মোৰ্তেজা আলীজাদেহ

মোৰ্তেজা আলীজাদেহ
৪২ তম ফাজৰ চলচ্চিত্ৰ উৎসৱত বডীলেচ চলচ্চিত্ৰৰ সংবাদ-মেলত মোৰ্তেজা আলীজাদেহ
স্থানীয় নাম	مرتضی علیزاده
জন্ম	১৯৯০ (বয়স ৩৫–৩৬) মাশ্বহাদ, ইৰান
পেচা	চলচ্চিত্ৰ পৰিচালক আৰু চিত্ৰনাট্যকাৰ
সক্ৰিয় হৈ থকা সময়	২০০৮–বৰ্তমান

মোৰ্তেজা আলীজাদেহ (ফাৰ্চী :مرتضی علیزاده; জন্ম: ১৯৯০) এগৰাকী ইৰানী চলচ্চিত্ৰ পৰিচালক আৰু চিত্ৰনাট্যকাৰ। আলীজাদেহে শ্ৰেষ্ঠ অভিযোজিত চলচ্চিত্ৰৰ বাবে তেহৰাণ আন্তৰ্জাতিক চুটি ছবি উৎসৱ বঁটা লাভ কৰিছিল। তেওঁ ফাজৰ চলচ্চিত্ৰ উৎসৱত শ্ৰেষ্ঠ নবাগত পৰিচালকৰ বঁটাৰ বাবেও মনোনীত হৈছিল।

কৰ্মজীৱন

মোৰ্তেজা আলীজাদেহৰ জন্ম ১৯৯০ চনত হৈছিল আৰু তেওঁ ২০০৮ চনৰপৰা পৰীক্ষামূলকভাৱে চলচ্চিত্ৰৰ কাম-কাজ আৰম্ভ কৰিছিল। তেওঁ কেইবাখনো চুটি ছবি পৰিচালনা কৰিছে। তেওঁৰ শেহতীয়া চুটি ছবি ৰাইট লেজিবলী তেহৰাণ চুটি ছবি উৎসৱত প্ৰদৰ্শিত হৈছিল আৰু চাৰিটা শাখাত মনোনয়ন লাভ কৰি অৱশেষত শ্ৰেষ্ঠ অভিযোজিত চিত্ৰনাট্যৰ বঁটা আঁজুৰি আনিবলৈ সক্ষম হৈছিল। অপৰাধমূলক আৰু সামাজিক ধাৰাৰ চলচ্চিত্ৰ বডীলেচ হৈছে তেওঁৰ প্ৰথম পূৰ্ণদৈৰ্ঘ্য ছবি পৰিচালনাৰ অভিজ্ঞতা, যিখন ৪২ তম ফাজৰ চলচ্চিত্ৰ উৎসৱৰ 'নিউ লুক' শাখাত অন্তৰ্ভুক্ত কৰা হৈছিল।