য়ুৱিকা চৌধুৰী

য়ুৱিকা চৌধুৰী
২০২৩ চনত চৌধুৰী
জন্ম	০২ আগষ্ট, ১৯৮৩ (৪২ বছৰ) বাৰৌত, উত্তৰ প্ৰদেশ, ভাৰত
অন্য নাম	উৱিকা চৌধুৰী
পেচা	অভিনেত্ৰী
সক্ৰিয় হৈ থকা সময়	২০০৪-বৰ্তমান
দাম্পত্যসঙ্গী	প্ৰিন্স নাৰুলা (বি. ২০১৮)
সন্তান	১

য়ুৱিকা চৌধুৰী (ইংৰাজী: Yuvika Chaudhary; জন্ম: ২ আগষ্ট ১৯৮৩) এগৰাকী ভাৰতীয় অভিনেত্ৰী যিয়ে ওম্‌ শান্তি ঔম, চামাৰ ২০০৭ আৰু তো বাত পক্বী! ৰ দৰে হিন্দী চলচ্চিত্ৰত অভিনয় কৰিছে। ২০০৯ চনত তেওঁ কন্নড় ছবি মলেয়ালি জথেয়ালিত গণেশৰ বিপৰীতে মুখ্য চৰিত্ৰত অভিনয় কৰিছিল। ২০১৫ চনত তেওঁ কালাৰ্ছ টিভিৰ বাস্তৱধৰ্মী অনুষ্ঠান বিগ বছ ৯ত এগৰাকী প্ৰতিযোগী আছিল। ২০১৯ চনত তেওঁ নিজৰ স্বামী প্ৰিন্স নাৰুলাৰ সৈতে নৃত্য বিষয়ক বাস্তৱধৰ্মী অনুষ্ঠান নাচ বলিয়ে ৯ত অংশগ্ৰহণ কৰি বিজয়ী হিচাপে পৰিগণিত হয়।

প্ৰাৰম্ভিক জীৱন

চৌধুৰীৰ জন্ম ১৯৮৩ চনৰ ২ আগষ্টত হৈছিল। তেওঁ উত্তৰ প্ৰদেশৰ বাৰৌতৰ নিবাসী। তেওঁৰ পিতৃ শিক্ষা বিভাগত কৰ্মৰত আছিল।

কেৰিয়াৰ

২০১৬ চনত চৌধুৰী

চৌধুৰীয়ে ২০০৪ চনত জি টিভিৰ টেলেণ্ট হাণ্ট ৰিয়েলিটি শ্ব’ জি চিনে ষ্টাৰছ কী খোজৰ জৰিয়তে নিজৰ টেলিভিছন যাত্ৰা আৰম্ভ কৰিছিল। ইয়াৰ ফলস্বৰূপে তেওঁ অস্তিত্ব...এক প্ৰেম কাহিনী নামৰ টিভি ধাৰাবাহিকখনত অভিনয়ৰ সুযোগ পায়, য’ত তেওঁ আস্থাৰ চৰিত্ৰত অভিনয় কৰিছিল। ২০০৬ চনত তেওঁ হিমেশ ৰেশমীয়াৰ সংগীত এলবাম আপ কা সুৰুৰৰ "ৱাদা তেইনু" গীতটোৰ মিউজিক ভিডিঅ’ত অভিনয় কৰে। ইয়াৰ উপৰি তেওঁ কুনাল কাপুৰৰ বিপৰীতে এটা ক’কা-ক’লাৰ বিজ্ঞাপনতো অভিনয় কৰিছিল। ফাৰাহ খানে তেওঁক লক্ষ্য কৰে আৰু ২০০৭ চনত ওম্‌ শান্তি ঔম ছবিৰ জৰিয়তে বলীউডত সুযোগ দিয়ে।

পিছলৈ তেওঁ চামাৰ ২০০৭ আৰু তো বাত পক্বীৰ দৰে ছবিত অভিনয় কৰে। ২০১১ চনত তেওঁ গোবিন্দাৰ বিপৰীতে মুখ্য অভিনেত্ৰী হিচাপে তেওঁৰ প্ৰথমখন ছবি নটী @ ৪০ আৰু মনোজ পাহৱাৰ বিপৰীতে খাপত অভিনয় কৰে। ২০১৩ চনৰ এনিমি ছবিত তেওঁ কে কে মেননৰ বিপৰীতে অভিনয় কৰিছিল।

তেওঁৰ শেহতীয়া মুক্তিপ্ৰাপ্ত ছবিসমূহ হ’ল দ্য ছৌকিনছ, আফ্ৰা তাফ্ৰী আৰু য়াৰানা। তেওঁ ২০১৪ চনৰ পঞ্জাবী ছবি য়াৰান দা কাচাপৰো অংশ আছিল।

চৌধুৰীয়ে লাইফ ওকেৰ শ্ব’ দফা ৪২০ৰ জৰিয়তে টেলিভিছনলৈ পুনৰ প্ৰত্যাৱৰ্তন কৰে যদিও পিছলৈ তেওঁৰ স্থানত মধুৰিমা তুলীক লোৱা হয়। ২০১৫ চনত তেওঁ ৰিয়েলিটি টিভি শ্ব’ বিগ বছ ৯ত অংশগ্ৰহণ কৰে। ২০১৮ চনত তেওঁ জি টিভিৰ কুমকুম ভাগ্যত টিনাৰ চৰিত্ৰত অভিনয় কৰিছিল। ইয়াৰ উপৰি তেওঁ প্ৰিন্স নাৰুলাৰ বিপৰীতে লাল ইশ্কৰ এটা খণ্ডত শিখাৰ চৰিত্ৰত অভিনয় কৰিছিল।

ব্যক্তিগত জীৱন

য়ুৱিকা আৰু তেওঁৰ স্বামী প্ৰিন্স নাৰুলা

চৌধুৰীয়ে অভিনেতা বিপুল ৰয়ৰ সৈতে দহ বছৰ ধৰি প্ৰেমৰ সম্পৰ্কত আছিল। বিগ বছ ৯ চলি থকাৰ সময়তে চৌধুৰীয়ে প্ৰিন্স নাৰুলাক লগ পায়। ২০১৮ চনৰ ১৪ ফেব্ৰুৱাৰীত নাৰুলাই তেওঁক বিয়াৰ প্ৰস্তাৱ দিয়ে আৰু তেওঁলোকৰ বাগদান সম্পন্ন হয়। ২০১৮ চনৰ ১২ অক্টোবৰত মুম্বাইত তেওঁলোক বিবাহপাশত আবদ্ধ হয়। ২০২৪ চনৰ ১৯ অক্টোবৰত এই দম্পতীটোৰ আইভিএফ (IVF) পদ্ধতিৰ জৰিয়তে প্ৰথম সন্তান (এগৰাকী কন্যা) জন্ম হয়।

বাহ্যিক সংযোগ

• য়ুৱিকা চৌধুৰী সম্পৰ্কে ইণ্টাৰনেট মুভি ডাটাবেছত থকা তথ্য।
• য়ুৱিকা চৌধুৰী সম্পৰ্কে বলিউড হাংগামাত থকা তথ্য
• ইনষ্টাগ্ৰামত য়ুৱিকা চৌধুৰী