ৰাম্যা বেহাৰা

ৰাম্যা বেহাৰা এগৰাকী ভাৰতীয় নেপথ্য কণ্ঠশিল্পী, যিয়ে মূলতঃ তেলেগু ছবিত কাম কৰে। তেলেগু, কানাড়া, তামিল, মালয়ালম আৰু হিন্দী ছবিত তেওঁ ১৮০ টাতকৈও অধিক গীত গাইছে। তেলেগু ছবি “বাহুবলী: দ্য বিগিনিঙ”ৰ (২০১৫) "ধীৱৰা" তেওঁৰ সফল গীত আছিল।

বেহাৰাৰ জন্ম ভাৰতৰ অন্ধ্ৰপ্ৰদেশৰ গুন্টুৰ জিলাৰ নৰসৰাওপেটত আৰু ডাঙৰ-দীঘল হৈছিল হায়দৰাবাদত। তেওঁ উল্লেখ কৰে যে তেওঁৰ গায়কীৰ প্ৰতি থকা আকৰ্ষণ সপ্তম শ্ৰেণীত পঢ়ি থকাৰ পৰাই আৰম্ভ হৈছিল। তেওঁ লিটিল মিউজিক একাডেমীলৈ যায় আৰু ৰামাচাৰীৰ অধীনত প্ৰশিক্ষণ গ্ৰহণ কৰে। এম.এম.কীৰৱানীয়ে তেওঁক ছবিৰ সৈতে পৰিচয় কৰাই দিছিল। বেহাৰাৰ প্ৰথম গীতটো তেলেগু ছবি “ভেংগামাম্বা”ৰ বাবে বাণীবদ্ধ কৰা হৈছিল।