সদস্য:Jyoti Chiring/জোহৰাবেন আকবৰভাই চাভদা

জোহৰাবেন আকবৰভাই চাভদা ( ইংৰাজী: : Zohraben Akbarbhai Chavda  ; ১৯২৩–১৯৯৭) এজন গান্ধীবাদী সমাজ সংস্কাৰক আৰু বানাস্কান্তৰ পৰা তৃতীয় লোকসভাৰ সদস্য আছিল।

প্ৰাথমিক জীৱন

১৯২৩ চনৰ ২ ছেপ্টেম্বৰত গুজৰাটৰ প্ৰান্তিজ চহৰত জমিয়াতখান উম্মৰখান পাথান আৰু তেওঁৰ পত্নীৰ ঘৰত জন্মগ্ৰহণ কৰে জোহৰাবেনৰ। তেওঁ ৱৰ্ধাৰ পৰা নাৰ্চিং প্ৰশিক্ষণ পাঠ্যক্ৰম গ্ৰহণ কৰিছিল।

কৰ্মজীৱন

প্ৰশিক্ষণ সমাপ্ত কৰি জোহৰাবেনে গুজৰাট বিদ্যাপীঠত নাৰ্ছ হিচাপে কাম কৰিবলৈ আৰম্ভ কৰে আৰু পিছলৈ মহাত্মা গান্ধীৰ সাবৰমতী আশ্ৰমলৈ স্থানান্তৰিত হয়। গান্ধীৰ পৰামৰ্শমতে তেওঁ আৰু তেওঁৰ স্বামীয়ে অভাৱগ্ৰস্ত লোকৰ অৱস্থা উন্নত কৰাৰ উদ্দেশ্যেৰে ছানালি গাঁৱলৈ যায়। ইয়াত তেওঁলোকে আশ্ৰম স্থাপন কৰি শিশুসকলক আশ্ৰমশালাত শিক্ষা দিছিল। তেওঁ বানাস্কান্ত জিলাৰ কংগ্ৰেছ কমিটিৰ সভানেত্ৰী আৰু নিজৰ জিলাৰ সমাজ কল্যাণ প্ৰকল্পৰ অধ্যক্ষা হিচাপে কাৰ্যনিৰ্বাহ কৰিছিল।

১৯৬২ চনত তৃতীয় লোকসভাৰ বাবে ভাৰতীয় সাধাৰণ নিৰ্বাচনৰ সময়ত জোহৰাবেনে ভাৰতীয় জাতীয় কংগ্ৰেছৰ টিকটত বানাস্কান্তৰ পৰা ১,১৫,৯৩১ টা ভোট লাভ কৰি জয়লাভ কৰাৰ বিপৰীতে তেওঁৰ নিকটতম প্ৰতিদ্বন্দ্বী স্বতন্ত্ৰ পাৰ্টিৰ প্ৰাৰ্থী ৬০,৯৭৫ টা ভোট লাভ কৰে। তৃতীয় লোকসভাত তেওঁ আৰু মাইমুনা চুলতান আছিল একমাত্ৰ দুগৰাকী মুছলমান মহিলা।

ব্যক্তিগত জীৱন

১৯৪৬ চনত গুজৰাট বিদ্যাপীঠত সহযোগী গান্ধীবাদী আকবৰভাই ডালুমিয়ান চাৱদাৰ সৈতে জোহৰাবেনে বিবাহপাশত আবদ্ধ হয়। ১৯৯৭ চনত তেওঁৰ মৃত্যু হয় আৰু পিছৰ বছৰত তেওঁৰ স্বামী আকবৰভাইয়ে তেওঁৰ পথত খোজ পেলায়।