লিডিয়া মাৰিয়া চাইল্ড
| লিডিয়া মাৰিয়া চাইল্ড | |
|---|---|
 | |
| জন্ম | লিডিয়া মাৰিয়া ফ্ৰান্সিছ ১১ ফেব্ৰুৱাৰী, ১৮০২ মেডফৰ্ড, মাছাছুছেট্যছ, আমেৰিকা যুক্তৰাষ্ট্ৰ |
| মৃত্যু | ২০ অক্টোবৰ, ১৮৮০ (৭৮ বছৰ) ৱেইলেণ্ড, আমেৰিকা যুক্তৰাষ্ট্ৰ |
| সমাধিস্থল | নৰ্থ চেমেটিৰি ৱেইলেণ্ড, মাছাছুছেট্যছ, আমেৰিকা |
| পেচা |
|
| সাহিত্যিক বিপ্লৱ | বিলোপবাদী, নাৰীবাদ |
| দাম্পত্যসংগী | ডেভিদ লি চাইল্ড (বি. ১৮২৮; মৃত্যু ১৮৭৪) |
| আত্মীয়-স্বজন | কনভাৰ্ছ ফ্ৰান্সিছ, (ভ্ৰাতৃ) |
| স্বাক্ষৰ |  |
লিডিয়া মাৰিয়া চাইল্ড (ইংৰাজী: Lydia Maria Child) এগৰাকী আমেৰিকীয় বিলোপবাদী, মহিলা অধিকাৰ কৰ্মী, থলুৱা অধিকাৰ কৰ্মী, ঔপন্যাসিকা, সাংবাদিক আৰু আমেৰিকাৰ সম্প্ৰসাৰণবাদৰ বিৰোধী আছিল৷ তেওঁৰ কল্পকাহিনী আৰু ঘৰুৱা মেনুৱেলসমূহ ১৮২০ চনৰ পৰা ১৮৫০ চনলৈকে বহল পৰিসৰৰ দৰ্শকৰ মাজলৈ গৈছিল। তেওঁ কিছুমান গল্পত পুৰুষৰ আধিপত্য আৰু শ্বেতাংগ আধিপত্য দুয়োটা বিষয়ত আলোকপাত কৰি দৰ্শকক স্তম্ভিত কৰি তুলিছিল। এই প্ৰত্যাহ্বানসমূহৰ মাজতো চাইল্ডক হয়তো তেওঁৰ কবিতা "অভাৰ দ্য ৰিভাৰ এণ্ড থ্ৰু দ্য উড"ৰ বাবে বেছিকৈ স্মৰণ কৰা হ'ব।
প্ৰাৰম্ভিক জীৱন আৰু শিক্ষা
[সম্পাদনা কৰক]১৮০২ চনৰ ১১ ফেব্ৰুৱাৰীত মেছাচুচেটছৰ মেডফোৰ্ডত চুছানা (জন্ম ৰেণ্ড) আৰু কনভাৰ্ছ ফ্ৰান্সিছৰ ঘৰত লিডিয়া মাৰিয়া ফ্ৰান্সিছৰ জন্ম হয়। [1]তেওঁৰ ডাঙৰ ভাতৃ কনভাৰ্ছ ফ্ৰান্সিছে হাৰ্ভাৰ্ড কলেজ আৰু চেমিনাৰীত শিক্ষা গ্ৰহণ কৰিছিল আৰু ইউনিটেৰিয়ান মন্ত্ৰী হৈছিল। চাইল্ডে স্থানীয় ডেম স্কুলত আৰু পিছলৈ মহিলা চেমিনাৰীত শিক্ষা গ্ৰহণ কৰে। মাকৰ মৃত্যুৰ লগে লগে তেওঁ মেইনত ডাঙৰ ভনীয়েকৰ লগত থাকিবলৈ যায় আৰু তাতেই শিক্ষক হ’বলৈ অধ্যয়ন কৰে। এই সময়ছোৱাত তেওঁৰ ভ্ৰাতৃ কনভাৰ্ছ, যিজন তেতিয়ালৈকে ইউনিটেৰিয়ান মন্ত্ৰী আছিল, তেওঁৰ সৰু ভনীয়েকৰ হোমাৰ আৰু মিল্টনৰ সাহিত্যৰ দ্বাৰা সাহিত্যিক শিক্ষাৰ যত্ন লয়। ২০ বছৰৰ আৰম্ভণিতে ফ্ৰান্সিছে ভ্ৰাতৃৰ সৈতে বাস কৰিছিল আৰু তেওঁৰ জৰিয়তে সেই সময়ৰ বহু শীৰ্ষ লেখক আৰু চিন্তাবিদক লগ পাইছিল। তেওঁৱো একতাবাদীলৈ ধৰ্মান্তৰিত হয়। [1]
ব্যক্তিগত জীৱন
[সম্পাদনা কৰক]১৮২৮ চনলৈকে লিডিয়া ফ্ৰান্সিছে স্কুলত অধ্যাপনা কৰিছিল৷ তাৰ পিছত তেওঁ বষ্টনৰ অধিবক্তা ডেভিদ লি চাইল্ডক বিয়া কৰাইছিল।[2] তেওঁৰ ৰাজনৈতিক সক্ৰিয়তা আৰু সংস্কাৰৰ লগত ঘনিষ্ঠতাতি তেওঁক ভাৰতীয় অধিকাৰ আৰু গেৰিছনিয়ান বিলোপবাদৰ সামাজিক সংস্কাৰৰ সৈতে পৰিচয় কৰাই দিছিল। তেওঁ কৰ্মী মাৰ্গাৰেট ফুলাৰৰ দীৰ্ঘদিনীয়া বন্ধু আছিল আৰু বষ্টনৰ এলিজাবেথ পামৰ পিবডিৰ নৰ্থ ষ্ট্ৰীট কিতাপৰ দোকানত অনুষ্ঠিত হোৱা ফুলাৰৰ "কথা-বতৰা"ত সঘনাই অংশগ্ৰহণ কৰিছিল।
১৮৮০ চনৰ ২০ অক্টোবৰত ৯১ অল্ড ছাডবেৰী ৰোডত থকা ঘৰত ৭৮ বছৰ বয়সত মেছাচুচেটছৰ ৱেইলেণ্ডত চাইল্ডৰ মৃত্যু হয়। ৱেইলেণ্ডৰ নৰ্থ কবৰস্থানত তেওঁক সমাধিস্থ কৰা হয়।[3]
তথ্যসূত্ৰ
[সম্পাদনা কৰক]- ↑ 1.0 1.1 "Lydia Maria Child". New-York Historical SocietyCenter for Women's History. Archived from the original on July 31, 2018. https://web.archive.org/web/20180731213319/http://staging.nyhistory.org/sites/default/files/newfiles/cwh-curriculum/Module%202/Life%20Stories/Lydia%20Marie%20Child%20Life%20Story.pdf?_ga=2.195030565.962624527.1533043200-405908906.1500492903। আহৰণ কৰা হৈছে: July 31, 2018.
- ↑ Chisholm, Hugh, ed. (1911). "Child, Lydia Maria". Encyclopædia Britannica. 6 (11th ed.). Cambridge University Press. pp. 135–136.
- ↑ Ehrlich, Eugene and Gorton Carruth (1982). The Oxford Illustrated Literary Guide to the United States. প্ৰকাশক New York: Oxford University Press. পৃষ্ঠা. 63. ISBN 0-19-503186-5. https://archive.org/details/oxfordillustrate00euge/page/63.