মোজন হাছান
| মোজন হাছান | |
|---|---|
| স্থানীয় নাম | مزن حسن |
| জন্ম | ১৯৭৯ (বয়স ৪৫–৪৬) চৌদি আৰব |
| ৰাষ্ট্ৰীয়তা | ইজিপ্ত |
| জনা যায় | মহিলা অধিকাৰ কৰ্মী |
| বঁটা, সন্মান, পুৰস্কাৰ আদি | ৰাইট লিভলিহুড বঁটা (২০১৬) ছাৰলোটে বান্স মানৱ অধিকাৰ বঁটা (২০১৩) |
মোজন হাছান (ইংৰাজী: Mozn Hassan; জন্ম: ১৯৭৯) এগৰাকী ইজিপ্তৰ মহিলা অধিকাৰ কৰ্মী। নাজৰা ফৰ ফেমিনিষ্ট ষ্টাডিজৰ প্ৰতিষ্ঠাপক হাছানে ২০১১ চনৰ ইজিপ্তৰ বিপ্লৱৰ প্ৰতিবাদত অংশগ্ৰহণ কৰিছিল আৰু সেই সময়ত যৌন নিৰ্যাতিত হোৱা লোকসকলৰ হকে কাম কৰিছিল। তেতিয়াৰ পৰাই তেওঁ ইজিপ্তৰ সংবিধান আৰু মহিলাক সুৰক্ষা প্ৰদানৰ বাবে যৌন অপৰাধৰ আইনত পৰিৱৰ্তন আনিবলৈ সফলতাৰে প্ৰচাৰ চলাইছিল। ২০১৩ চনত হাছানক গ্ল’বেল ফাণ্ড ফৰ উইমেনৰ উদ্বোধনী চাৰ্লট বাঞ্চ হিউমেন ৰাইটছ বঁটাৰে সন্মানিত কৰা হৈছিল। ২০১৬ চনত তেওঁ "বিকল্প নোবেল শান্তি বঁটা" নামেৰে জনাজাত ৰাইট লাইভলিহুড বঁটাও লাভ কৰিছিল।
প্ৰাৰম্ভিক জীৱন
[সম্পাদনা কৰক]১৯৭৯ চনত চৌদি আৰৱত ইজিপ্তৰ পিতৃ-মাতৃৰ ঘৰত হাছানে জন্মগ্ৰহণ কৰিছিল৷[1][2]তেওঁৰ দেউতাকে তাত বিশ্ববিদ্যালয়ত কাম কৰিছিল আৰু মাক এগৰাকী একাডেমিক আছিল। হাছানে ১০ বছৰ বয়সৰ পৰাই তেওঁৰ ইচ্ছাৰ বিৰুদ্ধে চৌদি আৰৱত হিজাব পিন্ধিবলগীয়া হৈছিল, যেতিয়ালৈকে তেওঁৰ ১৪ বছৰ বয়সত পৰিয়ালটো ইজিপ্তলৈ উভতি নাহে।[2] কায়ৰো বিশ্ববিদ্যালয়ৰ পৰা নাগৰিক সমাজ আৰু মানৱ অধিকাৰত ডিপ্লমা আৰু আমেৰিকান কায়ৰো বিশ্ববিদ্যালয়ৰ পৰা আন্তঃৰাষ্ট্ৰীয় মানৱ অধিকাৰত তেওঁ স্নাতকোত্তৰ ডিগ্ৰী লাভ কৰিছে।[1] হাছানে কৈছে যে তেওঁৰ মাকে তেওঁক নাৰীবাদী হ'বলৈ অনুপ্ৰাণিত কৰিছিল।[2]
নাৰী অধিকাৰৰ পৃষ্ঠপোষক
[সম্পাদনা কৰক]২০০৭ চনত হাছানে নাজৰা ফৰ ফেমিনিষ্ট ষ্টাডিজ নামৰ মহিলা অধিকাৰ সংস্থা এটা প্ৰতিষ্ঠা কৰে আৰু ইয়াৰ কাৰ্যবাহী সঞ্চালক হিচাপে কাম কৰে।[1][3] এই সংস্থাটোৱে সমগ্ৰ দেশতে মানৱ অধিকাৰ উলংঘাৰ নথিভুক্তকৰণৰ কাম কৰে। ২০১১ চনৰ ইজিপ্তৰ বিপ্লৱৰ সময়ত তাহৰিৰ চ’কত হোৱা প্ৰতিবাদত তেওঁ আৰু তেওঁৰ সংস্থাটোৱে সক্ৰিয়ভাৱে অংশগ্ৰহণ কৰিছিল আৰু তাত সংঘটিত হোৱা যৌন নিৰ্যাতনৰ প্ৰতি সমন্বিত সঁহাৰি প্ৰদান কৰাত সহায় কৰিছিল। লগতে ২০১১ চনত সংস্থাটোৱে ছুৱেজত ৰুটি বিক্ৰেতাসকলৰ বাবে এটা সংঘ স্থাপন কৰাত সহায় কৰে। ২০১২ চনৰ পৰা নাজৰাই ধৰ্ষণৰ বলি হোৱা ১২ গৰাকীক স্থানান্তৰিত কৰাত সহায় কৰিছে আৰু মহিলা অধিকাৰ কৰ্মীক ভাবুকি দিছে। ইয়াৰ উপৰিও ই ৬০ জনতকৈ অধিক যৌন নিৰ্যাতনৰ বলি হোৱা লোকক চিকিৎসা আৰু মানসিক সহায় আগবঢ়াইছে আৰু যৌন নিৰ্যাতনৰ বলি হোৱা বা প্ৰতিবাদত অংশগ্ৰহণৰ বাবে গ্ৰেপ্তাৰ হোৱা ১০০ তকৈ অধিক মহিলাক আইনী পৰামৰ্শ আগবঢ়াইছে।[1]
তথ্যসূত্ৰ
[সম্পাদনা কৰক]- ↑ 1.0 1.1 1.2 1.3 "Mozn Hassan / Nazra for Feminist Studies". Right Livelihood Award. Archived from the original on 22 September 2016. https://web.archive.org/web/20160922155237/http://rightlivelihoodaward2016.org/wp-content/uploads/2016/09/MoznHassanNazra.pdf। আহৰণ কৰা হৈছে: 10 November 2017.
- ↑ 2.0 2.1 2.2 Roberts, Hannah (8 December 2017). "Egyptian feminist Mozn Hassan, who fights for rights despite the risks". Financial Times. https://www.ft.com/content/c0e195a0-b7d2-11e6-961e-a1acd97f622d। আহৰণ কৰা হৈছে: 10 November 2017.
- ↑ Ford, Liz (31 March 2016). "Egyptian feminist leader Mozn Hassan resolute in face of official investigation". The Guardian. https://www.theguardian.com/global-development/2016/mar/31/egyptian-feminist-leader-mozn-hassan-resolute-investigation। আহৰণ কৰা হৈছে: 10 November 2017.