স্নেটা ফাৰ্মান গলিয়াথ বিমান দুৰ্ঘটনা
 A Farman Goliath, similar to the accident aircraft | |
| দুৰ্ঘটনাৰ সাৰাংশ | |
|---|---|
| তাৰিখ | আগষ্ট ২৬, ১৯২১ |
| স্থান | ফ্ৰান্স উপকুলৰ ইংলিছ ছেনেল 51°3′0″N 2°3′0″E / 51.05°N 2.05°Eস্থানাংক: 51°3′0″N 2°3′0″E / 51.05°N 2.05°E |
| কৰ্মচাৰীৰ সংখ্যা | 2 |
| বিমানৰ ধৰণ | ফাৰমান এফ ৬০ গলিয়াথ |
| পৰিচালক | স্নেটা (SNETA) |
| পঞ্জীয়ন | O-BLAN |
| যাত্ৰাৰ আৰম্ভনি | যুক্তৰাজ্যৰ ক্ৰয়ডন বিমানবন্দৰ |
| লক্ষ্যস্থান | বেলজিয়ামৰ ব্ৰাছেলছ-এভাৰ বিমানবন্দৰ |
১৯২১ চনৰ ২৬ আগষ্টত চিণ্ডিকেট নেচনেল ডি এটুড ডেচট্ৰান্সপ'ৰ্টছ এৰিয়ানছৰ ফাৰ্মান এফ.৬০ গলিয়াথ বিমান এখনে বেলজিয়ামৰ উপকূলৰ উত্তৰ সাগৰত পতিত হৈছিল। এই বিমানখন যুক্তৰাজ্যৰ ক্ৰয়ডন বিমানবন্দৰৰ পৰা বেলজিয়ামৰ ব্ৰাছেলছ-এভাৰ বিমানবন্দৰৰ মাজত মেইল ফ্লাইট হিচাপে কাৰ্যক্ষম হৈ আছিল। পিছত বিমানখন উদ্ধাৰ কৰি মেৰামতি কৰি পুনৰ সেৱাত যোগদান কৰা হয়।
বিমান আৰু পৰিচাৰক
[সম্পাদনা কৰক]দুৰ্ঘটনাগ্ৰস্ত বিমানখন আছিল ফাৰ্মান এফ.৬০ গলিয়াথ অ'-ব্লেন, msn 7248/17।[1] এই দলটোত আছিল ফ্ৰান্সৰ বায়ুসেনাৰ এজন বিমানচালক পাইলট পল ডেলচেন আৰু মেকানিক ৰেমণ্ড ৰাইকাৰছ।[2]
দুৰ্ঘটনা
[সম্পাদনা কৰক]চিণ্ডিকেট নেশ্যনেল ডি এটুড ডেছ ট্ৰেন্সপ’ৰ্টছ এৰিয়েন্স (SNETA)ৰ দ্বাৰা পৰিচালিত এই বিমানখনে যুক্তৰাজ্যৰ ক্ৰয়ডন বিমানবন্দৰৰ পৰা বেলজিয়ামৰ ব্ৰাছেলছ-এভাৰ বিমানবন্দৰলৈ মেইল বিমান চলাই আছিল। ক্ৰয়ডনৰ পৰা ১২:২৫ বজাত ৰাওনা হৈছিল। এজন সাক্ষী জেণ্ডাৰমে ১৩:৩২ বজাত “বিস্ফোৰণ” শুনিছিল আৰু ফ্ৰান্সৰ কেলেছৰ পৰা ৩ নটিকেল মাইল (৫.৬ কিলোমিটাৰ) দূৰত্বত ইংলিছ ছেনেলত বিমানখন নামি অহাৰ আগতে বিমানখনৰ গাঁথনি ভাঙি যোৱা দেখিছিল বুলি জনাইছে। টেলিগ্ৰাফৰ জৰিয়তে জেণ্ডাৰমে কেলেছক এই দুৰ্ঘটনাৰ খবৰ দিয়ে। এই প্ৰতিবেদন ব’ল’ন আৰু গ্ৰেভলাইনছৰ জেণ্ডাৰমেৰীলৈ প্ৰেৰণ কৰা হয়। বিমানখন বিচাৰিবলৈ বিভিন্ন মাছ ধৰা নাও, ইয়ট আৰু চাবমেৰিন প্ৰেৰণ কৰা হৈছিল। উপকূলৰ পৰা ৩ নটিকেল মাইল (৫.৬ কিলোমিটাৰ) দূৰত্বত অৱস্থিত এই ধ্বংসাৱশেষ। এই দুৰ্ঘটনাটোৰ সাক্ষী হৈছিল মটৰ বোটত থকা হাৰ্বাৰ্ট চুলিভানে। তেওঁ ৰেডিঅ’গ্ৰাম প্ৰেৰণ কৰি দুৰ্ঘটনাৰ খবৰ দিয়ে। চুলিভানে এটা মেইলৰ বেগ উদ্ধাৰ কৰে, তাৰ পিছত ইয়াক ব্ৰাছেলছৰ কৰ্তৃপক্ষলৈ প্ৰেৰণ কৰা হয়। দক্ষিণ-পূব আৰু চাথাম ৰেলৱেৰ জাহাজ মেইড অৱ অৰলিন্সে ৰেডিঅ’গ্ৰামটো লাভ কৰি লণ্ডনৰ সাধাৰণ ডাকঘৰলৈ প্ৰেৰণ কৰে। পিছলৈ ভাপ জাহাজ ট্ৰেগেনাই বিমানখনৰ ধ্বংসাৱশেষ বেলজিয়ামৰ উপকূলৰ ওচৰত (৫১°০৩′উত্তৰ ২°০৩′পূব) দেখা বুলি জনাইছিল।[3] পাইলট আৰু মেকানিক দুয়োজন আৰোহীয়েই নিৰুদ্দেশ হোৱাৰ খবৰ পোৱা গৈছে।[4] এই দুৰ্ঘটনাটোৱেই আছিল অসামৰিক সেৱাত জড়িত ফাৰ্মান গলিয়াথৰ প্ৰথম দুৰ্ঘটনা।[5]
তথ্যসূত্ৰ
[সম্পাদনা কৰক]- ↑ "O-BLAN accident description". Aviation Safety Network. http://aviation-safety.net/database/record.php?id=19210826-0। আহৰণ কৰা হৈছে: 3 September 2015.
- ↑ "Crash of a Farman F.60 Goliath off Calais: 2 killed | Bureau of Aircraft Accidents Archives". https://www.baaa-acro.com/crash/crash-farman-f60-goliath-calais-2-killed.
- ↑ "Wreck of an Air Mail". The Times (London) (42810): col F, p. 9. 27 August 1921.
- ↑ "Lost Air Mail". The Times (London) (48211): col E, p. 9. 29 August 1921.
- ↑ "Accident list: Farman F.60 Goliath". Aviation Safety Network. http://aviation-safety.net/database/types/Farman-F-60-Goliath/database। আহৰণ কৰা হৈছে: 3 September 2015.