ৰশ্মি তিৱাৰী

ড° ৰশ্মি তিৱাৰী 'আহান ফাউণ্ডেশ্যন ফৰ ছ'চিয়েল চেঞ্জ ইণ্ডিয়া'ৰ প্ৰতিষ্ঠাপক আৰু সঞ্চালক৷ তেওঁ যানজঁট-সম্বন্ধীয় জটিলতাবোৰ সৰল কৰিবলৈ কাম কৰি আছে৷ তেওঁ ভাইটাল ভইচ (আমেৰিকা), ছিম্পৰ সভ্য আৰু নিউৰ'লিডাৰশ্বিপ ইনষ্টিটিউটৰ পৰা প্ৰমাণিত নেতৃত্ব প্ৰশিক্ষক।

আহান ফাউণ্ডেচনৰ জৰিয়তে জনজাতীয় ছোৱালীৰ সৰবৰাহৰ বিৰোধী কামৰ বাবে টাইমছ নাওৱে তিৱাৰীক "The Good Crusader" হিচাপে নিৰ্বাচিত কৰিছিল.

প্ৰাৰম্ভিক জীৱন

১৯৭২ চনত এটা ধনী পৰিয়ালত জন্মগ্ৰহণ কৰা তিৱাৰীক পিছলৈ ঘৰ-দুৱাৰ আৰু উপাৰ্জনৰ উৎস নথকা অকলশৰীয়া মাতৃয়ে ডাঙৰ-দীঘল কৰে। বাৰাণসীৰ এটা ঘৰত ডাঙৰ-দীঘল হৈছিল যিটো ঘৰ মাত্ৰ ৩.৫ x ৫.৫ মিটাৰ আকাৰৰ আছিল। তিৱাৰীয়ে বৈষম্য আৰু সামাজিক কলংকৰ সন্মুখীন হ’বলগীয়া হৈছিল। এগৰাকী পেহীয়েকৰ সৈতে তেওঁ কানপুৰত এবছৰ কটায় আৰু তাৰ পিছত বাৰাণসীলৈ গুচি যায়৷ তেওঁ তাৰ পৰাই শিক্ষা সমাপ্ত কৰি বেনাৰস হিন্দু বিশ্ববিদ্যালয়ৰ পৰা অৰ্থনীতিত পি এইচ ডি ডিগ্ৰী লাভ কৰে যিটো ১৯৯৮-৯৯ চনত প্ৰদান কৰা হয়৷

কৰ্মজীৱন

তিৱাৰী ২০০০ চনৰ পৰা ২০০৮ চনলৈকে আমেৰিকান চেম্বাৰ্ছ অৱ কমাৰ্চ ইন ইণ্ডিয়া (AMCHAM)ৰ সহযোগী সঞ্চালক আৰু তেতিয়াৰ সঞ্চালক আছিল৷ শেহতীয়াকৈ তেওঁ ভাৰতৰ চিইঅ' এছ'চিয়েচনসমূহৰ কাৰ্য্যকলাপত কাৰ্যবাহী সঞ্চালক হিচাপে নেতৃত্ব দিছিল।T তেওঁ নিয়মিতভাৱে বিভিন্ন ৰাষ্ট্ৰীয় আৰু আন্তঃৰাষ্ট্ৰীয় মঞ্চত মহিলা সবলীকৰণ আৰু মহিলাসকলক মেণ্টৰিঙৰ বিষয়সমূহৰ ওপৰত ভাষণ দিয়ে। বেংক অৱ আমেৰিকাৰ কৰ্পৰেট বেংকিঙৰ মুৰব্বী জেনী ৱানলেছৰ সৈতে হোৱা মত বিনিময়ে তেওঁক তেওঁৰ সপোন অনুসৰণ কৰিবলৈ সাহস দিছিল আৰু তেওঁ আহান ট্ৰাইবেল ডেভেলপমেণ্ট ফাউণ্ডেশ্যন আৰম্ভ কৰিছিল।

আহান সংস্থাৰ ক্ষেত্ৰত দেখা দিয়া প্ৰত্যাহ্বান

জনজাতীয় ছোৱালীৰ সৈতে সামাজিক খণ্ডত কৰি থকা কামসমূহ আৰু মহিলা নেত্ৰীসকলক মেণ্টৰিং আৰু বিকাশৰ দিশত লোৱা পদক্ষেপসমূহৰ বাবে তেওঁক ৱাশ্বিংটন পোষ্টকে ধৰি স্থানীয় আৰু আন্তঃৰাষ্ট্ৰীয় সংবাদ মাধ্যমত প্ৰচাৰ কৰা হৈছে। কিন্তু নক্সালীয় অঞ্চল আৰু মানৱ সৰবৰাহকাৰীত কাম কৰাটো ৰশ্মিৰ বাবে অতি কঠিন আছিল। তেওঁ বহু সময়ত নক্সালবাদী, সৰবৰাহকাৰীৰ সন্মুখীন হ’বলগীয়া হৈছিল আৰু কেতিয়াবা স্থানীয় নেতা বা পঞ্চায়তৰ বিৰোধিতাৰ ভাবুকিৰ সন্মুখীন হ’বলগীয়া হৈছিল।