সমললৈ যাওক

লালেহ্ (গায়িকা)

অসমীয়া ৱিকিপিডিয়াৰ পৰা
লালেহ্

২০১৬ চনত লালেহ্
পৃষ্ঠভূমি
জন্ম নাম লালেহ্ পোৰকাৰিম
জন্ম ১০ জুন, ১৯৮২ (৪৪ বছৰ)
বান্দাৰ-এ আনজালি, গিলান প্ৰদেশ, ইৰান
উৎসস্থান হামাৰকুলেন, গোটেনবাৰ্গ, ছুইডেন
সংগীতৰ ধৰণ পপ, লোকসংগীত
পেচা গায়ক, গীতিকাৰ, ৰেকৰ্ড প্ৰযোজক, গীটাৰবাদক, পিয়ানোবাদক, ৰেকৰ্ড কোম্পানী পৰিচালক
বাদ্যযন্ত্ৰ কণ্ঠ, গীটাৰ, পিয়ানো, কীবৰ্ড, চেক্স'ফোন, ড্ৰামচ[1]
সক্ৰিয়তাৰ বছৰ ২০০০–২০০৬ (অভিনেত্ৰী), ২০০৩–বৰ্তমান (গায়িকা)
লেবেল ৱাৰ্নাৰ মিউজিক ছুইডেন, আইলেণ্ড, ইউনিভাৰ্চেল মিউজিক ছুইডেন
ৱেবছাইট laleh.se

লালেহ্ পোৰকাৰিম (ফাৰ্চী: لاله پورکریم, জন্ম ১০ জুন ১৯৮২), কেৱল লালেহ্ নামেৰে পৰিচিত, এগৰাকী ইৰানত জন্মগ্ৰহণ কৰা ছুইডিছ গায়িকা, গীতিকাৰ, ৰেকৰ্ড প্ৰযোজক, গীটাৰবাদক, পিয়ানোবাদক আৰু ৰেকৰ্ড কোম্পানী পৰিচালক। তেওঁৰ মূল ভাষা হৈছে ফাৰ্চী। এক চুটি অভিনয় জীৱনৰ পিছত, ২০০৫ চনত তেওঁ নিজৰ নামৰ প্ৰথমটো এলবামেৰে সংগীত জগতত প্ৰৱেশ কৰে। এই এলবামটো ছুইডেনত প্ৰথম স্থান লাভ কৰাৰ লগতে সেই বছৰ দেশখনৰ সৰ্বাধিক বিক্ৰী হোৱা এলবাম হিচাপে পৰিগণিত হয়।[2]

ইয়াৰ পিছত তেওঁ আৰু আঠটা ষ্টুডিঅ' এলবাম মুকলি কৰিছে। তেওঁ পিতৃ-মাতৃৰ মাতৃভাষা ফাৰ্চীৰ উপৰিও ইংৰাজী আৰু চুইডিছ দুয়োটা ভাষাতে গীত গাইছে।[3] ২০১১ চনত তেওঁ চুইডিছ টেলিভিছন শ্ব' ছো ম্যুকেত বেট্ৰেত অংশগ্ৰহণ কৰিছিল, য'ত বহুতো শিল্পীয়ে আনৰ গীতৰ নতুন ৰূপ প্ৰস্তুত কৰে। অনুষ্ঠানটোত তেওঁৰ পৰিৱেশনক সমালোচক আৰু জনসাধাৰণ দুয়োৰে দ্বাৰা প্ৰশংসা কৰা হৈছিল।[4] এই শ্ব'টোৰ পিছত সংবাদ মাধ্যমত উল্লেখ কৰা হয় যে তেওঁ এক "দ্বিতীয় সফলতা" লাভ কৰিছে।[5]

তেওঁৰ ২০১২ চনৰ এলবাম চ্যুংৰ পৰা আন্তঃৰাষ্ট্ৰীয় পৰ্যায়ত হিট হোৱা "ছাম ডাই ইয়ং" গীতটো লাভ কৰে, যিটো গীত ২০১১ চনৰ নৰৱে আক্ৰমণৰ পিছত এক স্মৰণীয় গীত হিচাপে বিশেষভাৱে পৰিচিত হৈছিল। এই গীতটো নৰৱেত ১৪ বাৰ প্লেটিনাম, ছুইডেনত ডাবল প্লেটিনাম হিচাপে প্ৰমাণিত হৈছিল আৰু ডেনমাৰ্ক, অষ্ট্ৰিয়া, ফিনলেণ্ড আৰু জাৰ্মানীত লালেহক প্ৰথমবাৰৰ বাবে জনপ্ৰিয়তা প্ৰদান কৰিছিল।[6][7][8] ২০১৩ চনৰ অক্টোবৰ মাহত সমগ্ৰ স্কেনিডিনেভিয়াত কালাৰ্চ মুকলি কৰা হয়। তেওঁ ২০১৪ চনৰ জানুৱাৰী মাহত আইলেণ্ড ৰেকৰ্ডচৰ সৈতে এটা আন্তঃৰাষ্ট্ৰীয় চুক্তিত স্বাক্ষৰ কৰে, যাৰ ফলত বুম ইপি মুকলি হয় আৰু শ্বন মেণ্ডেছ, এডাম লেম্বাৰ্ট, ডেমী লভেটো আৰু এলি গোল্ডিংকে ধৰি কেইবাজনও শিল্পীৰ বাবে গীত ৰচনা আৰু প্ৰযোজনাৰ কাম কৰে।[9] ২০১৬ চনত তেওঁ ক্ৰিষ্টিলাৰ আৰু ২০১৯ চনত ভেণ্টা! নামৰ এলবাম মুকলি কৰে। তেওঁৰ শেহতীয়া এলবাম ২০২২ চনৰ ভাটেন আছিল ইউনিভাৰ্চেল মিউজিক ছুইডেনৰ সহযোগত তেওঁৰ প্ৰথমটো মুক্তি।[10]

পটভূমি আৰু ব্যক্তিগত জীৱন

[সম্পাদনা কৰক]

লালেহৰ জন্ম হৈছিল উত্তৰ ইৰানৰ বন্দৰ-এ আনজালি নামৰ বন্দৰ চহৰখনত। ১৯৮৩ চনত তেওঁ মাক-দেউতাকৰ সৈতে দেশ এৰি প্ৰথমে আজাৰবাইজান ছোভিয়েট সমাজতান্ত্ৰিক প্ৰজাতন্ত্ৰত বসবাস কৰিবলৈ লয় আৰু পৰৱৰ্তী সময়ত বেলাৰুছৰ মিন্স্ক আৰু ছুইডেনৰ টিডাহোমৰ এটা শৰণাৰ্থী শিবিৰলৈ স্থানান্তৰিত হয়।[2] লালেহ হৈছে টিউলিপ ফুলৰ ফাৰ্চী শব্দ, যিটো এটা জনপ্ৰিয় ছোৱালীৰ নাম হোৱাৰ লগতে ইৰানী সংস্কৃতিত এক সাধাৰণ প্ৰতীক।[11] আঠ বছৰ বয়সত তেওঁ ছুইডেনলৈ যায় (তেওঁৰ দ্বৈত নাগৰিকত্ব আছে) আৰু কৈশোৰ কালত বহুজাতিক জিলা আংগাৰেডৰ এখন বিদ্যালয়ত পঢ়িবলৈ গোটেনবাৰ্গলৈ যায়।[12]

হভিটফেল্ডস্কা হাইস্কুলত তেওঁ সংগীতৰ পাঠ্যক্ৰমত নামভৰ্তি কৰে আৰু শাস্ত্ৰীয় সংগীত, বেলে আৰু চাৰ্কাচ সংগীতৰ মাজত ডাঙৰ-দীঘল হয়। পিছলৈ তেওঁ পাংক ৰক, ৰেগে আৰু জাজ সংগীতৰ প্ৰতি আগ্ৰহী হৈ পৰে।[13] তেওঁ গীটাৰ বজাবলৈও শিকিছিল আৰু এগৰাকী কিশোৰী হিচাপে নিজৰ সংগীত শিক্ষকৰ সৈতে বেজোলা নামৰ এটা জাজ দল গঠন কৰিছিল। পৰৱৰ্তী সময়ত তেওঁ নিজে নিজে পাৰকাশ্যন আৰু চেক্স'ফোন বজাবলৈ শিকিছিল।[14]

তেওঁ হোশ্বাং পোৰকাৰিমৰ কন্যা, যাৰ ১৯৯৪ চনত মৃত্যু হৈছিল। তেহৰানৰ ইছলামিক শাসনৰ বিৰোধী হোশ্বাং আছিল বন্দৰ-এ আনজালিৰ এগৰাকী শিল্পী, সাংবাদিক আৰু বিশিষ্ট ইৰানী নৃবিজ্ঞানী তথা গ্ৰাম্য সমাজবিজ্ঞানী।[12] ছো ম্যুকেত বেট্ৰে অনুষ্ঠানত অংশগ্ৰহণ কৰাৰ সময়ত লালেহে তেওঁৰ কঠিন শৈশৱ, এখন দেশৰ পৰা আন এখন দেশলৈ যোৱা আৰু দেউতাকৰ মৃত্যু কেনেকৈ প্ৰত্যক্ষ কৰিছিল সেই বিষয়ে আলোচনা কৰিছিল। ১৯৯৪ চনৰ এটা গ্ৰীষ্মকালীন শিবিৰত তেওঁৰ দেউতাকে নাওখন ওলট-পালট হৈ পানীত পৰি যোৱা এগৰাকী মহিলাক উদ্ধাৰ কৰিবলৈ চেষ্টা কৰিছিল। হোশ্বাঙে সহায় কৰিবলৈ নাও চলাই যাওঁতে নাওখন ডুবি যায়। মহিলাগৰাকী বাচি যায় যদিও লালেহৰ দেউতাক পানীত বুৰি মৃত্যু হয়।[2] লালেহৰ মাতৃ আটেফে তেহৰান বিশ্ববিদ্যালয়ত তুলনামূলক সাহিত্য অধ্যয়ন কৰিবলৈ ইৰানলৈ যোৱাৰ পূৰ্বে আজাৰবাইজান হৈ জৰ্জিয়াৰ পৰা অহা এগৰাকী শৰণাৰ্থী আছিল। তেওঁলোকৰ পৰিয়ালটো ছুইডেনত উপস্থিত হোৱাৰ পিছত লালেহে মাত্ৰ ১১ দিনৰ ভিতৰত চুইডিছ ভাষা শিকি পেলাইছিল।[2]

অভিনয় জীৱনৰ আৰম্ভণিতে তেওঁ জোচেফ ফাৰেছ পৰিচালিত চুইডিছ চলচ্চিত্ৰ জাল্লা! জাল্লা!ত এটা গুৰুত্বপূৰ্ণ চৰিত্ৰত অভিনয় কৰিছিল, যিয়ে ২০০০ চনত চুইডিছ বক্স অফিচত বৃহৎ সফলতা লাভ কৰিছিল।[15] স্কেলিফটিয়াত দুবছৰ থকাৰ পিছত লালেহে ২০১০ চনত ষ্টকহোমলৈ স্থানান্তৰিত হয়। ২০১১ চনলৈকে তেওঁ সংবাদ মাধ্যমক সাক্ষাৎকাৰ দিবলৈ অনিচ্ছুক বুলি জনা গৈছিল, কিন্তু শেহতীয়াকৈ তেওঁ সংবাদ মাধ্যমৰ বাবে অধিক সুলভ হৈ পৰিছে আৰু বিভিন্ন টক শ্ব' তথা টিভি অনুষ্ঠানত অংশগ্ৰহণ কৰিছে। এই পদক্ষেপে তেওঁৰ কেৰিয়াৰত যথেষ্ট সহায় কৰিছে।

তথ্যসূত্ৰ

[সম্পাদনা কৰক]
  1. ↑ "Drums & Så Mkt Bättre" (sv ভাষাত). Laleh.se. 3 November 2011. Archived from the original on 7 February 2012. https://web.archive.org/web/20120207122504/http://laleh.se.loopiadns.com/videos/tru/। আহৰণ কৰা হৈছে: 1 February 2012.
  2. 1 2 3 4 Letmark, Peter (11 December 2011). "Jag är både helgon och djävul" (sv ভাষাত). Dagens Nyheter. https://www.dn.se/livsstil/jag-ar-bade-helgon-och-djavul/.
  3. ↑ Fredriksson, Karin (9 April 2005). "Begåvad men spretig debut" (sv ভাষাত). Helsingborgs Dagblad. Helsingborgs Dagblad. http://hd.se/noje/skivor/2005/04/09/begaavad-men-spretig-debut/। আহৰণ কৰা হৈছে: 1 February 2012.
  4. ↑ "Laleh gör succé med låtarna från "Så mycket bättre"" (sv ভাষাত). Expressen. Bonnier Group. 13 November 2011. http://www.expressen.se/noje/1.2621078/laleh-gor-succe-med-latarna-fran-sa-mycket-battre। আহৰণ কৰা হৈছে: 1 February 2012.
  5. ↑ Backman, Dan (25 January 2012). "Laleh är så mycket bättre" (sv ভাষাত). Svenska Dagbladet (Schibsted). http://www.svd.se/kultur/musik/skivor-onsdag-laleh-ar-sa-mycket-battre_6793719.svd.
  6. ↑ Ommundsen, Åse Marie (31 December 2013). "Nasjonal traumebearbeiding i sanglyrikk for barn og unge etter 22/7" (no ভাষাত). Barnelitterært forskningstidsskrift খণ্ড 4. doi:10.3402/blft.v4i0.23537. https://www.idunn.no/doi/10.3402/blft.v4i0.23537। আহৰণ কৰা হৈছে: 23 December 2022.
  7. ↑ "Best Of All Time". Hung Medien. http://norwegiancharts.com/bestall.asp। আহৰণ কৰা হৈছে: 31 January 2013.
  8. ↑ "swedishcharts.com – Laleh – Some Die Young". swedishcharts.com. http://swedishcharts.com/showitem.asp?interpret=Laleh&titel=Some+Die+Young&cat=s। আহৰণ কৰা হৈছে: 16 January 2013.
  9. ↑ "About Palang". Palang. https://palang.se/about/। আহৰণ কৰা হৈছে: 23 December 2022.
  10. ↑ "Laleh – Vatten". Discogs. 29 April 2022. https://www.discogs.com/release/23089535-Laleh-Vatten। আহৰণ কৰা হৈছে: 23 December 2022.
  11. ↑ "Beauty unbound: Flowers in Iranian culture". Tehran Times. 15 January 2012. https://www.tehrantimes.com/news/395819/Beauty-unbound-Flowers-in-Iranian-culture। আহৰণ কৰা হৈছে: 30 January 2021.
  12. 1 2 "Laleh Pourkarim: A girl from northern Iran" (fa ভাষাত). Shomaliha. Archived from the original on 14 January 2012. https://web.archive.org/web/20120114064458/http://www.shomaliha.com/zanan/laleh.html। আহৰণ কৰা হৈছে: 9 February 2012.
  13. ↑ "laleh pa Nojestorget". Nojestorget. Archived from the original on 15 October 2011. https://web.archive.org/web/20111015041832/http://nojestorget.se/8432_Laleh.html। আহৰণ কৰা হৈছে: 1 February 2012.
  14. ↑ "Laleh". AllMusic. Rovi Corporation. https://www.allmusic.com/artist/laleh-mn0001960302/biography। আহৰণ কৰা হৈছে: 16 September 2018.
  15. ↑ "Svenska filminstitutet – Laleh Pourkarim". sfi.se. http://www.sfi.se/sv/svensk-film/Filmdatabasen/?type=PERSON&itemid=284711। আহৰণ কৰা হৈছে: 14 June 2009.

বাহ্যিক সংযোগ

[সম্পাদনা কৰক]
"https://as.wikipedia.org/w/index.php?title=লালেহ্_(গায়িকা)&oldid=612306"ৰ পৰা অনা হৈছে