শ্বাস তন্ত্ৰ

শ্বাস তন্ত্ৰ
মানুহৰ শ্বাস তন্ত্ৰৰ চিত্ৰ।
সবিশেষ
চিনাক্তকাৰক
লেটিন	ছিষ্টেমা ৰেছপাইৰেটৰিয়াম
MeSH	D012137
TA98	A06.0.00.000
TA2	3133
FMA	7158
দেহতাত্ত্বিক পৰিভাষা

শ্বাস তন্ত্ৰ হৈছে বিশেষ শ্বাসঅংগৰ জৰিয়তে জীৱৰ শ্বসন সম্পন্ন কৰা এক অংগ তন্ত্ৰ। শ্বাস তন্ত্ৰৰ সহায়ত জীৱই পৰিৱেশৰ লগত অক্সিজেন আৰু কাৰ্বন ডাই-অক্সাইডৰ বিনিময় কৰে।

মানুহৰ দৰে মেৰুদণ্ডী প্ৰাণীবোৰৰ প্ৰধান শ্বাসঅংগ হৈছে হাওঁফাওঁ। দেহক অক্সিজেনৰ যোগান ধৰিবৰ বাবে হাওঁফাওঁ বায়ুৰে পূৰ্ণ কৰাক শ্বাস আৰু হাওঁফাওঁৰ পৰা কাৰ্বন ডাই-অক্সাইড উলিয়াই দিয়াক প্ৰশ্বাস বোলে। সমগ্ৰ প্ৰক্ৰিয়াটোক শ্বসন বোলে। মানুহ আৰু অন্য স্তন্যপায়ীৰ শৰীৰ ৰচনাত, শ্বাস তন্ত্ৰত অন্তৰ্ভুক্ত অংগবোৰ হৈছে শ্বাসনলী, ব্ৰংকি, ব্ৰংকিঅল, হাওঁফাওঁ, আৰু ডায়েফাৰ্ম। অক্সিজেন আৰু কাৰ্বন ডাই-অক্সাইডৰ অনুবোৰ তেজ আৰু বাহ্যিক গেছীয় পৰিৱেশৰ মাজত ব্যাপনৰ দ্বাৰা নিষ্ক্ৰিয়ভাৱে বিনিময় হয়। এই বিনিময় প্ৰক্ৰিয়া হাওঁফাওঁৰ বায়ুথলী বোৰত সংঘটিত হয়।

মাছ আৰু অন্য বহু অমেৰুদণ্ডী প্ৰাণীৰ শ্বসন ফুলৰ দ্বাৰা সংঘটিত হয়। পতংগৰ দৰে অন্য প্ৰাণীবোৰৰ, শ্বাস তন্ত্ৰৰ শৰীৰ ৰচনা অতি সৰল, আনকি উভচৰ প্ৰাণীবোৰৰ শ্বসন চাল দ্বাৰাই সংঘটিত হয়। উদ্ভিদৰ পাতত থকা পত্ৰৰন্ধ্ৰ নামৰ ছিদ্ৰৰ মাজেৰে শ্বসন সম্পন্ন হয়।