শ্বাৰ্লিন চোপ্ৰা

শ্বাৰ্লিন চোপ্ৰা
জন্ম	১১ ফেব্ৰুৱাৰী, ১৯৮৭ (৩৯ বছৰ) হায়দৰাবাদ, ভাৰত
পেচা	অভিনেত্ৰী
উচ্চতা	৫ ফুট ৮ ইঞ্চি (১.৭৩ মিটাৰ)
'Beauty pageant titleholder'
Title	মিছ অন্ধ্ৰ
Years active	২০০২–বৰ্তমান
Major competition(s)	মিছ অন্ধ্ৰ সৌন্দৰ্য প্ৰতিযোগিতা বিগ বছ ৩

শ্বাৰ্লিন চোপ্ৰা (ইংৰাজী: Sherlyn Chopra; জন্ম: ১১ ফেব্ৰুৱাৰী ১৯৮৭) এগৰাকী ভাৰতীয় অভিনেত্ৰী আৰু মডেল যিয়ে হিন্দী আৰু তেলুগু ভাষাৰ চলচ্চিত্ৰত কাম কৰাৰ বাবে পৰিচিত। ২০০৭ চনত ৰেড স্বস্তিক ছবিৰ জৰিয়তে তেওঁ অভিনয় জীৱনৰ পাতনি মেলে। ২০১২ চনৰ জুলাই মাহত আমেৰিকান আলোচনী প্লেবয়ৰ বেটুপাতত স্থান পোৱাৰ পিছত চোপ্ৰাই সংবাদ মাধ্যমৰ বিশেষ দৃষ্টি আকৰ্ষণ কৰে। এনে কৰা তেওঁ আছিল প্ৰথমগৰাকী ভাৰতীয় আৰু তেওঁক এগৰাকী "বলীবুডৰ কিংবদন্তি" বুলি অভিহিত কৰা হৈছিল। ইয়াৰ পিছত তেওঁক এমটিভি স্প্লিটচভিলাৰ ষষ্ঠ ছিজনৰ আঁতধৰোঁতা হিচাপে নিৰ্বাচিত কৰা হয়। ২০১৩ চনৰ ডিচেম্বৰ মাহত তেওঁ "বেড গাৰ্ল" শীৰ্ষক এটা মিউজিক ছিংগেল মুকলি কৰে। তেওঁ ২০০৯ চনত ৰিয়েলিটি শ্ব' বিগ বছৰ এজন প্ৰতিযোগী আছিল।

প্ৰাৰম্ভিক জীৱন

চোপ্ৰাৰ জন্ম ভাৰতৰ হায়দৰাবাদত এজন ভাৰতীয় খ্ৰীষ্টান পিতৃ আৰু এগৰাকী ভাৰতীয় মুছলমান মাতৃৰ গৰ্ভত হৈছিল। তেওঁৰ এগৰাকী ভগ্নী আছে যি অনুষ্ঠান পৰিচালিকা (এমচি) হিচাপে কাম কৰে আৰু এজন ককায়েক নিউজিলেণ্ডত ছফ্টৱেৰ ইঞ্জিনিয়াৰ হিচাপে কৰ্মৰত। তেওঁৰ পিতৃ-মাতৃয়ে প্ৰথমবাৰৰ বাবে ইৰানত লগ পাইছিল। ঘৰত তেওঁৰ পৰিয়ালে হিন্দী, ইংৰাজী আৰু উৰ্দু ভাষা কয়। তেওঁলোক এসময়ত ভাৰতীয় মেথডিষ্ট চাৰ্চৰ সক্ৰিয় সদস্য আছিল। শ্বাৰ্লিন ইমানেই ধৰ্মপৰায়ণ আছিল যে তেওঁ এসময়ত ধৰ্মীয় সভাৰ সন্মুখত গোটেই প্লাজম ১১৯ মুখস্থ মাতি শুনাইছিল।

তেওঁ ষ্টেনলী গাৰ্লছ হাইস্কুলত পঢ়া-শুনা কৰিছিল। তাত তেওঁ এজন অতি মেধাৱী ছাত্ৰী আছিল, তেওঁৰ কোনো বন্ধু নাছিল আৰু বহুত পঢ়া-শুনা কৰা ছোৱালী হিচাপে পৰিচিত আছিল। তেওঁ স্কুলৰ ভিতৰতে শীৰ্ষস্থান দখল কৰি উত্তীৰ্ণ হৈছিল। পিছলৈ তেওঁ ছেচুনদৰাবাদৰ চেইণ্ট এনছ কলেজ ফৰ উইমেনত নামভৰ্তি কৰে। ১৯৯৯ চনত তেওঁ "মিছ অন্ধ্ৰ" খিতাপ লাভ কৰে, যিয়ে পৰৱৰ্তী সময়ত তেওঁক বিনোদন জগতৰ প্ৰতি আগ্ৰহী কৰি তোলে। চোপ্ৰাৰ মতে, মি টু আন্দোলনৰ (ভাৰত) প্ৰতিটো কণ্ঠ গুৰুত্বসহকাৰে শুনা উচিত আৰু কেৱল গুজৱ বুলি উলাই নকৰি ভালদৰে তদন্ত কৰা উচিত।

কেৰিয়াৰ

চোপ্ৰাই বলীউডৰ ছবিত মুখ্য অভিনেত্ৰী হিচাপে অভিনয় জীৱন আৰম্ভ কৰিছিল। তেওঁ টাইম পাছ, ৰেড স্বস্তিক আৰু গেমৰ দৰে ছবিত অভিনয় কৰিছিল। ৰিচাৰ্ড ঋষিৰ বিপৰীতে এ ফিল্ম বাই অৰবিন্দ ছবিৰ জৰিয়তে তেওঁ তেলুগু চলচ্চিত্ৰ জগতত আত্মপ্ৰকাশ কৰে। চোপ্ৰা বিগ বছৰ এজন প্ৰতিযোগীও আছিল। অনুষ্ঠানটোৰ ২৭তম দিনত তেওঁক বহিষ্কাৰ কৰা হৈছিল। শেহতীয়াকৈ কষ্টিউম ড্ৰামা পৌৰষপুৰ ৩ত দ্বৈত চৰিত্ৰত কৰা অভিনয়ে সমালোচকৰপৰা প্ৰশংসা বুটলিবলৈ সক্ষম হৈছে।

বাহ্যিক সংযোগ

• ইনষ্টাগ্ৰামত শ্বাৰ্লিন চোপ্ৰা
• এক্সত শ্বাৰ্লিন চোপ্ৰা
• শ্বাৰ্লিন চোপ্ৰা সম্পৰ্কে ইণ্টাৰনেট মুভি ডাটাবেছত থকা তথ্য।
• প্লেবয় সংস্কৰণ