰথমগৰাকী ইণ্ডোনেছিয়ান চিকিৎসক হিচাপে গণ্য কৰা হয়। তেওঁ বুকিটিংগিত ধাত্ৰী বিদ্যালয়ো স্থাপন কৰে।
জীৱনী
[সম্পাদনা কৰক]১৮৯৬ চনৰ ১৭ ফেব্ৰুৱাৰীত উত্তৰ চুলাৱেছিৰ মিনাহাছা অঞ্চলত অৱস্থিত লিকুপাংত জন্মগ্ৰহণ কৰিছিল মেৰী থমাছে।[1] তেওঁৰ পিতৃ-মাতৃ আছিল এড্ৰিয়ান থমাছ আৰু নিকোলিনা মাৰামিছ। তেওঁৰ দেউতাকৰ সামৰিক বাহিনীৰ বিষয়া আছিল, যাৰ বাবে পৰিয়ালটোৱে ইণ্ডোনেছিয়াৰ বিভিন্ন স্থানলৈ অহৰহ বদলি হ’বলগীয়া হৈছিল। কিন্তু ইয়াৰ ফলত থমাছে চুলাৱেছিৰ পৰা জাভালৈকে বিভিন্ন বিদ্যালয়ত পঢ়িবলৈ পাইছিল।[2]
STOVIA-এ প্ৰথম অৱস্থাত মহিলাক শিক্ষাৰ্থী হিচাপে গ্ৰহণ কৰা নাছিল যদিও আলেটা জেকবছৰ (নেদাৰলেণ্ডৰ প্ৰথম মহিলা চিকিৎসক) প্ৰচেষ্টাৰ বাবেই এই নীতিৰ পৰিৱৰ্তন ঘটিছিল। ১৯১১ চনত যেতিয়া জেকবছে ইণ্ডোনেছিয়া (বা সেই সময়ত ডাচ ইষ্ট ইণ্ডিজ) ভ্ৰমণ কৰিছিল, তেতিয়া তেওঁ তেতিয়াৰ গৱৰ্ণৰ জেনেৰেল এ.ডব্লিউ.এফ. আইডেনবাৰ্গ।[3] মহিলাসকলক নামভৰ্তি কৰিবলৈ দিয়াৰ পিছত আৰু এটা বাধাৰ সৃষ্টি হৈছিল য’ত তেওঁলোকক অসামৰিক চিকিৎসা সেৱা (Burgerlijke geneeskundige dienst)ত নিয়োগ কৰিব পৰা নাছিল আৰু সেয়েহে STOVIA ত পঢ়াৰ খৰচ দিবলগীয়া হৈছিল। এই ক্ষেত্ৰত আলেটাৰ ভগ্নী চাৰ্লট জেকবছ (নেদাৰলেণ্ডত ফাৰ্মাক'লজীত ডিগ্ৰী লাভ কৰা প্ৰথম মহিলা)য়েই STOVIA ত অধ্যয়ন কৰা মহিলা ছাত্ৰীসকলৰ বাবে ধন সংগ্ৰহৰ বাবে এটা ফাউণ্ডেশ্যন স্থাপন কৰাত সহায় কৰিছিল।[4] ১৯১২ চনৰ ১ ছেপ্টেম্বৰত মেৰী ভান জেগেলেন আৰু এলিজাবেথ ভান ডেভেণ্টাৰৰ সহায়ত এই ফাউণ্ডেশ্যন প্ৰতিষ্ঠা কৰা হয়।[5][6] তেওঁলোকে গঠন কৰা ভেটিটো আছিল ছ'চাইটি টু ফৰ্ম এ ষ্টাডি ফাণ্ড ফৰ ট্ৰেইনিং ফিমেল নেটিভ ডাক্তৰ (ছ'ভিয়া বা ভেৰিনিজিং টট ভৰমিং ভান ইন ষ্টাডিফণ্ডছ ভ'ৰ অপ্লেইডিং ভান ভ্ৰ'ৱেলিকে ইনলেণ্ডছে আৰ্টচেন)।[7][8][9] ১৯১২ চনৰ ছেপ্টেম্বৰ মাহত থমাছে ষ্ট’ভিয়াত প্ৰৱেশ কৰে আৰু তেওঁক ছ’ভিয়া ফাউণ্ডেশ্যনৰ সহায়ত সহায় কৰে। নামভৰ্তিৰ সময়ত প্ৰায় ২০০ জন পুৰুষ ছাত্ৰৰ ভিতৰত মেৰী আছিল একমাত্ৰ মহিলা ছাত্ৰী। দুবছৰৰ পিছতহে বিদ্যালয়খনে আন্না ৱাৰৌ নামৰ দ্বিতীয়গৰাকী মহিলা ছাত্ৰীক গ্ৰহণ কৰে যিগৰাকীও মিনাহাছা অঞ্চলৰ আছিল।[10]
১৯২২ চনত টমাছে ষ্ট'ভিয়াত অধ্যয়ন সম্পূৰ্ণ কৰে আৰু ষ্ট'ভিয়াৰ প্ৰথম মহিলা স্নাতক হিচাপে স্বীকৃতি লাভ কৰে।[11] তাৰ পিছত তেওঁ বাটাভিয়াৰ (বৰ্তমান জাকাৰ্টা) চেণ্ট্ৰেল বাৰ্গাৰলিকে জিকেনিনৰিটিং (CBZ) নামৰ মূল চিকিৎসালয়খনত (বৰ্তমান ডাঃ চিপ্টো মাংগুনকুছুমো হাস্পতাল) চিকিৎসালয় আৰম্ভ কৰে।[12][13] তাৰ পিছত তেওঁ মানাডোৰ মেডানত কাম কৰিবলৈ লয় আৰু বাটাভিয়ালৈ উভতি আহি ছ'ভিয়া ফাউণ্ডেচনে স্থাপন কৰা বুডি কেমুলিয়ান হাস্পতালত কাম কৰে।[14][15] টমাছ এটা সময়ত প্ৰসূতি বিজ্ঞানত বিশেষজ্ঞ ডাচ চিকিৎসক নিকোলাছ ব'ৰ্মাৰ সহায়ক হৈছিল।[16][17] জন্ম নিয়ন্ত্ৰণ আৰু গৰ্ভাশয়ৰ ভিতৰৰ অংগৰ সৈতে মোকাবিলা কৰা প্ৰথম চিকিৎসকসকলৰ ভিতৰত অন্যতম আছিল তেওঁ।[18]
১৯২৯ চনৰ ১৬ মাৰ্চত থমাছে মহম্মদ জোছ’ফক বিয়া কৰায় যিজন চিকিৎসকো আছিল। পাডাঙত তেওঁ জনস্বাস্থ্য সেৱা (ডিভিজি বা ডাইনষ্ট ডেৰ ভলক্সগেজণ্ডহেইড)ত এটা পদ গ্ৰহণ কৰে। কেইবছৰমান পাডাঙত থকাৰ পিছত তেওঁলোক বাটাভিয়ালৈ উভতি আহিল। বাটাভিয়াত থমাছ মিনাহাছা ইউনিটি পাৰ্টি (পাৰ্ছুয়ান মিনাহাছা)ৰ সৈতে জড়িত হৈ পৰে যাৰ সদস্যসকলৰ ভিতৰত আছিল ছেম ৰাটুলাংগি। অৱশেষত থমাছ আৰু তেওঁৰ স্বামী পশ্চিম সুমাট্ৰালৈ উভতি যায় আৰু এইবাৰ ফ'ৰ্ট ডি কক (বৰ্তমান বুকিটিংগি)ত বসতি স্থাপন কৰে। ১৯৫০ চনত তেওঁ বুকিটিংগিত এখন ধাত্ৰী বিদ্যালয় প্ৰতিষ্ঠা কৰে, যিখন সুমাট্ৰাত প্ৰথম আৰু ইণ্ডোনেছিয়াত দ্বিতীয়।[19]
১৯৬৬ চনৰ ১০ অক্টোবৰত মস্তিষ্কৰ ভিতৰত ৰক্তক্ষৰণৰ বাবে থমাছৰ মৃত্যু হয়।[20]
শ্ৰদ্ধাঞ্জলি
[সম্পাদনা কৰক]২০২১ চনৰ ১৭ ফেব্ৰুৱাৰীত গুগলে গুগল ডুডলৰ জৰিয়তে মেৰী থমাছৰ ১২৫ সংখ্যক জন্মদিন উদযাপন কৰে।[21]
তথ্য সূত্ৰ
[সম্পাদনা কৰক]- ↑ Hesselink (2017).
- ↑ Benmetan (2018).
- ↑ Hesselink (2011), p. 218.
- ↑ Hesselink (2011), p. 219.
- ↑ Benmetan (2018).
- ↑ Budi Mulia Hospital
- ↑ Hesselink (2011), p. 219.
- ↑ Hesselink (2017).
- ↑ Aryono (Historia)
- ↑ Hesselink (2011), p. 220.
- ↑ De Sumatra Post (1922).
- ↑ Atria (2007).
- ↑ Benmetan (2018).
- ↑ Budi Mulia Hospital.
- ↑ Atria (2007).
- ↑ Hesselink (2017).
- ↑ University of Groningen (2017), p. 15.
- ↑ Hesselink (2017).
- ↑ Hesselink (2017).
- ↑ "Mejeng di Google Doodle, Ini Dia Sosok Marie Thomas" (en-US ভাষাত). Technologue. 2021-02-17. https://technologue.id/mejeng-di-google-doodle-ini-dia-sosok-marie-thomas/amp/। আহৰণ কৰা হৈছে: 2021-02-17.
- ↑ "Dr. Marie Thomas' 125th Birthday" (en ভাষাত). www.google.com. https://doodles.google/doodle/dr-marie-thomas-125th-birthday/। আহৰণ কৰা হৈছে: 2021-02-17.