শংকৰদেৱ শিশু নিকেতন, কৰৰা
| শংকৰদেৱ শিশু নিকেতন, কৰৰা Shankardev Shishu Niketan, Karara | |
স্বয়মেৱ মৃগেন্দ্ৰতা নিজ গুণ আৰু কৰ্মৰে বলীয়ান হোৱা
| |
| অৱস্থান | |
|---|---|
| ননৰা, বাইহাটা চাৰিআলি,কামৰূপ, অসম ৭৮১৩৮১, ভাৰত | |
| প্ৰাথমিক তথ্যসমূহ | |
| প্ৰকাৰ | ব্যক্তিগত |
| প্ৰতিষ্ঠাকাল | ১৯৯৫ চন |
| বিদ্যালয়ৰ বিভাগ | প্ৰাথমিক, মাধ্যমিক আৰু উচ্চ মাধ্যমিক শ্ৰেণী |
| অধ্যক্ষ | দ্বিজেন কুমাৰ শৰ্মা |
| লিঙ্গ | সহশিক্ষা |
| মাধ্যম | অসমীয়া |
| কেম্পাছ | গ্ৰাম্য |
| অন্তৰ্ভূক্তি | SEBA |
| আচাৰ্য্য-আচাৰ্য্যা | ২৫-৩০ গৰাকী |
শংকৰদেৱ শিশু নিকেতন, কৰৰা (ইংৰাজী : Shankardev Shishu Niketan, Karara) অসমৰ কামৰূপ জিলাৰ বাইহাটা চাৰিআলিৰ নিকটৱৰ্তী ননৰাত অৱস্থিত এখন আগশাৰীৰ বিদ্যালয় । সৰ্বভাৰতীয় সংস্থা বিদ্যা ভাৰতী পৰিষদৰ অন্তৰ্গত শিশু শিক্ষা সমিতি, অসমৰ যোগেৰে স্থাপিত হোৱা শংকৰদেৱ শিশু/বিদ্যা নিকেতনসমূহৰ অংশস্বৰূপে এই বিদ্যালয়খন ১৯৯৫ চনৰ ৫ জানুৱাৰীত স্থাপিত হৈছিল । বিদ্যালয়খন স্থাপন হোৱাৰ পিছত প্ৰথম কেইবছৰমান কৰৰা মিনি ষ্টেডিয়ামৰ সন্মুখৰ স্থান এটাত অস্থায়ীভাৱে পাঠদান চলিছিল যদিও পিছত স্কুলখন ওচৰৰ ননৰাস্থিত নিজা মাটিলৈ স্থানান্তৰিত হয় । বিদ্যালয়খনত শিশুৰ বাবে অংকুৰ, মুকল শ্ৰেণীৰ উপৰি প্ৰথমৰ পৰা দশম শ্ৰেণীলৈ মুঠ বাৰটা শ্ৰেণী আছে ।
শংকৰদেৱ শিশু নিকেতন, কৰৰাৰ ছাত্ৰ-ছাত্ৰীসকলে সময়ে সময়ে বিভিন্ন ক্ষেত্ৰত যথেষ্ট সুনাম প্ৰদৰ্শন কৰি আহিছে । বিদ্যালয়খনৰ পৰা ২০০৫ চনত প্ৰথমটো শ্ৰেণীয়ে হাইস্কুল শিক্ষান্ত পৰীক্ষাত অৱত্তীৰ্ণ হৈছিল । ইতিমধ্যে ২০০৭ আৰু ২০১০ চনত বিদ্যালয়খনৰ পৰা দুজন ছাত্ৰই হাইস্কুল শিক্ষান্ত পৰীক্ষাত ৰাজ্যখনৰ ভিতৰতে স্থান লাভ কৰিবলৈ সক্ষম হৈছিল ।
বিভিন্ন ঘাত-প্ৰতিঘাতৰ মাজেৰে ২৫ টা গৌৰৱময় বৰ্ষ অতিক্ৰম কৰিবলৈ লোৱা বিদ্যালয়খনত ২০১৯ চনৰ ৫ জানুৱাৰীৰ পৰা ২০২০ চনৰ ৫ জানুৱাৰীলৈ বছৰজোৰা কাৰ্য্যসূচীৰে "ৰূপালী জয়ন্তী"ৰ কাৰ্য্যসূচী হাতত লোৱা হৈছে ।
