শ্ৰীতি ঝা

শ্ৰীতি ঝা
২০২২ চনত ঝা
জন্ম	২৬ ফেব্ৰুৱাৰী, ১৯৮৬ (৪০ বছৰ) বেগুচৰাই, বিহাৰ, ভাৰত
শিক্ষানুষ্ঠান	শ্ৰী ভেংকটেশ্বৰ মহাবিদ্যালয়, দিল্লী বিশ্ববিদ্যালয়
পেচা	অভিনেত্ৰী
সক্ৰিয় হৈ থকা সময়	২০০৭–বৰ্তমান
উল্লেখযোগ্য কৰ্ম	দিল চে দি দুৱা... সৌভাগ্যৱতী ভৱ? বালিকা বধূ কুমকুম ভাগ্য

শ্ৰীতি ঝা (জন্ম: ২৬ ফেব্ৰুৱাৰী, ১৯৮৬) এগৰাকী ভাৰতীয় অভিনেত্ৰী যিয়ে মূলতঃ হিন্দী টেলিভিছনত কাম কৰে। ৰোমাণ্টিক কমেডীৰপৰা ক্ৰাইম ড্ৰামালৈকে বিভিন্ন ধাৰাত তেওঁৰ বহুমুখী অভিনয়ৰ বাবে পৰিচিত ঝাই দুটাকৈ ইণ্ডিয়ান টেলিভিছন একাডেমী এৱাৰ্ডছ, তিনিটা ইণ্ডিয়ান টেলি এৱাৰ্ডছ আৰু দুটা গোল্ড এৱাৰ্ডছ আদিকে ধৰি কেইবাটাও সন্মান লাভ কৰিছে।

ঝাই ২০০৭ চনত কিশোৰ ড্ৰামা ধাৰাবাহিক ধুম মাচাও ধুমত মালিনী শৰ্মাৰ চৰিত্ৰৰ জৰিয়তে অভিনয়ত আত্মপ্ৰকাশ কৰিছিল। ইয়াৰ পিছত ঝাই জ্যোতিত সুধা "দেৱিকা" শৰ্মা বশিষ্ঠ, ৰক্ত সম্বন্ধত সন্ধ্যা চাভ্ৰাটকাৰ প্ৰধান আৰু দিল চে দি [দুৱা... সৌভাগ্যৱতী ভৱ?ত ঝানৱী দোভ্ৰীয়াল / চিয়া প্ৰতাপসিং চৰিত্ৰত কৰা অভিনয়ৰ জৰিয়তে নিজকে এগৰাকী আগশাৰীৰ অভিনেত্ৰী হিচাপে প্ৰতিষ্ঠা কৰে। কুমকুম ভাগ্যত প্ৰজ্ঞা অৰোৰা মেহৰাৰ চৰিত্ৰত কৰা অভিনয়ে তেওঁক অধিক জনপ্ৰিয়তা প্ৰদান কৰে। ২০২২ চনত তেওঁ ফিয়াৰ ফেক্টৰ: খত্ৰোঁ কে খিলাড়ী ১২ত অংশগ্ৰহণ কৰি দশম স্থান লাভ কৰিছিল আৰু ঝলক দিখলা যা ১০ত তৃতীয় ৰানাৰ আপ হৈছিল।

প্ৰাৰম্ভিক জীৱন আৰু শিক্ষা

ঝাৰ জন্ম ১৯৮৬ চনৰ ২৬ ফেব্ৰুৱাৰীত বিহাৰৰ বেগুচৰাইত হৈছিল। তেওঁ পৰিয়ালৰ সৈতে দহ বছৰ ধৰি কলকাতাত বাস কৰিছিল আৰু তাৰ পিছত নেপালৰ কাঠমাণ্ডুলৈ গৈছিল। পৰৱৰ্তী সময়ত তেওঁলোক নতুন দিল্লীলৈ আহে আৰু ঝাই তাত লক্ষ্মণ পাব্লিক স্কুলত অধ্যয়ন কৰে। তেওঁ নতুন দিল্লীৰ শ্ৰী ভেংকটেশ্বৰ মহাবিদ্যালয়ৰপৰা ইংৰাজী বিষয়ত কলা স্নাতক ডিগ্ৰী সম্পূৰ্ণ কৰে। তেওঁৰ মীনাক্ষী নামৰ এগৰাকী ডাঙৰ ভগ্নী আৰু শশাংক নামৰ এজন ভায়েক আছে।

অন্যান্য কাম আৰু ৰাজহুৱা ভাবমূৰ্তি

২০১৮ চনৰ এটা অনুষ্ঠানত ঝা

জ্যোতি, ৰক্ত সম্বন্ধ, দিল চে দি দুৱা... চুবলগ্যৱতী ভৱ? আৰু কুমকুম ভাগ্য ধাৰাবাহিকত কৰা অভিনয়ে ঝাক হিন্দী টেলিভিছনৰ অন্যতম আগশাৰীৰ আৰু সৰ্বাধিক মাননি লাভ কৰা অভিনেত্ৰী হিচাপে প্ৰতিষ্ঠা কৰে। ঝা তেওঁৰ শৈলী আৰু ফেশ্বন সচেতনতাৰ বাবেও ব্যাপকভাৱে পৰিচিত।

কুমকুম ভাগ্যত কৰা অভিনয়ৰ বাবে দা ইণ্ডিয়ান এক্সপ্ৰেছে ২০১৭ চনৰ "শীৰ্ষ ১০ গৰাকী টেলিভিছন অভিনেত্ৰী"ৰ তালিকাত তেওঁক পঞ্চম স্থানত ৰাখিছিল। দা টাইমছ অৱ ইণ্ডিয়াই ঝাৰ বিভিন্ন চৰিত্ৰ আৰু বিশেষকৈ মহিলা প্ৰধান অনুষ্ঠানসমূহত তেওঁৰ ভূমিকাক বিশেষভাৱে উল্লেখ কৰিছে। ২০১৪ চনত ঝা আৰু শাব্বিৰ আহলুৱালীয়াৰ যুটিটোক "টেলিভিছনৰ শ্ৰেষ্ঠ যুটি"সমূহৰ ভিতৰত স্থান দিয়া হৈছিল। ঝা একচেচৰাইজ ইণ্ডিয়া, বেলেজা, কল্কি ফেশ্বন আৰু গোদৰেজ গ্ৰুপৰ দৰে বিভিন্ন ব্ৰেণ্ডৰ বিজ্ঞাপনৰ সৈতে জড়িত। ২০২০ চনত ঝাই ক’ভিড-১৯ মহামাৰীৰদ্বাৰা প্ৰভাবিত লোকসকলৰ বাবে পুঁজি সংগ্ৰহৰ কাৰ্যসূচীত অংশ লৈছিল। ২০২৩ চনত ঝাই কৈছে মুঝে তুম মিল গয়ে আৰু কুমকুম ভাগ্যৰ অভিনয় শিল্পীসকলৰ সৈতে স্নেহ ফাউণ্ডেশ্যনৰ সৈতে বৰদিন উদ্‌যাপন কৰিছিল।

অভিনয় জীৱনৰ উপৰি ঝাই কবিতা আবৃত্তি আৰু লাইভ শ্ব' কৰে। ২০২১ চনৰ জানুৱাৰীত ঝাই ২০২০ চনৰ 'কমিউন ইণ্ডিয়া স্পোকেন ফেষ্ট'ত "কনফেছনছ অৱ এন এচেক্সুৱেল ৰোমাণ্টিক" শীৰ্ষক এটা কবিতা আবৃত্তি কৰিছিল। ইয়াত তেওঁ এজন অযৌন ব্যক্তিৰ জীৱন কেনেকুৱা হ'ব পাৰে আৰু ভাৰতত নিজৰ যৌন পৰিচয়ৰ বিষয়ে কথা পাতিবলৈ কেনেকৈ স্বাধীনতাৰ অভাৱ সেই বিষয়ে কয়। অৱশ্যে এটা সাক্ষাৎকাৰত তেওঁ স্পষ্ট কৰি দিছিল যে তেওঁ এজন অযৌন ব্যক্তি নহয় আৰু সেই কবিতাটো তেওঁৰ নিজৰ বিষয়ে নাছিল। তেওঁ ভিন্ন যৌন পছন্দৰ লোকসকলৰ বিষয়ে আৰু তেওঁলোকে সন্মুখীন হোৱা সমস্যাৰ বিষয়ে আৰু দুটা কবিতা আবৃত্তি কৰিছে। তাৰ ভিতৰত এজন সমকামী পুৰুষৰ বিষয়ে "চুড়িয়াঁ" আৰু এগৰাকী লেচবিয়ান মহিলাৰ ওপৰত আধাৰিত "চাবি গুম গৈ হ্যায়" অন্যতম। "ইটছ পহেলা প্যাৰ এভ্ৰি টাইম" কবিতাত তেওঁ কৈছে যে প্ৰতিবাৰ প্ৰেমত পৰিলে কেনেকৈ এনে লাগে যেন এয়া প্ৰথমবাৰৰ বাবেহে ঘটিছে।

তেওঁৰ অন্যান্য কাম যেনে "টু লাইক? অৰ টু লাভ?"-ত তেওঁ ভালপোৱা আৰু পছন্দ কৰাৰ মাজৰ পাৰ্থক্য দেখুৱাইছে। ঝাৰ প্ৰথম মুকলি চিঠি "এ লেটাৰ টু মাইচেলফ"ত তেওঁ তেওঁৰ ১৫বছৰীয়া পূৰ্বৰ নিজক ক’ব বিচৰা কথাৰ বিষয়ে লিখিছে যে কোনো পৰিস্থিতিতে কেতিয়াও আপোচ কৰিব নালাগে। আইটিচি ভিভেলৰ সৈতে কৰা এই সহযোগিতাত ঝাই মহিলাসকলক পুৰণি ধাৰণা আৰু কুসংস্কাৰক প্ৰত্যাহ্বান জনাই আত্ম-বিশ্বাসেৰে নিজৰ সপোন পূৰণ কৰিবলৈ অনুপ্ৰাণিত কৰিছে। ২০২১ চনৰ ভেলেণ্টাইন ডেৰ এদিন আগতে তেওঁ এগৰাকী কথক হিচাপে "চিজি ষ্টুপিড ইশ্ক" নামৰ এটা কবিতাও উপস্থাপন কৰিছিল।

বাহ্যিক সংযোগ

• শ্ৰীতি ঝা সম্পৰ্কে ইণ্টাৰনেট মুভি ডাটাবেছত থকা তথ্য।
• ইনষ্টাগ্ৰামত শ্ৰীতি ঝা