লেচলি এ ৱেষ্টন
| লেচলি এ ৱেষ্টন | |
|---|---|
| জন্ম | বাফেলো, নিউ ইয়ৰ্ক |
| জনা যায় | উদ্ভিদ জীৱবিজ্ঞান |
লেচলি এ ৱেষ্টন এফ এ এ, এগৰাকী উদ্ভিদ জীৱবিজ্ঞানী, যিয়ে মাটিৰ আৱৰণ আৰু কীট-পতংগ নিয়ন্ত্ৰণৰ ওপৰত অপতৃণ দমন কৰা কামৰ বাবে ২০২৩ চনত অষ্ট্ৰেলিয়ান একাডেমী অৱ চাইন্সৰ ফেলো হিচাপে সন্মানিত হৈছিল। চাৰ্লছ ষ্টাৰ্ট বিশ্ববিদ্যালয়, ৱাগা ৱাগাৰ অধ্যাপিকা আৰু উদ্ভিদ বিজ্ঞান, কৃষি বিজ্ঞান, অপতৃণ নিয়ন্ত্ৰণ আৰু উদ্যান শস্যৰ ওপৰত গৱেষণা কৰে।[1]
কেৰিয়াৰ আৰু শিক্ষা
[সম্পাদনা কৰক]ৱেষ্টনে কৰ্নেল বিশ্ববিদ্যালয়ৰপৰা উদ্ভিদ বিজ্ঞানত স্নাতক (১৯৮০) আৰু মিছিগান ষ্টেট বিশ্ববিদ্যালয়ৰপৰা স্নাতকোত্তৰ আৰু পি এইচ ডি (১৯৮৬) লাভ কৰে। কৰ্নেল বিশ্ববিদ্যালয়, আৰু কেণ্টাকি বিশ্ববিদ্যালয় দুয়োটাতে উদ্ভিদ বিজ্ঞান আৰু উদ্যান শস্য বিভাগত কাম কৰি আহিছে। কৃষি বিজ্ঞান আৰু উদ্যান শস্য উৎপাদনৰ লগতে অপতৃণ বিজ্ঞান, উদ্ভিদ সুৰক্ষা, আক্ৰমণ জীৱবিজ্ঞান, ঘাঁহনিনাশক আৱিষ্কাৰ, বিপাকীয় বিজ্ঞান আৰু উদ্ভিদৰ বিষক্ৰিয়াৰ ওপৰত গৱেষণাৰ ৩০ বছৰতকৈ অধিক অভিজ্ঞতা আছে।
পি এইচ ডি লাভ আৰু আমেৰিকাত কাম কৰাৰ পাছত তেওঁ অষ্ট্ৰেলিয়ালৈ গুচি যায় আৰু চাৰ্লছ ষ্টাৰ্ট বিশ্ববিদ্যালয়ত কাম কৰে, উদ্ভিদ জীৱবিজ্ঞান, উদ্ভিদবিজ্ঞান আৰু অপতৃণ নিয়ন্ত্ৰণৰ ক্ষেত্ৰত গৱেষণা আৰু প্ৰকাশ কৰে।[2][3] ৱেষ্টনক গুৱৰুৱা প্ৰকল্পৰ বাবে ২৩ মিলিয়ন ডলাৰ প্ৰদান কৰা হৈছিল, ২০১৯ চনত।[4] তেওঁ এটা গুবৰুৱা প্ৰকল্পতো কাম কৰিছিল।[5][6]যিটো চিএছআইআৰঅ' আৰু মাংস আৰু পশুধন অষ্ট্ৰেলিয়াৰ যৌথ উদ্যোগ আছিল।[7]
ৱেষ্টন আন্তৰ্জাতিক এলিলোপেথী ছ'চাইটিৰ পূৰ্ব সভাপতিও আছিল।[8] টাৰ্ফ আৰু ঘাঁহত অপতৃণ দমন কৰা উদ্ভিদ জীৱবিজ্ঞানৰ জৈৱহাৰ্বিচাইডৰ পেটেণ্টো আছে, যিয়ে ‘নিজ অপতৃণ’ হোৱা লনৰ দিশত কাম কৰে। আক্ৰমণাত্মক প্ৰজাতিৰ জীৱবিজ্ঞান আৰু পৰিৱেশ বিজ্ঞান আৰু ইয়াৰ প্ৰভাৱ, বিশেষকৈ অষ্ট্ৰেলিয়াৰ পৰিৱেশ তন্ত্ৰত ইয়াৰ দীৰ্ঘম্যাদী প্ৰভাৱৰ বিষয়ে তেওঁৰ বিশেষজ্ঞতা আছে।[9] চাৰ্লছ ষ্টাৰ্ট বিশ্ববিদ্যালয়ত তেওঁ ২০ জনতকৈ অধিক কৰ্মচাৰী আৰু ছাত্ৰ-ছাত্ৰীৰে উদ্ভিদ পাৰস্পৰিক ক্ৰিয়া গৱেষণা গোট পৰিচালনা কৰে।[10]
কৃষিৰ ক্ষেত্ৰত অধিক বহনক্ষম ফলাফল প্ৰদানৰ কামৰ বাবে ৱেষ্টনে অষ্ট্ৰেলিয়ান একাডেমী অৱ চাইন্সৰ ফেলো নিৰ্বাচিত হয়। ৱেষ্টন ‘অন্য উদ্ভিদ, অণুজীৱ আৰু তৃণভোজীৰ সৈতে উদ্ভিদৰ পাৰস্পৰিক ক্ৰিয়াৰ অধ্যয়ন আৰু প্ৰয়োগৰ অগ্ৰণী’।
একাডেমী অৱ চাইন্সৰ বাবে দিয়া বিবৃতিত ৱেষ্টনে কয় যে তেওঁ "বিশেষকৈ উৎসাহিত যে তেওঁ কৃষিৰ ওপৰত গুৰুত্ব আৰোপ কৰা আঞ্চলিক বিশ্ববিদ্যালয়ত কাম কৰা প্ৰথম মহিলাসকলৰ ভিতৰত অন্যতম হৈ ফেলো নিৰ্বাচিত হৈছে।" তেওঁ কয় যে তেওঁ আশা কৰে, তেওঁ "ফেলো হিচাপে মোৰ কাৰ্যকলাপসমূহ ব্যৱহাৰ কৰি আন মহিলা আৰু কৃষিক্ষেত্ৰত কাম কৰাসকলক তেওঁলোকৰ গৱেষণামূলক আগ্ৰহ আৰু কৃষি ব্যৱস্থালৈ অৱদানৰ ওপৰত অধ্যৱসায় অব্যাহত ৰাখিবলৈ অনুপ্ৰাণিত কৰিব।"[11]
তথ্যসূত্ৰ
[সম্পাদনা কৰক]- ↑ "Leslie Weston" (en ভাষাত). www.science.org.au. Archived from the original on 2023-05-25. https://web.archive.org/web/20230525040716/https://www.science.org.au/profile/leslie-weston। আহৰণ কৰা হৈছে: 2023-05-25.
- ↑ Dance, Amber (2020-02-07). "Genome of "mile-a-minute weed" hints at the secrets to its invasive success" (en ভাষাত). PNAS Journal Club. https://www.pnas.org/post/journal-club/genome-of-mile-a-minute-weed-hints-at-the-secrets-to-its-invasive-success.
- ↑ Liu, Bo et al. (2020). "Mikania micrantha genome provides insights into the molecular mechanism of rapid growth". Nature Communications খণ্ড 11 (1): 340. doi:10.1038/s41467-019-13926-4. PMID 31953413.
- ↑ "Project draws in $23 million" (en-AU ভাষাত). The Rural. 2018-09-12. https://www.therural.com.au/story/5641249/project-draws-in-23-million/। আহৰণ কৰা হৈছে: 2023-05-25.
- ↑ "Homepage | Dung Beetle Ecosystem Engineers". www.dungbeetles.com.au. https://www.dungbeetles.com.au/। আহৰণ কৰা হৈছে: 2023-05-25.
- ↑ "Dung beetles estimated to be worth more than a billion dollars to economy each year" (en-AU ভাষাত). ABC News. 2018-09-12. https://www.abc.net.au/news/rural/2018-09-12/dung-beetles-produce-economic-turnover-for-agriculture-industry/10231166.
- ↑ Andrews, Bruce. "Beetles with benefits for Australian ecosystems and farmers" (en-AU ভাষাত). news.csu.edu.au. https://news.csu.edu.au/latest-news/beetles-with-benefits-for-australian-ecosystems-and-farmers। আহৰণ কৰা হৈছে: 2023-05-25.
- ↑ "PeerJ – Profile – Leslie Weston" (en ভাষাত). peerj.com. https://peerj.com/Weston/। আহৰণ কৰা হৈছে: 2023-05-25.
- ↑ "Delivering sustainable agriculture and biosecurity | Stories of Australian Science, from Science in Public". stories.scienceinpublic.com.au. https://stories.scienceinpublic.com.au/usa/delivering-sustainable-agriculture-and-biosecurity/। আহৰণ কৰা হৈছে: 2023-05-25.
- ↑ "Loop | Leslie A. Weston". loop.frontiersin.org. https://loop.frontiersin.org/people/311699/bio। আহৰণ কৰা হৈছে: 2023-05-25.
- ↑ "Academy welcomes 20 new Fellows for their outstanding contributions to science | Australian Academy of Science" (en ভাষাত). www.science.org.au. https://www.science.org.au/news-and-events/news-and-media-releases/academy-welcomes-20-new-fellows-for-their-outstanding-contributions-to-science। আহৰণ কৰা হৈছে: 2023-05-25.