সুদাস
সুদাস পিজাৱন আছিল মূল বা মধ্য ঋগ্বেদ যুগত (খ্ৰীষ্টপূৰ্ব প্ৰায় ১৪ শতিকা) ভাৰতৰ এজন ভাৰত-আৰ্য্য জনজাতীয় ৰজা।[1] পঞ্জাৱৰ পৰুষ্ণী (বৰ্তমান ৰবি নদী)ৰ ওচৰত হোৱা দশ ৰজাৰ যুদ্ধত তেওঁ নিজৰ জনগোষ্ঠীটোক বিজয়ৰ দিশত আগবঢ়াই লৈ যায়,[2] শক্তিশালী পুৰু জনগোষ্ঠীৰ অন্য জনগোষ্ঠীৰ সৈতে মিত্ৰতাক পৰাস্ত কৰে, যাৰ বাবে তেওঁৰ পুৰোহিত বশিষ্ঠই ঋগ্বেদৰ গীতত তেওঁক প্ৰশংসা কৰে। তেওঁৰ বিজয়ে ভাৰত বংশৰ আধিপত্য প্ৰতিষ্ঠা কৰে, যাৰ ফলত তেওঁলোকে পূব দিশলৈ গতি কৰি কুৰুক্ষেত্ৰত বসতি স্থাপন কৰিবলৈ সক্ষম হয়, যাৰ ফলত পৰৱৰ্তী সময়ত উত্তৰ ভাৰতত আধিপত্য বিস্তাৰ কৰা কুৰু "অতি-জনজাতি" বা জনজাতি সংঘৰ উত্থানৰ বাট মুকলি হয়।[3]
পৰিয়াল
[সম্পাদনা কৰক]সুদাসৰ পূৰ্বপুৰুষৰ ভিতৰত পিজাৱন, দিৱোদাস অতিথিগ্ৱ আৰু দেৱবন্ত আদি অন্যতম যদিও এই পূৰ্বপুৰুষসকলৰ কালক্ৰমিক ক্ৰমৰ বিষয়ে পণ্ডিতসকলৰ মতানৈক্য আছে।[4][5] উইটজেলৰ মতে দিৱোদাস আছিল সুদাসৰ পিতৃ, কিন্তু তেওঁ পিজাৱনক দিৱোদাস আৰু সুদাসৰ মাজৰ সম্ভাৱ্য পূৰ্বপুৰুষ হিচাপে ভাৰত বংশৰ জালিত অন্তৰ্ভুক্ত কৰিছে।[6] পালিহাৱাদনেও পিজাৱনক দিৱোদাস আৰু সুদাসৰ মাজৰ ভাৰত বংশৰ জালিত ৰাখে, কিন্তু কেৱল সুদাস পিজাৱনৰ বংশধৰ বুলিহে উল্লেখ কৰিছে।[7]
তেওঁৰ বিবাহ হৈছিল সুদেৱীৰ সৈতে, যাক অশ্বিনসকলে সুদাসসকলক দিয়া বুলি কোৱা হৈছে।[8]
ঋগবেদ
[সম্পাদনা কৰক]- মূল প্ৰবন্ধ: দশ ৰজাৰ যুদ্ধ
সুদাসক ঋগবেদত দশ ৰজাৰ সন্মিলনক জয় কৰা ভৰতৰ প্ৰধান হিচাপে উল্লেখ কৰা হৈছে।[2] ইয়াৰ উপৰিও উল্লেখ আছে যে বিশ্বামিত্ৰৰ ঠাইত ৰজাই বশিষ্ঠক পুৰোহিত হিচাপে নিযুক্তি দিছিল, যাৰ ফলত দুয়োৰে মাজত প্ৰতিদ্বন্দ্বিতা সৃষ্টি হৈছিল। দহ-ৰজা, অৰ্থাৎ: পুৰু, যদু, তুৰ্বাসু, অনু, দ্ৰুহ্যু, আলিনা, পক্ষ, ভলান, শিৱ আৰু বিশানিনে তাৰ পিছত সুদাসৰ বিৰুদ্ধে বিদ্ৰোহ কৰিছিল যদিও তেওঁৰ হাতত পৰাস্ত হৈছিল। ইয়াৰ পিছত অলপ সময়ৰ ভিতৰতে তেওঁ অজ, শিগ্ৰুছ আৰু যক্ষুৰ সৈতেও যুঁজিছিল।[9]
তথ্যসূত্ৰ
[সম্পাদনা কৰক]- ↑ Witzel, Michael (2000). "The Languages of Harappa". In Kenoyer, J.. Proceedings of the conference on the Indus civilization.
- 1 2 Mookerji 1988, পৃষ্ঠা. 1.
- ↑ Witzel, Michael (1995), "Early Sanskritization: Origin and Development of the Kuru state", EJVS vol. 1 no. 4 (1995)
- ↑ Witzel, Michael (1995). "Ṛgvedic history: poets, chieftains and polities". In Erdosy, George. The Indo-Aryans of Ancient South Asia: Language, Material Culture and Ethnicity. De Gruyter. পৃষ্ঠা. 216.
- ↑ Palihawadana, Mahinda (2017). "The Indra Cult as Ideology: A Clue to Power Struggle in an Ancient Society". Electronic Journal of Vedic Studies খণ্ড 24 (2): 37.
- ↑ Witzel 1995, পৃষ্ঠা. 216, 248.
- ↑ Palihawadana 2017, পৃষ্ঠা. 37.
- ↑ Macdonell, Arthur Anthony; Keith, Arthur Berriedale (1921). Vedic Index of Names and Subjects. John Murray. পৃষ্ঠা. 454.
- ↑ Sen 1999, পৃষ্ঠা. 41.