ৱিলিছ হ’
ৱিলিছ হ’ কিট-ৱাং (চীনা: 何潔泓, জন্ম ১৫ জুলাই ১৯৯১) এজনী হং কং-ৰ সাংবাদিক, সক্ৰিয় সমাজকৰ্মী আৰু তথ্যচিত্ৰ নিৰ্মাতা। তেওঁ হং কং ছাত্ৰ সন্থা ফেডাৰেচনৰ সহ-সাধাৰণ সম্পাদক আছিল আৰু লেণ্ড জাষ্টিচ লিগৰ আহ্বায়ক আছিল। ২০১৭ চনত, হং কং ভূমি ন্যায় আন্দোলনত অংশগ্ৰহণ কৰাৰ বাবে তেওঁ কাৰাদণ্ডৰ সন্মুখীন হৈছিল।[1]
জীৱনী
[সম্পাদনা কৰক]হ’ এগৰাকী একক মাতৃৰ দ্বাৰা লালিত-পালিত হৈছিল আৰু তেওঁৰ এটি যমজ ভগিনী আছে। তেওঁৰ HKALEৰ আগত গ্ৰীষ্মকালত, হ’ আৰু তেওঁৰ ভগিনী হং কং এক্সপ্ৰেছ ৰেইল লিংক আন্দোলনত অংশগ্ৰহণ কৰিছিল।[2]
হ’য়ে লিংগনান বিশ্ববিদ্যালয়ত দৰ্শন অধ্যয়ন কৰিছিল। ২০১২-১৩ চনত তেওঁ ছাত্ৰ সন্থাৰ ভাইস-প্ৰেছিডেণ্ট (বাহ্যিক) আৰু হং কং ছাত্ৰ সন্থা ফেডাৰেচন কমিটিৰ সদস্য আছিল। পাছত তেওঁ এই ফেডাৰেচনৰ সহ-সাধাৰণ সম্পাদক হিচাপে নিযুক্ত হয়।
২০১৬ চনত, উত্তৰ-পূব নতুন অঞ্চল উন্নয়ন কৰিবলৈ চৰকাৰৰ অৰ্থায়নৰ প্ৰতিবাদ কৰি জুন ২০১৪ত আইনসভালৈ অনধিকৃতভাৱে প্ৰৱেশ কৰাৰ বাবে, তেওঁ আৰু আন ১২ গৰাকী ব্যক্তিক সমাজ সেৱা কাৰ্য সম্পাদন কৰিবলৈ নিৰ্দেশ দিয়া হৈছিল।[3] হং কং ন্যায় বিভাগে আপিল কৰাৰ পাছত, ২০১৭ চনৰ আগষ্টত তেওঁক ১৩ মাহৰ কাৰাদণ্ড দিয়া হয়, যি হংকঙত এনে গোচৰৰ বাবে আটাইতকৈ কঠোৰ শাস্তি হিচাপে গণ্য হৈছিল।[4] হ’য়ে আপিল কৰি ২০১৭ চনৰ নভেম্বৰত জামিন লাভ কৰে।[5] পাছত তেওঁৰ শাস্তি বাতিল কৰা হয়।[1]
সাংবাদিক হিচাপে, তেওঁ হংকঙৰ সংখ্যালঘুসমূহ সম্পৰ্কে অনুসন্ধানীমূলক প্ৰতিবেদন প্ৰস্তুত কৰিছিল। বৰ্তমানে তেওঁ ২০১৯-২০ হং কং আন্দোলন সন্দৰ্ভত এটি তথ্যচিত্ৰ প্ৰস্তুত কৰি আছে।[1]
তথ্যসূত্ৰ
[সম্পাদনা কৰক]- ↑ 1.0 1.1 1.2 "Willis Ho Kit Wang". Yerba Buena Center for the Arts. 25 April 2020. https://ybca.org/artist/willis-ho-kit-wang/.
- ↑ "【反東北發展案·上】何潔泓入獄 媽媽：她比我還倔強得多！" (zh-cmn-hant ভাষাত). HK01. 19 August 2017. https://www.hk01.com/%E9%9A%B1%E5%BD%A2%E9%A6%99%E6%B8%AF/113174/%E5%8F%8D%E6%9D%B1%E5%8C%97%E7%99%BC%E5%B1%95%E6%A1%88-%E4%B8%8A-%E4%BD%95%E6%BD%94%E6%B3%93%E5%85%A5%E7%8D%84-%E5%AA%BD%E5%AA%BD-%E5%A5%B9%E6%AF%94%E6%88%91%E9%82%84%E5%80%94%E5%BC%B7%E5%BE%97%E5%A4%9A.
- ↑ "Community service for 13 New Territories development protesters who stormed LegCo building". Hong Kong Free Press. 20 February 2020. https://hongkongfp.com/2016/02/20/community-service-for-13-new-territories-development-protesters-who-stormed-legco-building/.
- ↑ "13 activists who stormed Hong Kong legislature jailed following successful appeal by Justice Dept.". Hong Kong Free Press. 15 August 2017. https://hongkongfp.com/2017/08/15/13-activists-stormed-hong-kong-legislature-jailed-following-successful-appeal-justice-dept/.
- ↑ "Hong Kong’s top court grants bail to 8 land activists pending leave for appeal over their sentences". Hong Kong Free Press. 24 November 2017. https://hongkongfp.com/2017/11/24/just-hong-kongs-top-court-grants-bail-8-land-activists-pending-leave-appeal-sentences/.