সৌন্দৰ্য শৰ্মা

সৌন্দৰ্য শৰ্মা
২০২৩ চনত শৰ্মা
জন্ম	২০ ছেপ্টেম্বৰ, ১৯৯৪ (৩০ বছৰ) নতুন দিল্লী, ভাৰত
পেচা	অভিনেত্ৰী
সক্ৰিয় হৈ থকা সময়	২০১৭–বৰ্তমান

সৌন্দৰ্য শৰ্মা (ইংৰাজী: Soundarya Sharma; জন্ম: ২০ ছেপ্টেম্বৰ ১৯৯৪) এগৰাকী ভাৰতীয় অভিনেত্ৰী। ২০১৭ চনত, তেওঁ ৰোমাণ্টিক নাট্যধৰ্মী ছবি ৰাঞ্চি ডায়েৰীছত অভিনয়েৰে অভিনয় জগতত আত্মপ্ৰকাশ কৰিছিল। ২০২২ চনত, তেওঁ কালাৰছ টিভিৰ ৰিয়েলিটি শ্ব' বিগ বছ ১৬-ত অংশগ্ৰহণ কৰে।

প্ৰাৰম্ভিক জীৱন

১৯৯৪ চনৰ ২০ ছেপ্টেম্বৰ তাৰিখে ভাৰতৰ পূব দিল্লীৰ প্ৰীত বিহাৰত এটি ব্ৰাহ্মণ পৰিয়ালত সৌন্দৰ্য শৰ্মাই জন্মগ্ৰহণ কৰিছিল। পিতৃ নৰেশ শৰ্মা, মাতৃ উষা শৰ্মা, এগৰাকী শিক্ষয়িত্ৰী, ভাতৃ অবিনাশ শৰ্মা আৰু ভগ্নী মোনা শৰ্মাৰ সৈতে এক সহযোগী পৰিয়ালত ডাঙৰ-দীঘল হৈছিল। প্ৰথম বছৰবোৰত সৌন্দৰ্যৰ সংগীতৰ প্ৰতি প্ৰবল আগ্ৰহ আছিল আৰু ভাৰতীয় শাস্ত্ৰীয় সংগীতৰ প্ৰশিক্ষণ লৈছিল। ভ্ৰাম্যমাণৰ প্ৰতিও তেওঁৰ আকৰ্ষণ আছিল, যাৰ বাবে তেওঁ নেচনেল স্কুল অৱ ড্ৰামা আৰু এচিটি ১ থিয়েটাৰ গোট আদিত যোগদান কৰিছিল।^{[উদ্ধৃতিৰ প্ৰয়োজন]}

কৰ্মজীৱন

অনুপম খেৰ আৰু ৰশ্মিন মজিতিয়াৰ দ্বাৰা প্ৰযোজিত ৰাঞ্চি ডায়েৰীছ নামৰ ছবিখনত শৰ্মাই মুখ্য চৰিত্ৰত অভিনয় কৰিছিল। ২০১৭ চনৰ অক্টোবৰ মাহত মুক্তিপ্ৰাপ্ত এই ছবিখনে জি চিনে এৱাৰ্ড আৰু ষ্টাৰ স্ক্ৰীণ এৱাৰ্ডছৰ দ্বাৰা 'শ্ৰেষ্ঠ নৱাগতা অভিনেত্ৰী'ৰ বাবে মনোনীত হৈছিল।^{[উদ্ধৃতিৰ প্ৰয়োজন]} তেওঁ ঝাৰখণ্ড আন্তঃৰাষ্ট্ৰীয় চলচ্চিত্ৰ মহোৎসৱত তেওঁ 'শ্ৰেষ্ঠ অভিষেককাৰী' বঁটা লাভ কৰিছিল।^{[উদ্ধৃতিৰ প্ৰয়োজন]} ২০১৮ চনত, লোকমত ষ্টাইলিছ বঁটাপ্ৰদান অনুষ্ঠানত তেওঁ লোকমত সৰ্বাধিক ষ্টাইলিছ দিভা বঁটা লাভ কৰিছিল। তেওঁ টাইমছ মিউজিকৰ গৰ্মি মেইঁ চিল নামৰ একচেটিয়া মুক্তিৰ অংশ হিচাপেও আছিল।

তেওঁ লি ষ্ট্ৰাছবাৰ্গ থিয়েটাৰ এণ্ড ফিল্ম ইনষ্টিটিউটৰ এখন কৰ্মশালাত অংশগ্ৰহণ কৰিছিল আৰু নিউয়ৰ্ক ফিল্ম একাডেমীৰ পৰা চুটি অভিনয়ৰ পাঠ্যক্ৰম কৰিছিল। ২০২২ চনত, এমএক্স প্লেয়াৰৰ ক্ৰাইম ৱেব ছিৰিজ ৰক্তাঞ্চল ২ত ৰলিৰ চৰিত্ৰত তেওঁক অভিনয় কৰা দেখা গৈছিল। তেওঁক কালাৰ্ছ টিভিৰ ৰিয়েলিটি শ্ব' বিগ বছ ১৬-তো দেখা গৈছিল। ১১২ নং দিনত তেওঁক শ্বʼৰ পৰা বাহিৰ কৰা হয়। শ্বʼখনত তেওঁ ৯ম স্থান দখল কৰিছিল।

চলচ্চিত্ৰপুঞ্জী

চলচ্চিত্ৰ

বৰ্ষ	শিৰোনাম	ভূমিকা	টোকা	তথ্য.
২০১৭	ৰাঞ্চি ডায়েৰীছ	গুড়িয়া
২০২২	থেংক গড	তনয়া	কেমিঅ’
২০২৫	হাউজফুল ৫	ঘোষণা হ’ব

টেলিভিছন

বৰ্ষ	শিৰোনাম	ভূমিকা	টোকা	তথ্য.
২০২২–২০২৩	বিগ বছ ১৬	প্ৰতিযোগী	নৱম স্থান
২০২২	ৰক্তাঞ্চল ২	ৰলি
	কাণ্ট্ৰী মাফিয়া	নান্নু
	কৰ্ম যুদ্ধ	পায়েল ৰাণা

মিউজিক ভিডিঅ'

বৰ্ষ	শিৰোনাম	কণ্ঠশিল্পী(সকল)	তথ্য.
২০২১	"মস্ত বৰসাত"	ছাজিদ খান, দনিছ চাবৰি
২০২২	"বম্ব হায়"	ৰাকা
২০২৩	"বড়ে দিন সে"	মুস্কান, আলতামাছ ফৰিদি
	"খুবসুৰত"	নেহা কক্কৰ, ৰাঘৱ চৈতন্য

বঁটা আৰু মনোনয়ন

বৰ্ষ	পুৰস্কাৰ	শিতান	কাম	ফলাফল	তথ্য.
২০১৮	জি চিনে বঁটা	শ্ৰেষ্ঠ নৱাগতা অভিনেত্ৰী	ৰাঞ্চি ডায়েৰীছ	মনোনীত
	ষ্টাৰ স্ক্ৰীণ এৱাৰ্ড	শ্ৰেষ্ঠ নৱাগতা অভিনেত্ৰী		মনোনীত
	ঝাৰখণ্ড আন্তঃৰাষ্ট্ৰীয় চলচ্চিত্ৰ মহোৎসৱ	শ্ৰেষ্ঠ নৱাগতা		বিজয়ী
	লোকমত ষ্টাইলিছ বঁটা	অধিকাংশ ষ্টাইলিছ ডিভা	প্ৰযোজ্য নহয়	বিজয়ী

লগতে চাওক

• ভাৰতীয় চলচ্চিত্ৰৰ অভিনেত্ৰীসকলৰ তালিকা

বাহ্যিক সংযোগ

• সৌন্দৰ্য শৰ্মা সম্পৰ্কে ইণ্টাৰনেট মুভি ডাটাবেছত থকা তথ্য।