লিলি থমাছ

লিলি থমাছ
জন্ম	লিলি ইজাবেল থমাছ ০৫ মাৰ্চ, ১৯২৮ কোট্টায়ম, ট্ৰাভাংকুৰ ৰাজ্য, ব্ৰিটিছ ভাৰত (বৰ্তমান দিন কেৰালা, ভাৰত)
মৃত্যু	১০ ডিচেম্বৰ, ২০১৯ (৯১ বছৰ) দিল্লী, ভাৰত
ৰাষ্ট্ৰীয়তা	ভাৰত
শিক্ষা	আইনৰ স্নাতকোত্তৰ আইনৰ স্নাতক বিজ্ঞানৰ স্নাতক
শিক্ষানুষ্ঠান	মাদ্ৰাছ বিশ্ববিদ্যালয়
পেচা	অধিবক্তা
জনা যায়	প্ৰতিনিধিত্ব আইন, ১৯৫১ গোচৰত সহ-আবেদনকাৰী
পিতৃ-মাতৃ	অধিবক্তা কে টি থমাছ আন্নামা

লিলি ইছাবেল থমাছ (৫ মাৰ্চ ১৯২৮ – ১০ ডিচেম্বৰ ২০১৯) এগৰাকী ভাৰতীয় অধিবক্তা৷ তেওঁ ভাৰতৰ উচ্চতম ন্যায়ালয় আৰু আঞ্চলিক আদালতত আবেদন দাখিল কৰি বৰ্তমানৰ আইনসমূহৰ উন্নতি আৰু পৰিৱৰ্তনৰ সূচনা কৰিছিল। তেওঁৰ আবেদনৰ ফলত দোষী সাব্যস্ত হোৱা ৰাজনীতিবিদসকলক নিৰ্বাচিত হোৱাত বাধা দিবলৈ আইন সলনি কৰা হয়৷ ইয়াৰ লগতে নতুন বিবাহ আইন সংযোজন কৰা হয় আৰু সংসদ সদস্যসকলৰ বাবে সুৰক্ষাৰ ব্যৱস্থা কৰা হয়৷ ১৯৫১ চনৰ জনপ্ৰতিনিধিত্ব আইন সংশোধনৰ বাবে আবেদন জনোৱাৰ বাবে তেওঁক প্ৰশংসা কৰা হৈছিল।

প্ৰাৰম্ভিক জীৱন

লিলি থমাছৰ ঘৰ কোট্টাইমত৷ তেওঁ তিৰুৱনন্তপুৰমত ডাঙৰ-দীঘল হৈছিল। ১৯৫৫ চনত তেওঁ মাদ্ৰাজ উচ্চ ন্যায়ালয়ত যোগদান কৰিছিল লিলি ভাৰতৰ প্ৰথম প্ৰজন্মৰ মহিলা উকীলৰ অন্তৰ্গত৷ তেওঁ মাদ্ৰাছ বিশ্ববিদ্যালয়ৰ পৰা এল এল এম সম্পূৰ্ণ কৰা প্ৰথমগৰাকী মহিলা।

মাদ্ৰাজ বিশ্ববিদ্যালয়ৰ পৰা আইনৰ ডিগ্ৰী লাভ কৰাৰ পিছত তেওঁ মাদ্ৰাজ উচ্চ ন্যায়ালয়ত প্ৰেকটিছ আৰম্ভ কৰে। ১৯৬০ চনত পি এইচ ডি কৰিবলৈ তেওঁ দিল্লীলৈ গুচি যায়। কিন্তু তেওঁ আৱিষ্কাৰ কৰিলে যে তেওঁ গৱেষণা কৰিবলৈ সক্ষম নহ'ব৷ তেওঁ কয়- "মই উপলব্ধি কৰিলোঁ যে মই গৱেষণা কৰিবলৈ সক্ষম নহয়, গতিকে মই উচ্চতম ন্যায়ালয়ত প্ৰেকটিছ কৰিবলৈ আৰম্ভ কৰিলোঁ"।.

লিলি এসময়ত ভাৰতৰ উচ্চতম ন্যায়ালয়ৰ সৰ্বজ্যেষ্ঠ মহিলা অধিবক্তা আছিল, যেতিয়া তেওঁ ১৯৬০ চনত ইয়াত যোগদান কৰিছিল।

কৰ্মজীৱন

লিলি থমাছে ১৯৬০ চনত ভাৰতৰ উচ্চতম ন্যায়ালয়ত যোগদান কৰিছিল। দিল্লীলৈ অহাৰ পিছত তেওঁ আইনৰ ডক্টৰেট ডিগ্ৰী অধ্যয়ন বাদ দিয়ে আৰু ভাতৃ জন থমাছে ইতিমধ্যে প্ৰেকটিছ কৰি থকা ঠাইত কাম কৰিবলৈ আৰম্ভ কৰে। ১৯৬৪ চনৰ পৰা লিলিয়ে বিভিন্ন বিষয়ত আবেদন দাখিল কৰিছিল৷ তাৰ ভিতৰত 'এডভোকেট-অন-ৰেকৰ্ড পৰীক্ষা'ৰ বৈধতা, ২০০০ চনত দ্বিতীয় বিবাহত যোগদান কৰাৰ স্পষ্ট উদ্দেশ্যেৰে ৰে'লৱে কৰ্মচাৰীৰ সমস্যা আৰু ইছলাম ধৰ্ম গ্ৰহণৰ গোচৰসমূহ সমাধান কৰা। থমাছে সাংবিধানিক আইন, মহিলাৰ অধিকাৰ আৰু ব্যক্তিগত স্বাধীনতাৰ বিষয়সমূহৰ বিষয়ত কাম কৰিছিল। লিলি OLD LAWYERS CHAMBERS BLOCKSত এগৰাকী অধিবক্তা আছিল।