শ্বীবা চাদ্ধা

শ্বীবা_চাদ্ধা Sheeba Chaddha
২০১০ চনত চাদ্ধা
জন্ম	২৪ এপ্ৰিল, ১৯৭৩ (৫২ বছৰ) শাহাৰণপুৰ, উত্তৰ প্ৰদেশ, ভাৰত
ৰাষ্ট্ৰীয়তা	ভাৰতীয়
শিক্ষানুষ্ঠান	হংসৰাজ কলেজ
পেচা	অভিনেত্ৰী
সক্ৰিয় হৈ থকা সময়	1996–present
সন্তান	১ (নুৰ চাদ্ধা)

শ্বীবা চাদ্ধা ( ইংৰাজী: Sheeba Chaddha) এগৰাকী ভাৰতীয় চলচ্চিত্ৰ, মঞ্চ আৰু টেলিভিছন অভিনেত্ৰী। ২০২২ চনত বধাই দো আৰু ডক্টৰ জি ছবিত তেওঁ অভিনয় কৰে আৰু বধাই দোৰ ছবিৰ বাবে শ্ৰেষ্ঠ সহযোগী অভিনেত্ৰীৰ ফিল্মফেয়াৰ বঁটাৰ মনোনয়ন লাভ কৰে।

প্ৰাৰম্ভিক জীৱন আৰু কেৰিয়াৰ

চাদ্ধা দিল্লীত ডাঙৰ-দীঘল হৈছিল, য'ত তেওঁ নাট্যৰ প্ৰতি আগ্ৰহ গঢ়ি তুলিছিল আৰু নাট্য কৰ্মশালা ল'বলৈ আৰম্ভ কৰিছিল। তেওঁ হংসৰাজ কলেজ (দিল্লী বিশ্ববিদ্যালয়)ৰ পৰা ইংৰাজী সাহিত্যত মেজৰ ডিগ্ৰী লাভ কৰে। তেওঁ অনুৰাগ কাশ্যপৰ সহপাঠী আছিল।

(সোঁফালৰ পৰা) ঋতুৰাজ সিং, ৰতি পাণ্ডে, সোনু ছুদ, শ্বীবা চাদ্ধা আৰু সুমিত ভাটছ, ছবি মেক্সিমাম (২০১২)ৰ প্ৰচাৰৰ সময়ত হিটলাৰ দিদীৰ চেটত

চাদ্ধাই হাম দিল দে চুকে ছানম (১৯৯৯), পাৰ্জানিয়া (২০০৭), দিল্লী ৬ (২০০৯), লাক বাই চান্স (২০০৯) আৰু তালাছ (২০১২) আদি ছবিত চৰিত্ৰাভিনেতাত অভিনয় কৰিছে। ২০১১ চনত অভিনেতা ঋতুৰাজ সিঙৰ সৈতে তেওঁ 'প্ৰকাটা হেত যাদ' নামৰ চুটি ছবিত অভিনয় কৰে। ছবিখনে ৰিভাৰ টু ৰিভাৰত চুটি ছবি শাখাত অডিয়েন্স চয়ছ বঁটা লাভ কৰে। ২০১২ চনত তেওঁ তালাছ: দ্য এন্সাৰ লাইজ উইথিন নামৰ ছবিখনত এগৰাকী যৌনকৰ্মী নিৰ্মলাৰ চৰিত্ৰত অভিনয় কৰিছিল। ২০১৫ চনত শৰৎ কাটাৰিয়াৰ ডম লগা কে হাইছাত নয়নতাৰা তিৱাৰী (বুয়াজী)ৰ চৰিত্ৰত অভিনয় কৰিছিল৷

টেলিভিছনত তেওঁৰ প্ৰাৰম্ভিক উপস্থিতি লাভ মেৰেজ (২০০২)ত আছিল; তাৰ পিছত ২০০৭ চনত কস্তুৰীত ব্যৱসায়িক টাইকুনৰ চৰিত্ৰত অভিনয় কৰি তেওঁ টেলিভিছনলৈ পুনৰ উভতি আহে। ইয়াৰ পিছত তেওঁ না আনা ইছ ডেছ লাডো (২০০৯–২০১২), কিতনি মহব্বত হাই (২০০৯), কাহানি সাত ফেৰন কি (২০০৭), কুচ তোহ লগ কাহেংগে (২০০১–২০১৩) আৰু লাখোন মেইন এক (২০১২) আদি ধাৰাবাহিকত অভিনয় কৰে।

২০১২ চনৰ জুন মাহত তেওঁ জি টিভিৰ জনপ্ৰিয় টেলিভিছন ধাৰাবাহিক হিটলাৰ ডিডিত যোগদান কৰে।

ইয়াৰ উপৰিও তেওঁ ৰজত কাপুৰৰ মঞ্চ নাট চি ফৰ ক্লাউন (২০০৭) , অতুল কুমাৰৰ দ্য ব্লু মগ (২০১০)ত ৰজত কাপুৰ, মুনিষ ভৰদ্বাজ, বিনয় পাঠক, কংকনা সেন শৰ্মা আৰু ৰণবীৰ শ্বোৰীৰ সৈতে অভিনয় কৰে৷ তেওঁ ব্লেক এণ্ড হোৱাইটত ৰয়ষ্টেন এবেলৰ অথেলোত ডেছদিমোনাৰ চৰিত্ৰত অভিনয় কৰে আৰু ২০১২ চনত হেনৰিখ ইবচেনৰ নাটকত হেড্ডাৰ মুখ্য চৰিত্ৰত অভিনয় কৰিছিল।তেওঁ মুম্বাইৰ "দ্য কোম্পানী থিয়েটাৰ" নামৰ নাট্যগোষ্ঠীৰ লগতো জড়িত। বৰ্তমান তেওঁ ইণ্টাৰনেট টেলিভিছন ধাৰাবাহিক পাৰ্মানেণ্ট ৰুমমেটছৰ সৈতে জড়িত, যিখন দ্য ভাইৰেল ফিভাৰ (টিভিএফ)ৰ বেনাৰত নিৰ্মিত হৈছে৷

বাহ্যিক সংযোগ

• শ্বীবা চাদ্ধা সম্পৰ্কে ইণ্টাৰনেট মুভি ডাটাবেছত থকা তথ্য।