ৰোজা জিনোছাৰ
| ৰোজা জিনোছাৰ | |
|---|---|
 | |
| জন্ম | ৰোজা হাচোহেন ১৪ জুলাই, ১৮৯০ গোমেল, বেলাৰুছিয়া, ৰাছিয়ান সাম্ৰাজ্য |
| মৃত্যু | ১৯৭৯ ইজৰাইল |
| ৰাষ্ট্ৰীয়তা | ইজৰাইলী |
| পেচা | অধিবক্তা, মহিলা অধিকাৰ কৰ্মী |
| জনা যায় | ইজৰাইলত প্ৰথম প্ৰেকটিছ কৰা মহিলা অধিবক্তা, WIZO ৰ সভানেত্ৰী |
| দাম্পত্যসঙ্গী | শ্লোমো জিনোছাৰ |
| বঁটা, সন্মান, পুৰস্কাৰ আদি | জেৰুজালেমৰ সন্মানীয় নাগৰিক (১৯৭৪) |
ৰোজা জিনোছাৰ (ইংৰাজী: Rosa Ginossar১৮৯০-১৯৭৯) এগৰাকী ইজৰাইলী অধিবক্তা আৰু মহিলা অধিকাৰ কৰ্মী আছিল। ফ্ৰেডা স্লুট্জকিনৰ পিছত তেওঁ মেণ্ডেটৰী পেলেষ্টাইনৰ দ্বিতীয়গৰাকী মহিলা অধিবক্তা[1] হয় আৰু ইজৰাইলৰ প্ৰথমগৰাকী অনুশীলনকাৰী মহিলা অধিবক্তা আছিল।[2] ১৯৬৬ চনৰ পৰা ১৯৭০ চনলৈকে তেওঁ WIZO-ৰ সভানেত্ৰী আছিল।
জীৱনী
[সম্পাদনা কৰক]১৮৯০ চনৰ ১৪ জুলাইত বেলাৰুছিয়াৰ গোমেলত লেখক মৰ্ডেকাই বেন হিলেল হাকোহেনৰ কন্যা ৰোজা হাকোহেন (পিছলৈ গিনজবাৰ্গ জিনোছাৰ)ৰ জন্ম হৈছিল। ১৯০৭ চনত তেওঁ পৰিয়ালৰ সৈতে প্ৰাক-ৰাজ্য পেলেষ্টাইনলৈ প্ৰব্ৰজন কৰে আৰু তাৰ পৰাই তেওঁ আইন অধ্যয়ন কৰে।[3]
ৰোজাই তেওঁৰ পিতৃ আৰু জিয়নিষ্ট নেতা আৰু লেখক আহদ হাম (আশ্বাৰ জিভি হিৰ্চ গিঞ্জবাৰ্গ)ৰ বন্ধুত্বৰ জৰিয়তে তেওঁৰ ভৱিষ্যত স্বামী শ্লোমো গিঞ্জবাৰ্গক লগ পাইছিল। ১৯০৮ চনত শ্লোমো পেলেষ্টাইনলৈ আহি হাকোহেন পৰিয়ালৰ লগত থাকে। তেওঁ ৰোজাক তেওঁৰ লগত পেৰিছ বিশ্ববিদ্যালয়ত পঢ়িবলৈ মান্তি কৰাইছিল, য’ৰ পৰা ১৯১৩ চনৰ ১৯ অক্টোবৰত তেওঁ আইন বিভাগৰ ডিপ্লমা লাভ কৰিছিল।
প্ৰথম বিশ্বযুদ্ধৰ সময়ত তেওঁ পিতৃ-মাতৃৰ সৈতে টেল আভিভত থাকে যদিও ১৯১৭ চনত তেওঁ আৰু শ্লোমোৰ বিবাহ ছুইজাৰলেণ্ডত হয় আৰু তেওঁলোকে চাৰি বছৰৰ বাবে লণ্ডনত থকা শহুৰেকৰ ঘৰলৈ গুচি যায়। তাত থকাৰ সময়তে তেওঁ বহুতো জিয়নিষ্টৰ সংস্পৰ্শলৈ আহে আৰু তেওঁ আৰু তেওঁৰ স্বামী এই আন্দোলনৰ সৈতে জড়িত হৈ পৰে।[2]
১৯২২ চনত ৰোজা আৰু শ্লোমো পেলেষ্টাইনলৈ উভতি আহে। ১৯৪৯ চনৰ পৰা ১৯৫১ চনলৈকে ইটালীত শ্লোমোক প্ৰথম ইজৰাইলৰ ৰাষ্ট্ৰদূত নিযুক্তি দিয়া হয়, তাৰ পিছত তেওঁলোক ইজৰাইললৈ উভতি যায়। ৰাষ্ট্ৰদূত পদৰ সময়ত তেওঁ পৰিয়ালৰ নাম সলনি কৰি জিনোছাৰ কৰে।[3]
তথ্যসূত্ৰ
[সম্পাদনা কৰক]- ↑ "Rosa Ginossar | Jewish Women's Archive". Jwa.org. https://jwa.org/encyclopedia/article/ginossar-rosa। আহৰণ কৰা হৈছে: 2018-01-17.
- ↑ 2.0 2.1 Katvan, Eyal; Halperin-Kaddari, Ruth. "Rosa Ginossar". Jewish Women's Archive. http://jwa.org/encyclopedia/article/ginossar-rosa। আহৰণ কৰা হৈছে: 22 February 2016.
- ↑ 3.0 3.1 Encyclopaedia Judaica, 2 ed., vol. 7, Ginossar (Née Hacohen), Rosa, Macmillan Reference USA, 2007, pp. 607-608