যশোধৰা ৰায়চৌধুৰী

যশোধৰা ৰায়চৌধুৰী
জন্ম	১৯৬৫
পেচা	কবি

যশোধৰা ৰায়চৌধুৰী (জন্ম: ১৯৬৫) এগৰাকী ভাৰতীয় কবি। তেওঁ কেইবাখনো বাংলা কবিতা সংকলন ৰচনা কৰিছে। ১৯৯৮ চনত তেওঁক কৃত্তিবাস পত্ৰিকাৰ তৰফৰপৰা কৃত্তিবাস পুৰস্কাৰ প্ৰদান কৰা হৈছিল।

যশোধৰা মূল ফৰাচী ভাষাৰপৰা বাংলালৈ অনুবাদ কৰা এগৰাকী অনুবাদকো। ১৯৯৮ চনত তেওঁ কলকাতাৰ এলায়েন্স ফ্ৰাঞ্চাইজৰপৰা ‘ডিপ্লমা ডি লেংগুৱে’ লাভ কৰে আৰু ২০০৮ চনত চাৰ্জ ব্ৰেমলীৰ লিঅ’নাৰ্ডো দা ভিঞ্চি আৰু ২০১২ চনত ড° লুক মণ্টেনিয়াৰৰ কমবেট ডি লা ভি অনুবাদ কৰে। ইয়াৰ উপৰি তেওঁ ৰে ব্ৰেডবেৰীৰ দ্য মাৰ্চিয়ান ক্ৰনিকলছ ইংৰাজীৰপৰা অনুবাদ কৰিছে। কল্পবিজ্ঞান তেওঁৰ অন্যতম চখ। তেওঁ ফৰাচী ভাষাৰ পণ্ডিত আৰু শিক্ষক ত্ৰিণাঞ্জন চক্ৰৱৰ্তীৰ সৈতে বিবাহপাশত আবদ্ধ হয়।

প্ৰাৰম্ভিক জীৱন

ৰায়চৌধুৰীয়ে ১৯৮৪ চনৰপৰা ১৯৮৯ চনলৈ কলকাতাৰ প্ৰেচিডেন্সী কলেজত (সেই সময়ত কলিকতা বিশ্ববিদ্যালয়ৰ অধীনস্থ) দৰ্শনশাস্ত্ৰ অধ্যয়ন কৰিছিল।

কৰ্মজীৱন

তেওঁৰ প্ৰথম প্ৰকাশিত গ্ৰন্থ আছিল পণ্যাসসংহিতা (১৯৯৬)। ইয়াৰ পিছতে ১৯৯৮ চনত পিশাচিনীকাব্য প্ৰকাশ পায়। এইখন বিচ্ছিন্নতা, বিকৃত সম্পৰ্ক আৰু নিঃসংগতাক কেন্দ্ৰ কৰি লিখা প্ৰেমৰ কবিতাৰ গ্ৰন্থ।

১৯৯৯ চনত ৰায়চৌধুৰীয়ে চিৰন্তন গল্পমালা আৰু ৰেডিঅ’-বিতান নামৰ দুখন গ্ৰন্থ ৰচনা কৰে।

তেওঁৰ গ্ৰন্থ আবাৰ প্ৰথম থেকে পড়ো (২০০১)-ত জীৱন সৃষ্টি—বিশেষকৈ সন্তান জন্ম—তথা শৈশৱ আৰু সমাজৰ বিষয়বোৰ প্ৰতিফলিত হৈছিল। মেয়েদেৰ প্ৰজাতন্ত্ৰ (২০০৫) আছিল আন এখন উল্লেখযোগ্য গ্ৰন্থ। ইয়াৰ বিষয়-বস্তুৰ ভিতৰত নাৰীৰ মাজৰ সম্পৰ্ক অন্তৰ্ভুক্ত। তেওঁ ইয়াত গৰ্ভাশয়ৰ কণ্ঠস্বৰেৰে লিখিছিল, যিয়ে নিজকে আইতাক আৰু মাকৰ গৰ্ভাশয়ৰ সৈতে তুলনা কৰিছে। আন এটা অংশ "ধাৰাবাহিক উপন্যাস"ত সময়, স্থান আৰু প্ৰজন্মৰ সীমা নেওচি নাৰীৰ মাজৰ যোগাযোগৰ যাত্ৰাৰ বিষয়ে বৰ্ণনা কৰা হৈছে।

তেওঁ "মেয়েদেৰ কিছু এটা হয়েছো" (২০০৭) নামৰ এটা গল্প সংকলন প্ৰকাশ কৰে, য’ত ১৯৮৯ চনৰপৰা ২০০৬ চনৰ ভিতৰত লিখা দহটা গল্প আছে।

তেওঁৰ কবিতা সংকলন কুৰুক্ষেত্ৰ অন-লাইন (২০০৮) বংগৰ সাম্প্ৰতিক হত্যাকাণ্ড আৰু ৰাজনৈতিক অশান্তি, বিশেষকৈ নন্দীগ্ৰামৰ হত্যাকাণ্ডৰ সৈতে জড়িত। শেহতীয়া প্ৰকাশনসমূহৰ ভিতৰত আছে ছায়া-শৰীৰিণী (২০০৯), যিটো তিনিখন উপন্যাসিকাৰ সংকলন। ই কাল্পনিক বাস্তৱৰ (ভাৰ্চুৱেল ৰিয়েলিটি) সৈতে জড়িত চৰিত্ৰসমূহৰ বিষয়ে বৰ্ণনা কৰে, যাৰ পেছাদাৰী আৰু ব্যক্তিগত জীৱন ছচিয়েল নেটৱৰ্কিং ছাইট, ৰিয়েলিটি টিভি আৰু নিউজ শ্ব'ৰদ্বাৰা সৃষ্টি কৰা জটিল পৰিচয়ৰ মাজত ডুব গৈ থাকে।

২০০৮ চনত তেওঁ চাৰ্জ ব্ৰেমলীৰ ফৰাচী গ্ৰন্থ লিঅ’নাৰ্ডো দা ভিঞ্চি অনুবাদ কৰে।

২০২০ চনৰ জানুৱাৰী মাহত বাংলা গদ্যৰ সংকলন গদ্যবোধি প্ৰকাশ পায়, য’ত কবিতাৰ ওপৰত নটা প্ৰবন্ধ আছে।

ৰায়চৌধুৰী ১৯৯১ চনৰ বেচৰ 'ইণ্ডিয়ান অডিট এণ্ড একাউণ্টছ চাৰ্ভিচ'ৰ সদস্য আছিল আৰু ভাৰতৰ নিয়ন্ত্ৰক-মহাপৰীক্ষকৰ (চিএজি) অধীনত কৰ্মৰত আছিল। ২০১৯ চনলৈকে তেওঁ ঝাড়খণ্ড, পশ্চিমবঙ্গ, অসম আৰু ওড়িশাত সেৱা আগবঢ়াইছিল।

প্ৰকাশন

কবিতা

• ১৯৯৬ পণ্যাস সংহিতা
• ১৯৯৮ পিশাচিনী কাব্য
• ১৯৯৯ চিৰন্তন গল্প মালা
• ১৯৯৯ ৰেডিঅ’ বিতান
• ২০০১ আবাৰ প্ৰথম থেকে পড়ো
• ২০০৫ মেয়েদেৰ প্ৰজাতন্ত্ৰ
• ২০০৭ কুৰুক্ষেত্ৰ অনলাইন
• ২০১০ ভাৰ্চুৱেলেৰ নবীন কিশোৰ
• ২০১২ কবিতা সংগ্ৰহ
• ২০১৫ মাতৃভূমি বাম্পাৰ
• ২০১৬ নিঝুম গ্ৰন্থ
• ২০১৭ ভাবদেহে স্বৰ্গীয় সংগীত
• ২০১৭ শ্ৰেষ্ঠ কবিতা
• ২০২০ জ্বৰ পৰৱৰ্তী
• ২০২২ পীড়াসমূহ
• ২০২৩ অনৱদ্য মনেৰ কবিতা (সম্পাদিত)

গদ্য

• ২০০৭ বুঞ্চি ল্যাণ্ড (শিশুৰ গ্ৰন্থ)
• ২০০৭ মেয়েদেৰ কিছু এটা হয়েছে (চুটি গল্প)
• ২০০৮ ছায়া শৰীৰিণী (৩খন উপন্যাসিকা)
• ২০১৩ চিলিটেয়াৰ (চুটি গল্প)
• ২০১৪ বিশাল ভাৰতীয় লঘু গল্প (চুটি গল্প)
• ২০১৭ ইলেক্ট্ৰা (চুটি গল্প)
• ২০১৮ ভালোবাসৰ গল্প (চুটি গল্প)
• ২০১৯ লেডিজ কম্পাৰ্টমেণ্ট (চুটি গল্প)
• ২০২০ গদ্যবোধি (বাংলা গদ্যৰ সংকলন)
• ২০২১ অঙ্কিতেৰ বুদবুদ
• ২০২১ কঙ্কাবতী কল্পবিজ্ঞান লেখেনি (মহিলাৰ কল্পবিজ্ঞানৰ সম্পাদিত সংকলন)
• ২০২২ উৰ্ণনাভ
• ২০২২ খণ্ডিতেৰ বিশ্বদৰ্শন
• ২০২৩ হাৰিয়ে যাওয়া গানেৰ খাতা
• ২০২৩ উড়ান অফুৰান
• ২০২৩ অসহবাস থেকে অনৱদ্য মন

অনুবাদ

• ২০০৮ লিঅ’নাৰ্ডো দা ভিঞ্চি (ফৰাচীৰ পৰা)
• ২০১১ বসকুয়েট ববিন বুৰিনেৰ কবিতা (ফৰাচী কবিতাৰ অনুবাদ)
• ২০১২ ৰোগ ও তাৰ প্ৰতিকাৰ (ফৰাচীৰ পৰা)
• ২০২২ মঙ্গল গ্ৰহেৰ ডায়েৰী, ৰে ব্ৰেডবেৰী (ইংৰাজীৰ পৰা)