ৰণবীৰ শ্ব’ৰে

ৰণবীৰ শ্ব’ৰে
২০১৫ চনত ৰণবীৰ
জন্ম	১৮ আগষ্ট, ১৯৭২ (৫৩ বছৰ) জলন্ধৰ, পঞ্জাব, ভাৰত
পেচা	অভিনয়শিল্পী প্ৰাক্তন ভিডিঅ' জকী
সক্ৰিয় হৈ থকা সময়	১৯৯৮–বৰ্তমানলৈকে
দাম্পত্যসঙ্গী	কংকনা সেন শৰ্মা (বি. ২০১০; divorce ২০২০)
সন্তান	১

ৰণবীৰ শ্ব'ৰে (ইংৰাজী: Ranvir Shorey ; জন্ম: ১৮ আগষ্ট ১৯৭২) এজন ভাৰতীয় অভিনেতা আৰু প্ৰাক্তন ভিডিঅ' জকী। এক ছ’টিছি লাভ ষ্ট’ৰী (২০০২) ছবিত আত্মপ্ৰকাশ কৰাৰ পিছৰে পৰা তেওঁ মূলসুঁতিৰ আৰু স্বতন্ত্ৰ চিনেমা দুয়োটা ক্ষেত্ৰতে কাম কৰি আহিছে। তেওঁৰ ব্যৱসায়িকভাৱে সফল ছবিসমূহৰ ভিতৰত জিছম (২০০৩), লক্ষ্য (২০০৪), হানিমুন ট্ৰেভেলছ প্ৰাইভেট লিমিটেড (২০০৭), সিং ইজ কিং (২০০৮), এক থা টাইগাৰ (২০১২), আংগ্ৰেজি মিডিয়াম (২০২০), আৰু টাইগাৰ ৩ (২০২৩)। ইয়াৰ উপৰিও তেওঁ খোছলা কা ঘোছলা (২০০৬), ট্ৰেফিক চিগনেল আৰু ভেজা ফ্ৰাই (দুয়োখনেই ২০০৭), মিথ্যা (২০০৮), টিটলি (২০১৪), আৰু এ ডেথ ইন দ্য গুঞ্জ (২০১৬) আদি ছবিত অভিনয় কৰিছে। তেওঁ সোণচিৰিয়া (২০১৯)ৰ বাবে শ্ৰেষ্ঠ সহযোগী অভিনেতাৰ ফিল্মফেয়াৰ বঁটাৰ বাবে মনোনীত হৈছিল।

ইয়াৰ পিছত তেওঁ ঝলক দিখলা জা ৭ (২০১৫) আৰু চলো কই বাত নাহি (২০২১) আতিথ্য প্ৰদান কৰে। ইয়াৰ উপৰিও বিভিন্ন ডিজিটেল ধাৰাবাহিক যেনে-ৰংবাজ (২০১৮), ছেক্ৰেড গেমছ (২০১৮-১৯), হাই আৰু হাছমুখ (দুয়োখনেই ২০২০), মেট্ৰ’ পাৰ্ক আৰু টাব্বাৰ (দুয়োখনেই ২০২১), আৰু ছানফ্লাৱাৰ (২০২১-২৪) আদিত অভিনয় কৰিছিল। ২০২৪ চনত তেওঁ ৰিয়েলিটি শ্ব' বিগ বছ অ'টিটি ৩ত অংশগ্ৰহণ কৰে আৰু দ্বিতীয় ৰানাৰ্ছ আপ হিচাপে অভিযানৰ অন্ত পেলায়।

প্ৰাৰম্ভিক আৰু ব্যক্তিগত জীৱন

১৯৭২ চনৰ ১৮ আগষ্টত পঞ্জাৱৰ জলন্ধৰত বলিউডৰ প্ৰযোজক কৃষণ দেৱ শ্ব'ৰেৰ ঘৰত জন্মগ্ৰহণ কৰিছিল। তেওঁৰ লোকেশ শ্বোৰে নামৰ এজন ভাতৃ আছে। ৰণবীৰ শ্বোৰেই প্ৰাৰম্ভিক স্কুলীয়া শিক্ষা জলন্ধৰৰ দয়ানন্দ মডেল ছিনিয়ৰ ছেকেণ্ডাৰী স্কুলৰ পৰা কৰিছিল। শ্বোৰে অভিনেতা তথা পৰিচালক ৰজত কাপুৰ আৰু অভিনেতা বিনয় পাঠকৰ ঘনিষ্ঠ বন্ধু।

৫৩ সংখ্যক বাৰ্ষিক ফিল্মফেয়াৰ বঁটা প্ৰদান অনুষ্ঠানত প্ৰাক্তন পত্নী কংকোনা সেন শৰ্মাৰ সৈতে শ্ব'ৰে

ৰণবীৰ শ্বোৰেই পূজা ভাটৰ লগত ৰোমাণ্টিক সম্পৰ্ক স্থাপন কৰিছিল। ২০১০ চনৰ ৩ ছেপ্টেম্বৰত তেওঁৰ দীৰ্ঘদিনীয়া প্ৰেমিকা অভিনেত্ৰী কংকনা সেন শৰ্মাৰ সৈতে বিবাহপাশত আবদ্ধ হয়। ২০০৮ চনত তেওঁলোকৰ গোৰেগাঁও বাসগৃহত এক অন্তৰংগ অনুষ্ঠানত বাগ্দান হৈছিল ৷ ২০১১ চনৰ ১৫ মাৰ্চত দক্ষিণ মুম্বাইৰ এখন চিকিৎসালয়ত এই দম্পতীৰ পুত্ৰ হাৰুণ শ্ব'ৰীৰ জন্ম হয়। পিছত বিবাহৰ পাঁচ বছৰৰ অন্তত দম্পতীৰ মাজত বিচ্ছেদ ঘটে। তেওঁলোকে এতিয়াও বন্ধু হৈ আছে আৰু পুত্ৰৰ তত্ত্বাৱধানৰ অংশীদাৰ হৈ আছে।

বঁটা আৰু মনোনয়ন

বৰ্ষ	বঁটা	শিতান	মনোনীত কৰ্ম	ফলাফল	তথ্যসূত্ৰ
২০১৬	আইবিএন লাইভ মুভি বঁটা	শ্ৰেষ্ঠ সহযোগী অভিনেতা	টিটলি	মনোনীত
২০১৯	এফঅ'আই অনলাইন বঁটা		সোনচাৰিয়া	বিজয়ী
	আইৰিল বঁটা	শ্ৰেষ্ঠ অভিনেতা(কমেডী)	মেট্ৰো পাৰ্ক	মনোনীত
	গোল্ড বঁটা	কমেডি চৰিত্ৰ শ্ৰেষ্ঠ পুৰুষ অভিনয়	মেট্ৰো পাৰ্ক	বিজয়ী
২০২০	ফিল্মফেয়াৰ	শ্ৰেষ্ঠ সহযোগী অভিনেতা	সোনচাৰিয়া	মনোনীত
২০২১	এছিয়ান টেলিভিছন বঁটা	শ্ৰেষ্ঠ সহযোগী অভিনেতা	সোনচাৰিয়া	বিজয়ী