ৰজাগাওঁ

অসমীয়া ৱিকিপিডিয়াৰ পৰা
Jump to navigation Jump to search

ৰজাগাঁও (ইংৰাজী: Rajagaon) নগাওঁ জিলাৰ দক্ষিণ প্ৰান্তৰ এখনি সৰু ঠাই। যদিওবা সৰু ঠাই ই শিক্ষা দীক্ষাত আগবঢ়া। ইয়াত এখন ছোৱালী হাইস্কুল, এখন উচ্চতৰ মাধ্যমিক বিদ্যালয়, দুখনকৈ ডিগ্ৰী কলেজ (কাজিৰঙা মহাবিদ্যালয়, বৰপানী মহাবিদ্যালয়) আছে।

ৰজাগাঁও, শিঙিমাৰী পঞ্চায়তৰ অন্তৰ্গত। বৃহত্তৰ শিঙিমাৰী এলেকাৰ প্ৰাণকেন্দ্ৰ ৰজাগাওঁ হোৱা হেতুকে ৰজাগাৱত থকা অনুষ্ঠান-প্ৰতিষ্ঠান বোৰৰ নাম শিঙিমাৰী বুলি জনা যায়; গতিকে প্ৰাথমিক বিদ্যলয় বা মধ্য ইংৰাজী বিদ্যালয় বা উচ্চ মাধ্যমিক বা উচ্চতৰ মাধ্যমিক বিদ্যালয় সমূহক শিঙিমাৰী বুলিহে উল্লেখ কৰে। কিন্বদন্তী মতে অতীতত ইয়াত গাৰো সকলৰ ৰজাৰ বাসস্থান আছিল। ইয়াৰ সাক্ষী স্বৰূপে এতিয়াও ৰজাপুখুৰী; গাৰোপাহাৰ; কমাৰফা গাঁৱৰ মেগালিথিক শিলা সমূহ বিৰাজমান।

ইতিহাস[সম্পাদনা কৰক]

আনুমানিক আধুনিক ৰজাগাঁৱৰ সৃষ্টি ১৮৫৫ খৃষ্টাব্দ। কাষতে বৰপানী চাহবাগিছা। বিভিন্ন পৰিঘটনা হেতু চাহবাগিছাৰ কৰ্মচাৰী সকল বাগানৰ পৰা আহি এইঠাইত বসতি আৰম্ভ কৰে। বাগানৰ কমৰ্চাৰী নিশিকান্ত ৰায়, মহিমল ভূঁঞা আদি ব্যক্তি সকল আহি বসবাস কৰিবলৈ আৰম্ভ কৰে। প্ৰাক্ স্বাধীনতা কালত বৰপানী চাহ বাগানৰ আলমত গঢ়ি উঠা গাঁও কেইখন হ'ল শিঙিমাৰী, ঘাচি বস্তি (বৰ্তমানৰ উত্তৰ আমেৰীৰ কিছু অংশ), মাখন বস্তি (আজিকালি বস্তি বুলি নকয় গাঁও বোলাহয়)।

শিক্ষা[সম্পাদনা কৰক]

এই এলেকাৰ বিভিন্ন শিক্ষা প্ৰতিষ্ঠান সমূহ‌ হ'ল—

  1. কাজিৰঙা মহাবিদ্যালয়
  2. বৰপানী মহাবিদ্যালয়
  3. শিঙিমাৰী উচ্চতৰ বিদ্যালয়
  4. শিঙিমাৰী ছোৱালী হাইস্কুল
  5. শংকৰদেৱ বিদ্যা নিকেতন ৰজাগাওঁ
  6. সংস্কৃতি জাতীয় বিদ্যালয়, ৰজাগাওঁ
  7. শ্ৰী নিবাস একাডেমী ৰজাগাওঁ

অৰ্থনীতি[সম্পাদনা কৰক]

ইয়াত বসবাস কৰা গৰিষ্ঠ সংখ্যাক লোকেই খেতি বাতিৰ লগত জড়িত।

ভৌগোলিক স্থিতি[সম্পাদনা কৰক]

ৰজাগাঁৱৰ অক্ষাংশ 26.041341 N , আৰু দ্ৰাঘিমাংশ 92.601790 E

যোগাযোগ[সম্পাদনা কৰক]

ওচৰৰ ট্ৰেন ষ্টেচন কামপুৰ (kwm)। কামপুৰৰ পৰা সন্ধ্যা ৬ বজালৈকে সুন্দৰ যোগাযোগ ব্যৱস্থা আছে। তাৰ উপৰি জিলা সদৰ নগাঁও ৰ পৰা বিয়লি ৩ বজালৈকে যাতায়তৰ সুবিধা আছে।

পৰ্যটন স্থান[সম্পাদনা কৰক]

ৰজাগাঁৱৰ ওচৰত মাধৱ থান, ওচৰৰ টেঙৰালাংছ' ত শ্ৰী শ্ৰী গণেশ থান। ৰজাগাঁৱৰ পৰা ২৫ কি: মি: নিলগত আমট্ৰেং ত জলবিদ্যুৎ প্ৰকল্প এটা আছে। ‌২১ কি: মি: দুৰত কাৱৈমাৰীত প্ৰত্নতত্ত্ব বিভাগে খনন কৰি বহু পুৰণাদিনৰ মূৰ্ত্তি আৱিষ্কাৰ কৰে। ‌ৰজাগাঁৱত থকা বৰপানী চাহ বাগান খনো পৰ্যটকৰ আকৰ্ষণ বিন্দু।

বৰপানী চাহ বগান

আলহীঘৰ[সম্পাদনা কৰক]

ৰজাগাঁও সৰু ঠাই স্থানীয় ভাবে যদিওবা ইয়াত কোনো ধৰণৰ গেষ্ট হাউচ নাই ওচৰৰ বৈঠালাংছ আৰু কামপুৰত PWD আৰু আমট্ৰেং ৰ লঙৰেত ASEB ৰ গেষ্ট হাউচ আছে। চিকিৎসা প্ৰদানৰ বাৱে একমাত্ৰ শিঙিমাৰী ৰাজ্যিক চিকিৎসালয় এখন আছে।

 প্ৰধান উৎসৱ[সম্পাদনা কৰক]

গৌৰাঙ্গ মহাপ্ৰভুৰ জন্মোৎসৱ চ'ত মাহৰ ২য় পষেকত বেছ উলহ মালহেৰে উদযাপন কৰা হয়।  বহাগ বিহুৰ দিনা লেপ্ৰচি কলনীত চৰক পূঁজা অনুষ্ঠিত কৰা হয়। ওচৰৰ মাধব থান ত অশোক অষ্টমী ৰ দিনা মেলা অনুষ্ঠিত হয়।