ৰাজেন গোহাঁই (ৰাজনীতিক)
ৰাজেন গোহাঁই | |
|---|---|
 | |
| লোকসভাৰ সাংসদ নগাঁও (লোকসভা সমষ্টি) | |
পদাধিকাৰ | |
| কাৰ্যভাৰ গ্ৰহণ ১৯৯৯ | |
| পূৰ্বসূৰী | নৃপেন গোস্বামী |
| কেন্দ্ৰীয় ৰেল ৰাজ্যিক মন্ত্ৰী | |
পদাধিকাৰ | |
| কাৰ্যভাৰ গ্ৰহণ ৫ জুলাই, ২০১৬ | |
| ব্যক্তিগত তথ্য | |
| জন্ম | ২৬ নৱেম্বৰ, ১৯৫০ (৭৩ বছৰ) নগাঁও, অসম, ভাৰত |
| ৰাজনৈতিক দল | ভাৰতীয় জনতা পাৰ্টী |
| দাম্পত্যসঙ্গী | ৰীতা গোহাঁই |
| সন্তান | ৫ |
| শিক্ষানুষ্ঠান | গুৱাহাটী বিশ্ববিদ্যালয় |
| 30 August, 2012-ৰ তথ্য উৎস: [1] | |
ৰাজেন গোহাঁই (জন্ম ২৬ নৱেম্বৰ ১৯৫০) এজন ভাৰতীয় ৰাজনীতিক আৰু বৰ্তমান লোকসভাৰ সাংসদ। তেওঁ সংসদত ১৯৯৯ চনৰে পৰা অসমৰ নগাঁও লোকসভা সমষ্টিক প্ৰতিনিধিত্ব কৰি আহিছে। গোহাঁই ভাৰতীয় জনতা পাৰ্টীৰ সদস্য।
আগজীৱন[সম্পাদনা কৰক]
ৰাজেন গোহাঁইয়ে গুৱাহাটী বিশ্ববিদ্যালয়ৰ পৰা কলা শাখাৰ স্নাতক আৰু আইনৰ স্নাতক ডিগ্ৰী লাভ কৰিছিল।[1] তেওঁ ১৯৮১ চনত ৰীতা গোহাঁইৰ সৈতে বিবাহপাশত আবদ্ধ হয় আৰু তেওঁলোকৰ ৫জন সন্তান আছে।[2] পেছাগতভাৱে গোহাঁই এগৰাকী চাহ বাগানৰ মালিক।[1]
ৰাজনৈতিক জীৱন[সম্পাদনা কৰক]
ৰাজেন গোহাঁইয়ে ক্ৰমাগতভাৱে তিনিবাৰ লোকসভাৰ সাংসদ হিচাপে নিৰ্বাচিত হৈছে।[2] তেওঁ ১৯৯৯ চনত প্ৰথমবাৰৰ বাবে নগাঁও লোকসভা সমষ্টিৰ পৰা নিৰ্বাচিত হয় আৰু সেই একে সমষ্টিৰে পৰা ২০০৪ আৰু ২০০৯ চনত পুনৰ লোকসভালৈ নিৰ্বাচিত হয়।[2] গোহাঁই ১৯৯১ চনৰে পৰা ভাৰতীয় জনতা পাৰ্টীৰ এগৰাকী সদস্য হৈ আছে।[1] ২০১৬ চনৰ ৫ জুলাই তাৰিখে তেওঁ কেন্দ্ৰীয় চৰকাৰৰ ৰেল ৰাজ্যিক মন্ত্ৰী ৰূপে কাৰ্য্যভাৰ গ্ৰহণ কৰে।
তথ্য উৎস[সম্পাদনা কৰক]
- ↑ 1.0 1.1 1.2 R.C. Rajamani; Portraits of India's Parliamentarians for the New Millennium: Lok Sabha. Gyan Books. 2000. ISBN 978-8121207027. pg 110.
- ↑ 2.0 2.1 2.2 "Shri Rajen Gohain". Government of India. http://india.gov.in/govt/loksabhampbiodata.php?mpcode=143। আহৰণ কৰা হৈছে: 30 August 2012.