সংঘমিত্ৰা মহান্তি

সংঘমিত্ৰা মহান্তি
জন্ম	১ এপ্ৰিল ১৯৫৩ কটক, ভাৰত
মৃত্যু	০১ জুলাই, ২০২১ (৬৮ বছৰ) ভুৱনেশ্বৰ, ওড়িশা, ভাৰত
পেচা	কম্পিউটাৰ বিজ্ঞানী

সংঘমিত্ৰা মহান্তি (১ এপ্ৰিল ১৯৫৩ – ১ জুলাই ২০২১) এগৰাকী ভাৰতীয় কম্পিউটাৰ বিজ্ঞানী আছিল। তেওঁ পদাৰ্থবিজ্ঞান বিষয়ত এম.এছ.চি. আৰু পি.এইচ.ডি. ডিগ্ৰী লাভ কৰিছিল। তেওঁ ১৯৮৬ চনৰ পৰা ২০১১ চনলৈ উৎকল বিশ্ববিদ্যালয়ত কম্পিউটাৰ বিজ্ঞান বিভাগত বক্তা, ৰিডাৰ আৰু অধ্যাপিকা হিচাপে কৰ্মৰত আছিল। তেওঁ ওড়িশাৰ কটকত জন্মগ্ৰহণ কৰিছিল।

গৱেষণা

মহান্তিয়ে কৃত্ৰিম বুদ্ধিমত্তা, বাক্ প্ৰক্ৰিয়াকৰণ, চিত্ৰ প্ৰক্ৰিয়াকৰণ, প্ৰাকৃতিক ভাষা প্ৰক্ৰিয়াকৰণ, ফ্ৰেক্টেল জ্যামিতি, বতৰ পূৰ্বাভাস আৰু উচ্চ শক্তি পদাৰ্থবিজ্ঞান আদি ক্ষেত্ৰত গৱেষণা কৰিছিল। ভাৰতীয় ভাষা প্ৰযুক্তি সমাধান বিষয়ত তেওঁৰ ১৩টা মেধাস্বত্ব অধিকাৰ (আইপিআৰ) আছিল।^{[উদ্ধৃতিৰ প্ৰয়োজন]} তেওঁৰ ১৬০ৰ অধিক গৱেষণা প্ৰবন্ধ আন্তৰাষ্ট্ৰীয় সাময়িকী আৰু সন্মিলনৰ কাৰ্যবিবৰণীত প্ৰকাশ পাইছিল। তেওঁ ভাৰত আৰু বিদেশৰ বহু প্ৰতিষ্ঠানলৈ একাডেমিক সহযোগিতা আৰু গৱেষণাৰ বাবে ভ্ৰমণ কৰিছিল। তেওঁ বহু গৱেষণা প্ৰকল্পৰ নেতৃত্ব দিছিল আৰু শিক্ষাৰ্থীসকলক গৱেষণাৰ ক্ষেত্ৰত প্ৰশিক্ষণ প্ৰদান কৰিছিল। তেওঁৰ গৱেষণাই ভাৰতীয় ভাষা প্ৰযুক্তিৰ উন্নয়নত গুৰুত্বপূৰ্ণ ভূমিকা গ্ৰহণ কৰিছিল।

বঁটা আৰু ফেল’শ্বিপ

তেওঁ ২০১২ চনত ওড়িশা বিজ্ঞান একাডেমীৰ সমন্ত চন্দ্ৰশেখৰ বঁটা লাভ কৰে, যি ওড়িশা চৰকাৰৰ বিজ্ঞান আৰু প্ৰযুক্তি বিভাগে প্ৰদান কৰে। তেওঁ যুক্তৰাজ্যৰ উইমেন্স ইঞ্জিনিয়াৰিং ছ’চাইটিৰ ফেল’ আছিল (এফডব্লিউইএছ)। তেওঁ ২০১১ চনৰ পৰা ২০১৪ চনলৈ নৰ্থ ওড়িশা বিশ্ববিদ্যালয়ৰ উপাচাৰ্য হিচাপে কাৰ্যনিৰ্বাহ কৰে। তেওঁ ২০১৬ চনৰ জানুৱাৰী মাহৰ পৰা ওড়িশা বিজ্ঞান একাডেমীৰ সভাপতি হিচাপে দায়িত্ব গ্ৰহণ কৰে।

২০২১ চনত তেওঁ ক’ভিড-১৯ ৰোগত আক্ৰান্ত হৈ মৃত্যুবৰণ কৰে।