সদস্য বাৰ্তা:নৱনিতা গগৈ

প্ৰিয়দাস তালুকদাৰ

প্ৰিয়দাস তালুকদাৰ

অসমৰ সাহিত্য , সংস্কৃতিৰ লগত ওতঃপ্ৰতভাৱে জড়িত এগৰাকী ব্যক্তি হ'ল প্ৰিয়দাস তালুকদাৰ। তেখেত একাধাৰে পাঠ্যপুথিৰ প্ৰণেতা , ব্যাকৰণ প্ৰণেতা , শিশু সাহিত্যিক , অভিনেতা আৰু সমাজসেৱক আছিল । উল্লেখ্য যে , তেওঁ অসমৰ প্ৰথমখন জিলা সাহিত্য সভা ডিব্ৰুগড় জিলা সাহিত্য পৰিষদৰ প্ৰথমগৰাকী সভাপতি আছিল ।

শিক্ষা :

           প্ৰিয়াদাস তালুকদাৰৰ ১৯১০ চনত বৰপেটা জিলাৰ বহৰি গাঁৱত জন্ম হয় । তেখেতে বৰপেটাৰ  বহৰিতে প্ৰাথমিক আৰু মাধ্যমিক শিক্ষা সাং কৰে আৰু যোৰহাট নৰ্মাল শিক্ষা গ্ৰহণ কৰে ।

কৰ্ম জীৱন :

                  ১৯৩১ চনত ডিব্ৰগড় বৰবৰুৱা মাইনৰ স্কুলত চাকৰি জীৱনৰ আৰম্ভণি কৰে । ১৯৩৫ চনত ডিগবৈৰ অসম তেল কোম্পানীৰ মাইনৰ স্কুলত যোগদান কৰে ।  প্ৰায় ৪১ বছৰ শিক্ষকতা কৰি ১৯৭২ চনত অৱসৰ গ্ৰহণ কৰে ।
          শিক্ষকতাৰ উপৰিও ১৯২৯ চনৰ পৰা অসম সাহিত্য সভাৰ লগত এগৰাকী স্বেচ্ছাসেৱক হিচাপে জড়িত হৈ পৰে । ১৯৩৫ চনত ডিগবৈত  ' ডিগবৈ সাহিত্য সেৱা সমিতি ' গঠন কৰে । ১৯৬৫ চনত ডিব্ৰুগড় জিলাত  ' ডিব্ৰুগড় জিলা সাহিত্য পৰিষদ '  গঠন কৰে । এইখনেই অসমত প্ৰথম জিলা সাহিত্য সভা গঠন হয় । এই পৰিষদ খনেই বৰ্তমানৰ ' ডিব্ৰুগড় জিলা সাহিত্য সভা ' । তালুকদাৰদেৱ এই সভাতেই প্ৰথম প্ৰতিষ্ঠাপক সভাপতি হয় ।

সাহিত্যৰাজি :

                     তেখেতে অসমীয়া সাহিত্যলৈ ভালেখিনি অৱদান আগবঢ়াই গৈছে । সেইবোৰৰ ভিতৰত হ'ল  - 

শিশু উপযোগী ৰচনা :

            ' কিচিঙৰ পয়মাল ' , ' পশুৰ পঞ্চশীল ' ; ' ব 'হাগীৰ বিয়া ' ; ' ৰুণজুন ' ; ' মিকুৰ পুতলা ' ; ' মই ৰজা ' ; ' মিতিৰালিৰ পৰিণাম ' আদি ।

পাঠ্যপুথি :

          ' দেশৰ মান মৰমী নাই 

' ; ' অসম দেশৰ বিষম কথা ' ; ' আদৰ্শ চিঠি আৰু ৰচনা ' ; ' বুনিয়াদী অংক শিক্ষা ' ইত্যাদি ।

ব্যাকৰণ :

           ' অসমীয়া ভাষা বোধিকা ' আৰু  ' উচ্চমানৰ অসমীয়া ভাষা বোধিকা '  ।

সন্মান :

         ১৯৯৩ চনত ডিগবৈ সাহিত্য সভা সমিতিয়ে ' ভীষ্ম পুৰুষ ' উপাধি প্ৰদান কৰে ।

        ১৯৮৮ চনত অসম চৰকাৰৰ সাহিত্যিক পেঞ্চন লাভ কৰে ।

তথ্য সংগ্ৰহ :

              শইকীয়া , ভূপেন : জীৱন জ্যোতি প্ৰথম প্ৰকাশ : ২০০৬ , 

প্ৰকাশক : পূৰ্বভাৰতী প্ৰকাশন নলবাৰী , গুৱাহাটী ।