শুভাংগী আত্ৰে

শুভাংগী আত্ৰে
২০১৮ চনত আত্ৰে
জন্ম	১১ এপ্ৰিল, ১৯৮১ (৪৪ বছৰ)
শিক্ষা	MBA
পেচা	অভিনেত্ৰী
সক্ৰিয় হৈ থকা সময়	২০০৭–বৰ্তমান
জনা যায়	কছৌটি জিন্দেগী কে কস্তুৰী দো হংস কা জোড়া ভাবিজী ঘৰপৰা হ্যায়!
দাম্পত্যসঙ্গী	পীয়ুষ পোৰী (বি. ২০০৩; বিবি. ২০২৫)
সন্তান	১

শুভাংগী আত্ৰে (জন্ম ১১ এপ্ৰিল ১৯৮১) এজন ভাৰতীয় দূৰদৰ্শন অভিনেত্ৰী। আত্ৰে প্ৰথমবাৰ অভিনয় ক্ষেত্ৰত প্ৰৱেশ কৰে একতা কাপুৰৰ কছৌটি জিন্দেগী কে ধাৰাবাহিকৰ পালচিন্ন বসুৰ ৰূপত। তেওঁ কস্তুৰী (২০০৭–০৯) ধাৰাবাহিকত শীৰ্ষভূমিকাত অভিনয় কৰি ব্যাপক পৰিচিতি লাভ কৰে। তাৰ উপৰি তেওঁ দো হংস কা জোড়া (২০০৯–১০) আৰু ২০১৬ৰপৰা বৰ্তমানলৈ ভাবিজী ঘৰপৰা হ্যায়! -ত আংগুৰী মনমোহন তিৱাৰীৰ ভূমিকাত অভিনয় কৰি বিশেষ খ্যাতি অৰ্জন কৰিছে।

প্ৰাৰম্ভিক জীৱন

আত্ৰে ১১ এপ্ৰিল ১৯৮১ তাৰিখে জন্মগ্ৰহণ কৰে। তেওঁৰ জন্মস্থান ইন্দৌৰ। তেওঁ MBA ডিগ্ৰী লাভ কৰিছে।

কৰ্মজীৱন

টিভি উদ্যোগলৈ অহাৰ পূৰ্বে আত্ৰেই এটা ৰিজিওনেল চেম্পুৱ বিজ্ঞাপন ফটোশুট কৰিছিল।

বিবাহৰ পিছত, ২০০৭ চনত একতা কাপুৰে তেওঁক কছৌটি জিন্দেগী কেৰ ভিতৰত এটা ভূমিকা দিয়ে। তাৰ পিছত তেওঁ কস্তুৰী ধাৰাবাহিকত মুখ্য ভূমিকাত অভিনয় কৰে। পিছৰ বছৰত তেওঁক হৱনৰ এটা নিগেটিভ চৰিত্ৰত দেখা যায়।

২০১৩ চনত আত্ৰেই জনপ্ৰিয় ধাৰাৱাহিক চিড়িয়া ঘৰত শিল্পা শিন্দেৰ পৰিৱৰ্তে যোগদান কৰে। তিনি বছৰ পাছত, ২০১৬ চনৰ এপ্ৰিলৰপৰা তেওঁ পুনৰাই শিল্পা শিন্দেৰ পৰিৱৰ্তে ভাবিজী ঘৰপৰা হ্যায়! ধাৰাবাহিকত আংগুৰী মনমোহন তিৱাৰীৰ ভূমিকাত অভিনয় কৰে। সেই বছৰে তেওঁ অধুৰী কাহানী হামাৰীত দেৱসেনাৰ ভূমিকাত অভিনয় কৰে।

শিল্পা শিন্দেই অভিযোগ কৰিছিল যে আত্ৰেই তেওঁৰ অভিনয় শৈলী নকল কৰিছে। এই সন্দৰ্ভত আত্ৰেই কয় যে, তেওঁ "আংগুৰী" চৰিত্ৰৰ চলন-বলন শিকিছিল, শিল্পাক নকল কৰা নাই।

আত্ৰেই কয়—

মানুহে মোক কয় যে তেওঁলোকৰ চকু বন্ধ কৰিলে আংগুৰী ভাবী বুলি মোৰ মুখখন মনলৈ আহে, ‘আমাৰ আগৰজন কোন আছিল পাহৰি গৈছো’ — এইটো মোৰ বাবে সৰ্বাধিক প্ৰশংসাৰ শব্দ।

তেওঁ ২০১৬ৰ আগষ্টৰ সাক্ষাৎকাৰত কৈছিল যে, আংগুৰী চৰিত্ৰৰ প্ৰস্তুতিৰ বাবে তেওঁ ৰাবৰি দেৱীৰ সাক্ষাৎকাৰবোৰ চাইছিল।

ভাবিজী ঘৰপৰা হ্যায়! ধাৰাবাহিকত আংগুৰীৰ ভূমিকাত আত্ৰেৰ অভিনয়ে দৰ্শকৰপৰা মিশ্ৰ প্ৰতিক্ৰিয়া লাভ কৰে। কিন্তু দ্য টাইমছ অৱ ইণ্ডিয়াই তেওঁৰ অভিনয়ক "অসাধাৰণ" বুলি অভিহিত কৰিছে।

ব্যক্তিগত জীৱন

আত্ৰে ২০০৩ চনত পীয়ুষ পোৰীৰ সৈতে বিবাহপাশত আবদ্ধ হৈছিল, তেওঁলোকৰ আশি নামৰ কন্যা সন্তান আছে। ১৯ বছৰ একেলগে বাস কৰাৰ পাছত, ২০২২ চনত তেওঁলোকৰ দাম্পত্য জীৱন পৃথক হয়। ৫ ফেব্ৰুৱাৰী ২০২৫-ত তেওঁলোকে আইনীভাৱে বিবাহবিচ্ছেদ লাভ কৰে।

আত্ৰেৰ পিতৃ PWD বিভাগৰ এখন ইঞ্জিনীয়াৰ আছিল। চাকৰি সূত্ৰে তেওঁলোকে নানা চহৰত বাস কৰিছে। শেহতীয়াকৈ তেওঁৰ পৰিয়াল ইন্দৌৰৰপৰা ভোপাললৈ স্থানান্তৰ হয়। তেওঁৰ পিতৃ ভোপালৰ Kolar Road-ৰ Palace Orchard Phase III-ত থাকে। তেওঁৰ শ্বশুৰ-শ্বাশুৰীয়াই ইন্দৌৰত বাস কৰে।

তেওঁ সংগীত প্ৰেমী আৰু ছলমান খানৰ অনুৰাগী।

তেওঁৰ ধাৰাবাহিক ভাবিজী ঘৰপৰা হ্যায়! ৰ কেচফ্ৰেজ "সহী পোকড়ে হ্যায়" অত্যন্ত জনপ্ৰিয় হয়।

যেতিয়া কোনোবাই সঠিক কথা কয়, মই অজানিতে এই বাক্যটো কৈ থওঁ — “সহী পোকড়ে হ্যায়”—ঘৰতে হওক বা বন্ধুৰ মাজতে হওক।

ফিল্মোগ্ৰাফি

চলচ্চিত্ৰ

বৰ্ষ	চলচ্চিত্ৰ	ভূমিকা	টোকা	তথ্যসূত্ৰ
২০০৮	ছি কোম্পানী	নিজেই	বিশেষ ভূমিকা

বাহ্যিক সংযোগ

• শুভাংগী আত্ৰে সম্পৰ্কে ইণ্টাৰনেট মুভি ডাটাবেছত থকা তথ্য।
• ইনষ্টাগ্ৰামত শুভাংগী আত্ৰে