শেহনাজ গিল

শেহনাজ গিল
২০২৩ চনত গিল
জন্ম	শেহনাজ কৌৰ গিল ২৭ জানুৱাৰী, ১৯৯৪ (৩২ বছৰ) চণ্ডীগড়, ভাৰত
অন্য নাম	ছানা
শিক্ষা	লাভলী প্ৰফেচনেল ইউনিভাৰ্চিটি (বি.কম)
পেচা	প্ৰযোজক, মডেল, অভিনেত্ৰী, গায়িকা
সক্ৰিয় হৈ থকা সময়	২০১৫–বৰ্তমান
জনা যায়	বিগ বছ ১৩ কিচি কা ভাই কিচি কী জান
আত্মীয়-স্বজন	শ্বেহবাজ বাদেশা (ভাতৃ)

শেহনাজ কৌৰ গিল (ইংৰাজী: Shehnaaz Kaur Gill; জন্ম: ২৭ জানুৱাৰী ১৯৯৪) এগৰাকী ভাৰতীয় অভিনেত্ৰী, মডেল আৰু গায়িকা। তেওঁ টেলিভিছন আৰু চলচ্চিত্ৰত কাম কৰে। তেওঁ ২০১৫ চনৰ সংগীত ভিডিঅ' ‘শিৱ দি কিতাপ’ৰ জৰিয়তে নিজৰ মডেলিং কেৰিয়াৰ আৰম্ভ কৰিছিল। ২০১৭ চনত তেওঁ পঞ্জাবী ছবি ‘সত শ্ৰী আকাল ইংলেণ্ড’ৰ জৰিয়তে অভিনেত্ৰী হিচাপে আত্মপ্ৰকাশ কৰে। ২০১৯ চনত তেওঁ ৰিয়েলিটি শ্ব' ‘বিগ বছ ১৩’ত অংশগ্ৰহণ কৰিছিল, য'ত তেওঁ দ্বিতীয় ৰানাৰ্ছ-আপ হিচাপে পৰিগণিত হয়।

জীৱন আৰু কৰ্মজীৱন

প্ৰাৰম্ভিক জীৱন আৰু কেৰিয়াৰৰ আৰম্ভণি

শেহনাজ কৌৰ গিলৰ জন্ম হৈছিল ১৯৯৪ চনৰ ২৭ জানুৱাৰীত আৰু তেওঁ ভাৰতৰ পঞ্জাবত ডাঙৰ-দীঘল হৈছিল।

তেওঁ ডালহৌছি হিলটপ স্কুলত পঢ়া-শুনা কৰিছিল আৰু ফাগৱাৰাৰ লাভলী প্ৰফেচনেল ইউনিভাৰ্চিটিৰপৰা বাণিজ্য শাখাত স্নাতক ডিগ্ৰী লাভ কৰিছিল।

২০১৫ চনত ‘শিৱ দি কিতাপ’ত অভিনয় কৰি তেওঁ নিজৰ কেৰিয়াৰ আৰম্ভ কৰে। গিলে ২০১৬ চনত ‘মাঝে দি জট্টি’ আৰু ‘পিণ্ডা দিয়া কুড়িয়া’ত অভিনয় কৰিছিল। গেৰী সান্ধুৰ সৈতে গিলৰ আন এটা সংগীত ভিডিঅ' ‘য়ে বেবী ৰিফিক্স’ মুক্তি লাভ কৰে। গিলে ২০১৭ চনত ‘সত শ্ৰী আকাল ইংলেণ্ড’, ২০১৯ চনত ‘কালা শ্বাহ কালা’ আৰু ‘ডাকা’ৰ দৰে কিছুমান পঞ্জাবী ছবিতো অভিনয় কৰিছিল।

‘বিগ বছ ১৩’ আৰু পৰৱৰ্তী পদক্ষেপসমূহ

২০১৯ চনৰ ছেপ্টেম্বৰ মাহত গিলে ‘বিগ বছ ১৩’ত এগৰাকী চেলিব্ৰিটি প্ৰতিযোগী হিচাপে প্ৰৱেশ কৰে। তেওঁ বিগ বছৰ ঘৰত থকাৰ সময়তে তেওঁৰ প্ৰথমটো একক গীত ‘ভেহম’ মুক্তি পায়, যাৰ পিছত ‘ছাইডৱাক’, ‘ৰেঞ্জ’ আৰু ‘ৰোণ্ডা আলী পেটী’কে ধৰি আন কিছুমান একক গীত মুক্তি পায়। ২০২০ চনৰ ফেব্ৰুৱাৰী মাহত এই ছিজনৰ সমাপ্তি ঘটে, য’ত গিল দ্বিতীয় ৰানাৰ্ছ-আপ হিচাপে নিৰ্বাচিত হয়। শ্ব’টোৰ জৰিয়তে তেওঁ ব্যাপক জনপ্ৰিয়তা লাভ কৰে। ২০২০ চনৰ ফেব্ৰুৱাৰী মাহত তেওঁ ‘মুঝছে শ্বাদী কৰোগে’ত অংশ লৈছিল যদিও ক’ভিড-১৯ মহামাৰীৰ বাবে এমাহৰ ভিতৰতে ই বন্ধ হৈ যায়।

ইয়াৰ পিছত গিলে ‘ভুলা দুঙ্গা’, ‘কেহ গয়ী চৰী’, ‘কুৰ্তা পাজামা’কে ধৰি বহুতো সংগীত ভিডিঅ'ত অভিনয় কৰিছে।

বাহ্যিক সংযোগ

• এক্সত শেহনাজ গিল
• শেহনাজ গিল সম্পৰ্কে ইণ্টাৰনেট মুভি ডাটাবেছত থকা তথ্য।
• শেহনাজ গিল সম্পৰ্কে বলিউড হাংগামাত থকা তথ্য