২০২৬ চনৰ পুৰুষৰ টি-২০ বিশ্বকাপ

২০২৬ চনৰ আইচিচি পুৰুষ টি–২০ বিশ্বকাপ
দিনাংক	৭ ফেব্ৰুৱাৰী – ৮ মাৰ্চ ২০২৬
প্ৰশাসক(সমূহ)	আন্তৰ্জাতিক ক্ৰিকেট পৰিষদ
ধৰণ	টি–২০ আন্তঃৰাষ্ট্ৰীয়
প্ৰতিযোগিতাৰ ধৰণ(সমূহ)	গ্ৰুপ পৰ্যায়, চুপাৰ ৮ আৰু নকআউট পৰ্যায়
আয়োজক(সমূহ)	ভাৰত শ্ৰীলংকা
দলৰ সংখ্যা	২০
মুঠ খেলৰ সংখ্যা	৫৫
আনুষ্ঠানিক ৱেবছাইট	icc-cricket.com
← ২০২৪ ২০২৮ →

২০২৬ আইচিচি পুৰুষ টি–২০ বিশ্বকাপ হৈছে আইচিচি পুৰুষ টি–২০ বিশ্বকাপৰ দশম সংস্কৰণ। এই প্ৰতিযোগিতাখন ভাৰতীয় ক্ৰিকেট নিয়ন্ত্ৰণ ব’ৰ্ড আৰু শ্ৰীলংকা ক্ৰিকেটৰ যৌথ আয়োজনত ৭ ফেব্ৰুৱাৰীৰ পৰা ৮ মাৰ্চ ২০২৬লৈ অনুষ্ঠিত হ’ব। ইয়াৰ পূৰ্বে শ্ৰীলংকাই ২০১২ চনত আৰু ভাৰতে ২০১৬ চনত এই প্ৰতিযোগিতাৰ আয়োজন কৰিছিল। ভাৰতৰ পাঁচটা স্থান আৰু শ্ৰীলংকাৰ তিনিটা স্থানত মুঠ ৫৫খন খেল অনুষ্ঠিত হ’ব, য’ত ২০টা দলে অংশগ্ৰহণ কৰিব।

এই প্ৰতিযোগিতাত অংশগ্ৰহণকাৰী দলৰ সংখ্যা ২০টা থাকিব। ইয়াত আয়োজক দুয়োখন দেশৰ দল, ২০২৪ সংস্কৰণৰ শীৰ্ষ সাতটা দল, ইতিমধ্যে যোগ্যতা অৰ্জন নকৰা আইচিচি পুৰুষ টি–২০আই দল ৰেংকিঙৰ শীৰ্ষ তিনিটা দল, আৰু আঞ্চলিক যোগ্যতা প্ৰতিযোগিতাৰ জৰিয়তে নিৰ্ধাৰিত আন আঠটা দল অন্তৰ্ভুক্ত থাকিব। ইটালীয়ে প্ৰথমবাৰৰ বাবে পুৰুষ টি–২০ বিশ্বকাপলৈ যোগ্যতা অৰ্জন কৰিছে।

ভাৰত হৈছে বৰ্তমানৰ চেম্পিয়ন দল, যিয়ে পূৰ্বৱৰ্তী সংস্কৰণত খিতাপ জয় কৰিছিল।

বিন্যাস

২০টা যোগ্যতা অৰ্জনকাৰী দলক পাঁচজনীয়া চাৰিটা গ্ৰুপত ভাগ কৰা হ’ব, প্ৰতিটো গ্ৰুপৰ পৰা শীৰ্ষ দুটা দলে ছুপাৰ ৮ ৰাউণ্ডলৈ আগবাঢ়িব। এই ৰাউণ্ডত বাকী থকা দলসমূহক চাৰিজনীয়া দুটা গ্ৰুপত ভাগ কৰা হ’ব; প্ৰতিটো গ্ৰুপৰ শীৰ্ষ দুটা দলে নকআউট ৰাউণ্ডৰ বাবে যোগ্যতা অৰ্জন কৰিব, য’ত দুখন ছেমি ফাইনেল আৰু এখন ফাইনেল অনুষ্ঠিত হ’ব।

গ্ৰুপ পৰ্যায়

গ্ৰুপ এ	গ্ৰুপ বি	গ্ৰুপ ছি	গ্ৰুপ ডি
ভাৰত পাকিস্তান আমেৰিকা যুক্তৰাষ্ট্ৰ নেদাৰলেণ্ড নামিবিয়া	অষ্ট্ৰেলিয়া শ্ৰীলংকা আয়াৰলেণ্ড জিম্বাৱৱে ওমান	ইংলেণ্ড ৱেষ্ট ইণ্ডিজ বাংলাদেশ নেপাল ইটালী	নিউজিলেণ্ড দক্ষিণ আফ্ৰিকা আফগানিস্তান কানাডা সংযুক্ত আৰৱ আমিৰাত