২০ জানুৱাৰী

অসমীয়া ৱিকিপিডিয়াৰ পৰা
Jump to navigation Jump to search

২০ জানুৱাৰী (ইংৰাজী20 January) দিনটো গ্ৰেগৰিয়ান বৰ্ষপঞ্জী অনুসাৰে বছৰৰ ২০ তম দিন। বছৰটো শেষ হ’বলৈ এই দিনৰ পৰা মুঠ ৩৪৫টা দিন (অধিবৰ্ষত ৩৪৬টা দিন) বাকী থাকে। এইদিনটোত ঘটা কেইটামান উল্লেখযোগ্য ঘটনা -

ঘটনাৰাজী[সম্পাদনা কৰক]

  1. কবি, গীতিকাৰ আৰু শিক্ষাবিদ, সাহিত্যিক পেঞ্চনাৰ কেশৱ মহন্তই জন্ম লাভ কৰিছিল ১৯২৬ চনৰ আজিৰ দিনটোতে।
  2. বিশিষ্ট কবি, নাট্যকাৰ, সাহিত্যিক, প্ৰধানকৈ বিদ্ৰোহী কবি নামেৰে খ্যাত প্ৰসন্নলাল চৌধুৰীৰ দেহাৱসান ঘটে ১৯৮৬ চনৰ আজিৰ তাৰিখতে।
  3. ১৯৭৮ চনৰ আজিৰ দিনটোতে ককা বাগ্মীবৰ নীলমণি ফুকনক মৃত্যুৱে সাৱতি লয়।
  4. ১৮৭৯ চনৰ ২০ জানুৱাৰী। এই দিনটোতে পৃথিৱীৰ প্ৰথম পোহৰ দেখিছিল বিহগী কবি ৰঘুনাথ চৌধাৰী দেৱে।
  5. শ্ৰী শ্ৰী আঠখেলীয়া নামঘৰ। এই নামঘৰটো আঠখেলৰ ৰাইজ, অসম চৰকাৰ, দেশৰ বিভিন্ন স্থানৰ ৰাইজৰ দান-বৰঙনিৰে পুনঃ নিৰ্মাণ কৰি, গোলাঘাট পৌৰসভাৰ পৌৰপতি ডাঃ অজিত বৰুৱা দেৱৰ দ্বাৰা উদ্বোধন কৰা হয় ২০১৩ চনৰ আজিৰ দিনটোতে।
  6. ভাৰতৰ প্ৰথম এটমিক ৰিয়েক্টৰ অপ্সৰাৰ উদ্বোধন হৈছিল ১৯৫৭ চনৰ আজিৰ দিনটোতে।
  7. মেঘালয়ে পূৰ্ণ ৰাজ্যৰ স্বীকৃতি লাভ কৰে ১৯৭২ চনৰ আজিৰ দিনটোতে।
  8. বাৰাক হুছেইন অ'বামা। মহাশক্তিধৰ আমেৰিকা যুক্তৰাষ্ট্ৰৰ ৪৪ তম ৰাষ্ট্ৰপতি। ৰাষ্ট্ৰপতি পদত অধিষ্ঠিত হোৱা প্ৰথমজন আফ্ৰিকীয় মূলৰ বাৰাক হুছেইন অ'বামাই কাৰ্যভাৰ গ্ৰহণ কৰিছিল ২০০৯ চনৰ আজিৰ দিনটোতে।
  9. আজিৰ দিনটোতে ১৭৭৫ চনত ফৰাচী পদাৰ্থবিজ্ঞানী আৰু গণিতজ্ঞ আণ্ড্ৰেমেৰী এম্পিয়েৰৰ জন্ম হৈছিল।
  10. ইটালীৰ চলচ্চিত্ৰ পৰিচালক ফেডেৰিকো ফেলিনিৰৰ জন্ম হৈছিল ১৯২০ চনৰ আজিৰ দিনটোতে।

বাহ্যিক সংযোগ[সম্পাদনা কৰক]