সেকুৱা

সেকুৱা

बँदेलको सेकुवा
প্ৰকাৰ	কবাব
প্ৰকাৰ	खाजा
উৎপত্তিৰ স্থান	নেপাল
মুখ্য উপাদান	মাংস (ভেড়া,মহ,কুকুৰা, গাহৰি, ছাগলী)

সেকুৱা নেপালী: सेकुवा হৈছে নেপালীৰ পৰম্পৰাগত খাদ্য য’ত মাংসখিনি মচলাৰ মিশ্ৰণত মেৰিনেট কৰি তাৰ পিছত মুকলি শিখা বা কয়লাৰ জুইৰ শিখাৰ ওপৰত সেকি ধোঁৱাময়, চহকী সোৱাদ দিয়া হয় মাংসখিনি। এই খাদ্য নেপালী খাদ্যৰ এক অপৰিহাৰ্য অংশ আৰু সাধাৰণতে ছাগলী, কুকুৰা, ম'হ বা ভেড়া পোৱালিৰ মাংস সেকা হয় যদিও ইয়াৰ ভিন্নতাত গাহৰিৰ মাংস বা অন্যান্য মাংসও থাকিব পাৰে। প্ৰথমে মাংসখিনি মচলা,পিহি লোৱা আদা-হালধি,দৈ, নেমুৰ ৰস, সৰিয়হৰ তেল, নিমখৰ মিশ্ৰণত মেৰিনেট কৰা হয়। তাৰ পিছত ইয়াক চেপেটা কৰি মুকলি শিখা বা কয়লাৰ ওপৰত গ্ৰীল কৰা হয়, যাৰ ফলত মাংসক এক অনন্য ধোঁৱাময় সোৱাদ আৰু কোমলতা দিয়া হয়।

সমগ্ৰ নেপালত বিশেষকৈ কাঠমাণ্ডু, ধৰণ, তাৰাহৰা আদি চহৰত সেকুৱা বহুলভাৱে জনপ্ৰিয় আৰু পূব নেপালৰ কোশী ৰাজ্যৰ সুনছাৰী জিলাত ইয়াক বিশেষ খাদ্য হিচাপে গণ্য কৰা হয়। এই অঞ্চলত এই ব্যঞ্জনবিধ প্ৰায়ে উৎসৱ উদ্‌যাপন, বা সামাজিক সমাৱেশৰ সময়ত পৰিৱেশন কৰা হয়। এই অঞ্চলসমূহত সেকুৱা হৈছে চিউৰা (পিহি লোৱা চাউল), আচাৰ (মচলা আচাৰ), আৰু কটা পিঁয়াজ, বিলাহী, তিয়ঁহৰ চালাডৰ সৈতে খোৱা এক সাধাৰণ খাদ্য। ইয়াক সাধাৰণতে মদ্যপান, বিশেষকৈ ৰাক্সি বা মদৰ সৈতেও পৰিৱেশন কৰা হয়।

যদিও ইয়াক সাধাৰণতে ভোকনিবাৰক বা মূল খাদ্য হিচাপে পৰিৱেশন কৰা হয়। তথাপি ইয়াক জলপান হিচাপেও খোৱা হয়। সেকুৱাৰ জনপ্ৰিয়তাৰ বাবে সমগ্ৰ নেপালৰ বিভিন্ন স্থানীয় খাদ্যৰ দোকান, পথৰ কাষৰ দোকান, ৰেষ্টুৰেণ্ট আদিত ইয়াক অন্তৰ্ভুক্ত কৰা হৈছে আৰু ই নেপালী খাদ্যৰ এক চিনাকি ব্যঞ্জনত প্ৰতিনিধিত্বত পৰিণত হৈছে।

ব্যৱহৃত মাংসৰ প্ৰকাৰ, মেৰিনেটিং প্ৰক্ৰিয়া আৰু পৰিৱেশনৰ আকাৰৰ ওপৰত নিৰ্ভৰ কৰি সেকুৱাৰ কেলৰিৰ পৰিমাণ বেলেগ বেলেগ হয়। কিন্তু সাধাৰণ ১০০ গ্ৰামৰ পৰিৱেশনত প্ৰায় ২০০–২৫০ কেলৰি থাকে, যাৰ বাবে এয়া এটা সুস্বাদু অথচ মধ্যমীয়া কেলৰিযুক্ত খাদ্য। ইয়াৰ চহকী সোৱাদ থকাৰ পিছতো সেকুৱা প্ৰস্তুত কৰাটো প্ৰাকৃতিক উপাদানৰ সহজ অথচ ফলপ্ৰসূ ব্যৱহাৰৰ ওপৰত ভিত্তি কৰি কৰা হয়। যিয়ে পৰম্পৰাগত নেপালী ৰন্ধনৰ সাৰমৰ্ম প্ৰদৰ্শন কৰে।

বাহ্যিক সংযোগ

• Sekuwa recipe
• Sekuwa in Kathmandu
• Sekuwa Restaurants in Kathmandu Archived 2023-07-08 at the Wayback Machine