হিতেন্দ্ৰ নাথ গোস্বামী
হিতেন্দ্ৰ নাথ গোস্বামী | |
|---|---|
 | |
| অসম বিধানসভাৰ অধ্যক্ষ | |
| কাৰ্যকাল ৩০ জানুৱাৰী ২০১৭ – ২০ মে ২০২১ | |
| পূৰ্বসূৰী | ৰঞ্জিত কুমাৰ দাস |
| অসম বিধানসভাৰ সদস্য | |
পদাধিকাৰ | |
| কাৰ্যভাৰ গ্ৰহণ মে ২০১৬ | |
| পূৰ্বসূৰী | ৰাণা গোস্বামী |
| সমষ্টি | যোৰহাট বিধানসভা সমষ্টি |
| ব্যক্তিগত তথ্য | |
| জন্ম | ০১ জানুৱাৰী, ১৯৫৯ (৬৫ বছৰ) যোৰহাট, অসম, ভাৰত |
| ৰাষ্ট্ৰীয়তা | ভাৰতীয় |
| ৰাজনৈতিক দল | ভাৰতীয় জনতা পাৰ্টি (২০১৪–বৰ্তমান) |
| আন ৰাজনৈতিক সম্পৰ্ক |
অসম গণ পৰিষদ (১৯৯১–২০১৩) |
| দাম্পত্যসঙ্গী | মালবিকা গোস্বামী |
| সমন্ধ | জিতেন্দ্ৰনাথ গোস্বামী (ভাতৃ) |
| পিতৃ-মাতৃ | শ্ৰীনাথ দেৱ মধুমিশ্ৰ সত্ৰাধিকাৰ গোস্বামী (পিতৃ) ৰম্ভা গোস্বামী (মাতৃ) |
| বাসস্থান | যোৰহাট |
| শিক্ষানুষ্ঠান | চেইণ্ট এডমাণ্ডছ কলেজ, শ্বিলং গুৱাহাটী বিশ্ববিদ্যালয় |
| পেচা | ৰাজনীতিবিদ |
হিতেন্দ্ৰ নাথ গোস্বামী (জন্ম: ১ জানুৱাৰী, ১৯৫৯) এজন ভাৰতীয় ৰাজনৈতিক নেতা আৰু অসম বিধানসভাৰ প্ৰাক্তন অধ্যক্ষ। ২০১৪ চনৰ ১০ মাৰ্চ তাৰিখে তেওঁ নতুন দিল্লীত ভাৰতীয় জনতা পাৰ্টিত যোগদান কৰিছিল। ইয়াৰ আগতে তেওঁ অসম গণ পৰিষদৰ সদস্য আছিল। ২০১৩ চনৰ ১৬ ফেব্ৰুৱাৰীত তেওঁ অসম গণ পৰিষদৰ সদস্য পদ এৰিছিল।[1][2] ১৯৯১ চনত পোন প্ৰথমবাৰৰ বাবে তেওঁ অসম গণ পৰিষদৰ প্ৰাৰ্থী হিচাপে যোৰহাট বিধানসভা সমষ্টিৰ পৰা অসম বিধানসভালৈ নিৰ্বাচিত হৈছিল। ১৯৯৬ আৰু ২০০১ চনৰ বিধানসভা নিৰ্বাচনত তেওঁ আকৌ যোৰহাট সমষ্টিক অসম বিধানসভাত প্ৰতিনিধিত্ব কৰিছিল। ২০০৬ আৰু ২০১১ চনৰ বিধানসভা নিৰ্বাচনত তেওঁ ভাৰতীয় জাতীয় কংগ্ৰেছৰ প্ৰাৰ্থী ৰাণা গোস্বামীৰ হাতত পৰাজয় বৰণ কৰে। ২০১৬ আৰু ২০২১ চনৰ বিধানসভা নিৰ্বাচনত তেওঁ ভাৰতীয় জনতা পাৰ্টিৰ প্ৰাৰ্থী হিচাপে পুনৰাই যোৰহাট সমষ্টিৰ পৰা জয়ী হয়। ২০১৭ চনৰ ৩০ জানুৱাৰী তাৰিখে তেওঁ অসম বিধানসভাৰ অধ্যক্ষ নিৰ্বাচিত হৈছিল।
প্ৰাৰম্ভিক জীৱন আৰু শিক্ষা
[সম্পাদনা কৰক]হিতেন্দ্ৰ নাথ গোস্বামী প্ৰয়াত শ্ৰীনাথ দেৱ মধুমিশ্ৰ সত্ৰাধিকাৰ গোস্বামী আৰু প্ৰয়াত ৰম্ভা গোস্বামীৰ পুত্ৰ। তেওঁৰ পিতৃ কলিকতা বিশ্ববিদ্যালয়ৰ সোণৰ পদক বিজয়ী আৰু তিনিখন শিক্ষানুষ্ঠানৰ প্ৰতিষ্ঠাপক আছিল যথা –ক) শিৱসাগৰ জিলাৰ দীপলিং উচ্চতৰ মাধ্যমিক বিদ্যালয় খ) গোলাঘাট জিলাৰ ঢেকীয়াল উচ্চতৰ মাধ্যমিক বিদ্যালয় আৰু গ) যোৰহাট জিলাৰ বৰভেটা প্ৰাথমিক আৰু হাইস্কুল। ১৯৫৯ চনৰ ১ জানুৱাৰীত জন্মগ্ৰহণ কৰা হিতেন গোস্বামীয়ে বৰভেটাত পিতৃয়ে স্থাপন কৰা বিদ্যালয়ত স্কুলীয়া শিক্ষা আৰম্ভ কৰি যোৰহাট ল’ৰাৰ উচ্চতৰ মাধ্যমিক আৰু বহুমুখী বিদ্যালয়লৈ হাইস্কুল পৰ্যায়ৰ বাবে স্থানান্তৰিত হয়। । ১৯৭৬ চনত যোৰহাটৰ জগন্নাথ বৰুৱা মহাবিদ্যালয়ৰ পৰা উচ্চতৰ মাধ্যমিকত উৎকৃষ্টতাৰে উত্তীৰ্ণ হৈ স্নাতক ডিগ্ৰী লাভৰ বাবে শ্বিলঙৰ ছেইণ্ট এডমাণ্ডছ কলেজত নামভৰ্তি কৰে। একে সময়তে তেওঁ North East Region Student Union (যিটো পিছলৈ উত্তৰ-পূব অঞ্চলৰ ছাত্ৰ সন্থা, NESO হৈ পৰিছিল) আৰম্ভ কৰিছিল। অসম আন্দোলনত তেওঁ সক্ৰিয় ভূমিকা পালন কৰিছিল আৰু ভাৰতীয় সেনাৰ অবৈধ অনুপ্ৰৱেশ আৰু স্থানীয় জনসাধাৰণৰ ওপৰত কৰা অত্যাচাৰৰ বিৰুদ্ধে আন্দোলনমূলক কাৰ্যকলাপৰ বাবে তেওঁক গ্ৰেপ্তাৰ কৰি N.S.A ৰ অধীনত শিলচৰ কাৰাগাৰ আৰু তিহাৰ কাৰাগাৰলৈ প্ৰেৰণ কৰা হৈছিল। তেওঁ কেইটামান শৈক্ষিক বৰ্ষ হেৰুৱাইছিল যদিও অপৰিসীম সাহস আৰু দৃঢ়তাৰে গৌহাটী বিশ্ববিদ্যালয়ৰ পৰা প্ৰথম শ্ৰেণীৰ সৈতে ৰসায়ন বিজ্ঞানত স্নাতক আৰু স্নাতকোত্তৰ ডিগ্ৰী(১৯৮৫) লাভ কৰে।[3] অসম আন্দোলনৰ সময়ত আইনৰ অতিমাত্ৰা (স্বেচ্ছাচাৰী গ্ৰেপ্তাৰৰ ব্যৱহাৰ, অবৈধভাৱে আটক কৰা আৰু প্ৰতিবাদকাৰীক অত্যাচাৰ কৰা)[4] দেখি আৰু শক্তিহীনসকলক ৰক্ষা কৰাৰ প্ৰয়োজনীয়তা অনুভৱ কৰি তেওঁ গুৱাহাটী বিশ্ববিদ্যালয়ৰ পৰা এল.এল.বি. ডিগ্ৰী লাভ কৰি ১৯৮৭ চনত স্নাতক ডিগ্ৰী লাভ কৰি গৌহাটী উচ্চ ন্যায়ালয়ত কাম আৰম্ভ কৰে । কম সময়ৰ ভিতৰতে তেওঁ এজন অধিবক্তা হিচাপে সন্মান লাভ কৰিছিল। মালবিকা গোস্বামীৰ সৈতে বিবাহপাশত আবদ্ধ হোৱা গোস্বামীৰ এগৰাকী কন্যা(চন্দ্ৰায়ী) সন্তান আছে। চন্দ্ৰায়ী বৰ্তমান মিৰান্দা হাউচত (দিল্লী বিশ্ববিদ্যালয়) স্নাতক পৰ্যায়ত অধ্যয়ন কৰি আছে। সততা আৰু মানৱীয়তাৰে সমাজৰ প্ৰতি দায়বদ্ধতাৰ মনোভাৱ আছিল তেওঁলোকৰ এক পাৰিবাৰিক পৰম্পৰা আৰু তেওঁৰ সকলো ভাতৃ- ভগ্নীয়ে নিজৰ প্ৰতিটো কাৰ্যকলাপৰ ক্ষেত্ৰত পাৰদৰ্শিতা দেখুৱাইছিল।
১/ দৰ্শন বিষয়ত স্নাতকোত্তৰ ডিগ্ৰীধাৰী আৰু গুৱাহাটী বিশ্ববিদ্যালয়ৰ পদাৰ্থ বিজ্ঞানৰ অৱসৰপ্ৰাপ্ত অধ্যাপিকা ড° ত্ৰিলোচন দেৱ গোস্বামীৰ সৈতে বিবাহপাশত আবদ্ধ হোৱা প্ৰয়াত প্ৰতীমা গোস্বামী (ভগ্নী)।
২/ ডাঃ দীপেন্দ্ৰ নাথ গোস্বামী (ভাতৃ) এজন অভিযন্তা আৰু পৰামৰ্শদাতা আৰু আমেৰিকাত বসতি স্থাপন কৰি আছে ।
৩/ ডাঃ নৃপেন্দ্ৰ নাথ গোস্বামী (ভাতৃ) ১৯৭৯ চনৰ পৰা যোৰহাটৰ এজন সন্মানীয় ব্যক্তিগত চিকিৎসক।
৪) ড° জিতেন্দ্ৰ নাথ গোস্বামী (ভাতৃ) "ভাৰতৰ চন্দ্ৰ মানৱ" নামেৰে পৰিচিত এজন মহাকাশ বিজ্ঞানী।[5][6] তেওঁ ভাৰতৰ চন্দ্ৰ অভিযানৰ প্ৰধান বিজ্ঞানী আছিল আৰু ফ'ল'-আপ অভিযান,চন্দ্ৰযান-২ৰ বাবে উপদেষ্টা মণ্ডলীৰ অধ্যক্ষ আছিল।
৫) প্ৰতিভা গোস্বামী (ভগ্নী)ৰ বিবাহ হৈছে উত্তৰ-পূব বিজ্ঞান আৰু প্ৰযুক্তিবিদ্যা প্ৰতিষ্ঠান,যোৰহাট (NEIST)(পূৰ্বতে R.R.L.,যোৰহাট নামেৰে পৰিচিত) ৰ অৱসৰপ্ৰাপ্ত বিজ্ঞানী ড° বীৰেন্দ্ৰ নাথ গোস্বামীৰ সৈতে।
৬) সীতেন্দ্ৰ নাথ গোস্বামী(ভাতৃ) , সংস্কৃতৰ স্নাতকোত্তৰ ডিগ্ৰীধাৰী, ভাৰতীয় ষ্টেট বেংকৰ অৱসৰপ্ৰাপ্ত জ্যেষ্ঠ ব্যৱস্থাপনা স্তৰৰ বিষয়া।
৭) নৃতেন্দ্ৰ নাথ গোস্বামী(ভাতৃ) ইউকো বেংকত এক উচ্চ পদত কাম কৰি আছে।
তথ্য উৎস
[সম্পাদনা কৰক]- ↑ Sen, Saibal (10 March 2014). "Two AGP leaders join BJP, Gorkha Janmukti Morcha pledges support in West Bengal". The Times of India. Times News Network (New Delhi). http://timesofindia.indiatimes.com/india/Two-AGP-leaders-join-BJP-Gorkha-Janmukti-Morcha-pledges-support-in-West-Bengal/articleshow/31777522.cms। আহৰণ কৰা হৈছে: 10 March 2014.
- ↑ "The Assam Tribune Online". www.assamtribune.com. Archived from the original on 2016-03-04. https://web.archive.org/web/20160304053533/http://www.assamtribune.com/scripts/detailsnew.asp?id=feb1714/at094। আহৰণ কৰা হৈছে: 2016-03-14.
- ↑ "Gauhati University". www.gauhati.ac.in. Archived from the original on 2015-08-10. https://web.archive.org/web/20150810042834/http://www.gauhati.ac.in/। আহৰণ কৰা হৈছে: 2016-03-14.
- ↑ Administrator, HRLN. "Rugged Road To Justice, A Social Audit Of State Human Rights Commissions In India, Volume-II". www.hrln.org. Archived from the original on 2016-03-14. https://web.archive.org/web/20160314171846/http://www.hrln.org/hrln/reproductive-rights/laws-in-place/1450.html। আহৰণ কৰা হৈছে: 2016-03-14.
- ↑ Pieters, C. M.; Goswami, J. N.; Clark, R. N.; Annadurai, M.; Boardman, J.; Buratti, B.; Combe, J.-P.; Dyar, M. D. et al. (2009-10-01). "Character and Spatial Distribution of OH/H2O on the Surface of the Moon Seen by M3 on Chandrayaan-1". Science খণ্ড 326: 568–72. doi:10.1126/science.1178658. ISSN 0036-8075. PMID 19779151.
- ↑ "J.N. Goswami is the principal scientist of Indias moon mission". indiatoday.intoday.in. http://indiatoday.intoday.in/story/indian-scientists-at-forefront-of-research-j.n.-goswami/1/150695.html। আহৰণ কৰা হৈছে: 2016-03-19.