হজ আৰু উমৰাৰ মন্ত্ৰালয়
হজ আৰু উমৰাৰ মন্ত্ৰালয় ( Ministry of Hajj and Umrah চমুকৈ, MHU) (আৰবী: وزارة الحج والعمرة) হৈছে ছৌদি আৰৱৰ এটা চৰকাৰী মন্ত্ৰালয় যিয়ে হজ আৰু উমৰাৰ উদ্দেশ্যে দেশত উপস্থিত হোৱা তীৰ্থযাত্ৰীসকলৰ বাবে অত্যাৱশ্যকীয় সেৱাসমূহৰ সুবিধা প্ৰদানৰ তদাৰক কৰাৰ লগতে তেওঁলোকৰ নিৰাপদ পৰিবহণ আৰু পবিত্ৰ চহৰ মক্কা আৰু মদিনালৈ যোৱাৰ তদাৰক কৰা আদি কাম কৰে।[1]
| হজ আৰু উমৰা মন্ত্ৰালয় | |
|---|---|
| ধৰণ | চৰকাৰী |
| উদ্দেশ্য | হজ যাত্ৰী |
| প্ৰধান কাৰ্যালয় | চৌদি আৰৱ , মক্কা |
| আনুষ্ঠানিক ভাষা | আৰৱী ভাষা |
| ৱেবছাইট | https://www.haj.gov.sa/en |
ই মূলতঃ হজ আৰু উমৰা অভিযানৰ বাবে কাম কৰা বিভিন্ন খণ্ডৰ মাজত সমন্বয়ৰ লগতে মুছলমান দেশ আৰু বিশ্বজুৰি বিভিন্ন হজ সম্পৰ্কীয় সংস্থাৰ মাজত সমন্বয় সাধন কৰে।[2]তদুপৰি পবিত্ৰ মছজিদ দুটাৰ হজযাত্ৰী আৰু দৰ্শনাৰ্থীসকলক প্ৰদান কৰা সেৱাসমূহৰ পৰিকল্পনা প্ৰস্তুত কাৰ্যকৰী আৰু তদাৰক কৰাৰ দায়িত্ব মন্ত্ৰালয়ৰ।[3] মুছলমানসকলে হজ আৰু উমৰাহ কৰা মক্কা আৰু মদিনা চহৰ দুয়োখনেই চৌদি আৰৱৰ অধীনলৈ আহে। শেহতীয়াকৈ মন্ত্ৰালয়ে উমৰা দৰ্শনাৰ্থী আৰু তীৰ্থযাত্ৰীৰ বাবে ই-ভিছা প্ৰদানৰ বাবে আবেদন আৰম্ভ কৰিছে। হজ আৰু উমৰাহৰ মন্ত্ৰী হৈছে ২০২১ চনত ড° ইছাম বিন ছাদ বিন ছাইদৰ উত্তৰাধিকাৰী তৌফিগ আল-ৰবিয়া।[4]
কৌশলগত পদক্ষেপ
[সম্পাদনা কৰক]২০৩০ চনৰ দৃষ্টিভংগীৰ কৌশলগত লক্ষ্য আৰু লক্ষ্যত উপনীত হ’বলৈ হজ আৰু উমৰা মন্ত্ৰালয়ে কেইবাটাও কৌশলগত পদক্ষেপ গ্ৰহণ কৰে। এই পদক্ষেপসমূহৰ ভিতৰত আছে সমবায় চৰকাৰী সংস্থাসমূহৰ বাবে এটা নিয়ন্ত্ৰণ পেনেল প্ৰদান কৰিবলৈ হজ আৰু উমৰা মন্ত্ৰালয়ত ইলেক্ট্ৰনিক নিয়ন্ত্ৰণ কেন্দ্ৰ আৰু ব্যৱস্থা স্থাপন কৰা। আন এটা পদক্ষেপ হৈছে হজ তীৰ্থযাত্ৰীসকলৰ ই-ব্ৰেচলেট কাৰ্যসূচী প্ৰৱৰ্তন কৰা যিয়ে তীৰ্থযাত্ৰীসকলৰ তথ্য সংৰক্ষণ কৰে আৰু তেওঁলোকক প্ৰয়োজনীয় সহায় প্ৰদান কৰাত সহায় কৰে। ২০১৯ চনত ৪১ লাখতকৈ অধিক ভিছা প্ৰদান কৰা উমৰা আৰু হজৰ ক্ষমতাও বৃদ্ধি কৰিছে মন্ত্ৰালয়ে। ২০২০ চনৰ জুন মাহত কৰ’না মহামাৰীৰ পাছত হজ আৰু উমৰা মন্ত্ৰালয়ে তীৰ্থযাত্ৰীৰ সংখ্যা ১০ হাজাৰলৈ সীমিত কৰাৰ কথা ঘোষণা কৰিছিল। ইয়াত উল্লেখ কৰা হৈছে যে “মানুহক সুৰক্ষা দিবলৈ সকলো প্ৰতিৰোধমূলক ব্যৱস্থা আৰু প্ৰয়োজনীয় সামাজিক দূৰত্বৰ প্ৰট’কলসমূহ পালন কৰি জনস্বাস্থ্যৰ দৃষ্টিকোণৰ পৰা হজ সম্পন্ন কৰাটো নিশ্চিত কৰিবলৈ এই সিদ্ধান্ত মন্ত্ৰালয়ে এক বিবৃতিত কৰে।
গ্ৰেণ্ড হজ চিম্পোজিয়াম
[সম্পাদনা কৰক]গ্ৰেণ্ড হজ চিম্পোজিয়াম হৈছে বছৰি মক্কাত হজৰ বতৰত অনুষ্ঠিত হোৱা সাংস্কৃতিক আৰু বৈজ্ঞানিক সভা। ইছলামিক বিশ্বৰ পণ্ডিত, চিন্তাবিদ, বুদ্ধিজীৱী, আৰু সাহিত্যিকসকলৰ অংশগ্ৰহণেৰে হজ আৰু উমৰা মন্ত্ৰালয়ৰ উদ্যোগত এই আলোচনা চক্ৰৰ আয়োজন কৰা হৈছে।
তথ্য উৎস
[সম্পাদনা কৰক]- ↑ saudipedia.com Ministry of Hajj and Umrah - Saudipedia Saudi Arabia, Mecca
- ↑ Hajj and Umrah Pilgrimage Government of Saudi Arabia
- ↑ https://www.hajinformation.com/
- ↑ Hajj pilgrimage Ministry of Saudi Arabia 1947 ETD