ৱিকিপিডিয়া:ৱিকিপত্ৰিকা/জুলাই-২০২২/উল্লেখনীয় ৱিকিমিডিয়ান

উল্লেখনীয় ৱিকিমিডিয়ান

অনামিকা বড়া: ২০১৯ চনৰ পৰা ৱিকিমিডিয়াৰ সৈতে জড়িত এগৰাকী দক্ষ আৰু কৌশলী ৱিকিমিডিয়ান। শিৱসাগৰ জিলাৰ এই ৱিকিমিডিয়ানগৰাকীয়ে এতিয়ালৈকে অসমীয়া ৱিকিপিডিয়াত ৩,১৫৫টা আৰু অসমীয়া ৱিকিউৎসত ১৯,৭৭৩টা সম্পাদনা কৰিছে। ৱিকিপিডিয়াত তেওঁ সৃষ্টি কৰা পৃষ্ঠাৰ সংখ্যা ১৫৯। তেওঁ ইনকিউবেটৰ পৰ্যায়ত থকা অসমীয়া ৱিকিউদ্ধৃতিলৈয়ো নিয়মীয়া বৰঙণি আগবঢ়াই অহাৰ লগতে সময়ে সময়ে অনুষ্ঠিত এডিটাথন, প্ৰুফৰিডাথন আৰু ৱিকিমিডিয়াৰ বিভিন্ন কৰ্মশালাসমূহতো সক্ৰিয় অংশগ্ৰহণ কৰি আহিছে। অমূল্য অৱদানৰ বাবে অসমীয়া ৱিকিমিডিয়া সমাজে তেওঁক “এইমাহৰ ৱিকিমিডিয়ান”, “ৱিকিপত্ৰিকা পদক”, “ৰঙা লিংক অপসাৰণ পদক”, “ৱিকি শতক পদক”, “ৱিকিউৎসৰ ভোটাতৰা পদক”, “অমূল্য অৱদান পদক” আদি পদকেৰে কেইবাবাৰো সন্মানিত কৰিছে। আমি তেওঁৰ উত্তৰোত্তৰ উন্নতি কামনা কৰিলোঁ।