৩৬ বায়াধিনিলে

পোষ্টাৰ
পৰিচালক	ৰছান এণ্ড্ৰিউছ
কাহিনী	ৰছান এণ্ড্ৰিউছ
অভিনয়ত	জ্যোতিকা ৰহমান
সংগীত পৰিচালক	সন্তোষ নাৰায়ণন
মুক্তি	১৫ মে' ২০১৫ (2015-05-15)
দৈৰ্ঘ্য	১১৫ মিনিট
দেশ	ভাৰত
ভাষা	তামিল
বাজেট	₹৫ কোটি

৩৬ বায়াধিনিলে (অনু. ৩৬ বছৰ বয়সত; ইংৰাজী: 36 Vayadhinile) ৰছান এণ্ড্ৰিউছ পৰিচালিত, ২০১৫ চনৰ ভাৰতীয় তামিল ভাষাৰ এখন কমেডী নাট্যধৰ্মী ছবি। এইখন তেওঁৰ মালয়ালম ছবি হাউ অল্ড আৰ ইউৰ (২০১৪) পুনৰ্নিৰ্মাণ। আঠ বছৰৰ বিৰতিৰ পিছত এই ছবিযোগে জ্যোতিকাই চলচ্চিত্ৰ জগতলৈ উভতি আহে। তাৰোপৰি ইয়াত ৰহমান, নাছাৰ, ইলাভাৰাসু, সিদ্ধাৰ্থ বসু আৰু অভিৰামীয়ে অন্যান্য বিশিষ্ট চৰিত্ৰত অভিনয় কৰিছে। চাউণ্ডট্ৰেক ৰচনা কৰিছিল সন্তোষ নাৰায়ণনে, য'ত চিনেমেট'গ্ৰাফী আৰু সম্পাদনাৰ দায়িত্বত আছিল ক্ৰমে আৰ দিৱাকৰণ আৰু মহেশ নাৰায়ণনে।

৩৬ বায়াধিনিলে ২০১৫ চনৰ ১৫ মে'ত মুক্তি লাভ কৰে। এই ছবিখনে মূলতঃ জ্যোতিকাৰ অভিনয়ৰ বাবে সমালোচকৰ পৰা ইতিবাচক সমালোচনা লাভ কৰে আৰু ব্যৱসায়িকভাৱে সফলো হয়। শ্ৰেষ্ঠ অভিনেত্ৰীৰ ফিল্মফেয়াৰ তামিল সমালোচক বঁটা লাভ কৰা ছবিখনে ২০১৫ চনৰ তামিলনাডু ৰাজ্যিক চলচ্চিত্ৰ বঁটাত শ্ৰেষ্ঠ অভিনেত্ৰীকে ধৰি ৭টা বঁটা লাভ কৰে।

কাহিনী

৩৬ বছৰীয়া বাসন্তী ৰাজহ বিভাগৰ উচ্চ বৰ্গৰ কেৰাণী; তেওঁৰ স্বামী তামিজচেলভানে অল ইণ্ডিয়া ৰেডিঅ’ত কাম কৰে। তামিজচেলভানে আয়াৰলেণ্ডলৈ প্ৰব্ৰজন কৰাৰ ইচ্ছা কৰে যদিও বাসন্তীয়ে তেওঁৰ লগত যাব নোৱাৰে। কাৰণ বেছিভাগ আইৰিছ বেছিভাগ কোম্পানীয়ে তেওঁৰ বয়সৰ বাবে চাকৰিৰ আবেদন নাকচ কৰে। তেওঁ সাধাৰণ জীৱন যাপন কৰে, কিন্তু পৰিৱৰ্তনৰ বাবে হাহাকাৰ কৰে।

এদিন বাসন্তীক আই জি, ৰাজনে তেওঁৰ অফিচলৈ মাতি আনে আৰু তেওঁ গম পায় যে ভাৰতৰ ৰাষ্ট্ৰপতিয়ে তেওঁৰ লগত কথা পাতিব বিচাৰে। ৰাষ্ট্ৰপতিৰ সন্মুখত অজ্ঞান হৈ ফেচবুক মিমৰ বিষয় হৈ পৰাৰ পিছতে বৈঠকখন দুৰ্যোগপূৰ্ণভাবে শেষ হয়। কিছুদিনৰ পিছত তেওঁৰ স্বামী আৰু কন্যা মিথিলাই আয়াৰলেণ্ডলৈ গুচি যায়।

বাসন্তীৰ পুৰণি সহপাঠী, সফল চিএমঅ’ চুছান ডেভিদে তেওঁক আগৰ সাহসী, দৃঢ় ইচ্ছাশক্তিৰ কথা মনত পেলাই দিয়ে আৰু তেওঁক নিজৰ যুবা ৰূপটোক পুনৰ আৱিষ্কাৰ কৰিবলৈ অনুপ্ৰাণিত কৰে।

বাহ্যিক সংযোগ

• ৩৬ বায়াধিনিলে সম্পৰ্কে ইণ্টাৰনেট মুভি ডাটাবেছত থকা তথ্য।
• ৰ'টেন টমাট'জ ৱেবছাইটত ৩৬ বায়াধিনিলে।