সুৰভি চান্দনা

সুৰভি চান্দনা
২০১৯ চনত চান্দনা
জন্ম	১১ ছেপ্টেম্বৰ, ১৯৮৯ (৩৬ বছৰ) বম্বে, মহাৰাষ্ট্ৰ, ভাৰত
পেচা	অভিনেত্ৰী
সক্ৰিয় হৈ থকা সময়	২০০৯–বৰ্তমান
জনা যায়	ইশ্কবাজ সঞ্জীৱনী নাগিন ৫ শেৰদিল শেৰগিল
দাম্পত্যসঙ্গী	কৰণ শৰ্মা (বিবাহ ২০২৪)

সুৰভি চান্দনা (ইংৰাজী: Surbhi Chandna; জন্ম: ১১ ছেপ্টেম্বৰ ১৯৮৯) এগৰাকী ভাৰতীয় অভিনেত্ৰী যিয়ে মূলতঃ হিন্দী টেলিভিছনত কাম কৰে। ‘ইশ্কবাজ’ত অনিকা ত্ৰিবেদী সিং অবেৰয় আৰু ‘নাগিন ৫’ত বাণী শৰ্মা সিংহানিয়াৰ চৰিত্ৰ ৰূপায়ণৰ বাবে চান্দনা ব্যাপকভাৱে পৰিচিত। এই দুয়োটা অভিনয়েই তেওঁক দুবাৰকৈ জনপ্ৰিয় শ্ৰেষ্ঠ অভিনেত্ৰীৰ আই টি এ (ITA) বঁটা প্ৰদান কৰিছে।

চান্দনাই ২০০৯ চনত ‘তাৰাক মেহতা কা উল্টা চসমা’ত চুইটীৰ চৰিত্ৰত এক বিশেষ উপস্থিতিৰে (cameo) অভিনয় জীৱনৰ পাতনি মেলে। তেওঁ ‘কবুল হ্যায়’ত হায়া কুৰেছী হিচাপে প্ৰথমটো গুৰুত্বপূৰ্ণ চৰিত্ৰত অভিনয় কৰিছিল। ইয়াৰ উপৰি তেওঁ ‘সঞ্জীৱনী’ত ডা° ঈশানী আৰোৰা আৰু ‘শেৰদিল শেৰগিল’ত মনমিত শেৰগিলৰ চৰিত্ৰত অভিনয়ৰ বাবে পৰিচিত। ২০২৪ চনত চান্দনাই আমাজন মিনি টিভিৰ ‘ৰক্ষক - ইণ্ডিয়াছ ব্ৰেভছ’ৰ জৰিয়তে ৱেব শ্ব’ জগতলৈও প্ৰসাৰিত হয়।

প্ৰাৰম্ভিক জীৱন

সুৰভি চান্দনাৰ জন্ম ১৯৮৯ চনৰ ১১ ছেপ্টেম্বৰত মহাৰাষ্ট্ৰৰ মুম্বাইত হৈছিল।

ব্যক্তিগত জীৱন

চান্দনা আৰু উদ্যোগী কৰণ শৰ্মা ২০১০ চনৰেপৰা প্ৰেমৰ সম্পৰ্কত আছিল। ১৩ বছৰ ধৰি ডেটিং কৰাৰ পাছত, ২০২৪ চনৰ ২ মাৰ্চত জয়পুৰত এক পৰম্পৰাগত হিন্দু বিবাহ অনুষ্ঠানৰ জৰিয়তে তেওঁলোক বিবাহপাশত আবদ্ধ হয়।

সংবাদ মাধ্যমত

২০১৯ চনত চান্দনা

টাইমছ অৱ ইণ্ডিয়াৰ ‘টেলিভিছনৰ আটাইতকৈ আকৰ্ষণীয় মহিলা’ৰ তালিকাত তেওঁ ২০১৮ চনত দ্বাদশ আৰু ২০২০ চনত চতুৰ্থ স্থান লাভ কৰিছিল। যুক্তৰাজ্য ভিত্তিক সংবাদ পত্ৰ ইষ্টাৰ্ণ আইৰ ‘৫০ গৰাকী যৌন আবেদনময়ী এছীয় মহিলা’ৰ তালিকাত তেওঁ ২০১৮ চনত ১৬ নম্বৰ আৰু ২০১৯ চনত ৫ম স্থানত আছিল। ২০২০ চনৰ ‘শীৰ্ষ ৫০ গৰাকী এছীয় চেলিব্ৰিটি’ৰ তালিকাত তেওঁ নৱম স্থান লাভ কৰিছিল। এই সন্দৰ্ভত মঞ্জু চন্দ্ৰনে উল্লেখ কৰিছিল যে, "২০২০ চনত টেলিভিছনৰ গুৰুত্ব বহুখিনি বৃদ্ধি পালে আৰু সৰু পৰ্দাৰ ৰাণী সুৰভিয়ে আধিপত্য বিস্তাৰ কৰিলে। এইগৰাকী প্ৰতিভাশালী অভিনেত্ৰীয়ে বিশ্বজুৰি সকলো প্ৰজন্মৰ দৰ্শকৰ সৈতে এনেদৰে সংযোগ স্থাপন কৰিলে যিটো আন কোনো এছীয় ব্যক্তিয়ে কৰা নাই।"

বাহ্যিক সংযোগ

• সুৰভি চান্দনা সম্পৰ্কে ইণ্টাৰনেট মুভি ডাটাবেছত থকা তথ্য।
• ইনষ্টাগ্ৰামত সুৰভি চান্দনা