লাথমাৰ হোলী

লাথমাৰ হোলী
	; উত্তৰ প্ৰদেশৰ নন্দগাঁওত লাথমাৰ হোলী
পালন কৰে	হিন্দু
প্ৰকাৰ	ধৰ্মীয়, সাংস্কৃতিক, বসন্তোৎসৱ
উদযাপন	ৰঙৰ গুড়ি ছটিওৱা, বৰছনাৰ মহিলাসকলে নন্দগাঁৱৰ পুৰুষৰ ওপৰত চঞ্চলভাৱে লাঠি নিক্ষেপ কৰা, নৃত্য কৰা, শুভেচ্ছা বিনিময়, উৎসৱৰ সুস্বাদু খাদ্য
সম্পৰ্কিত	হোলী
আৰম্ভ হয়	ৰাধা কৃষ্ণ
সংঘটন	বছৰেকীয়া

লাথমাৰ হোলী (ইংৰাজী: Lathmar Holi) অৰ্থাৎ লাঠিৰে খেলা হোলী যঁজা চহৰ হিচাপে জনাজাত বৰছানা আৰু নন্দগাঁৱত পালন কৰা এক হিন্দু ধৰ্মীয় উৎসৱ; এই দুই চহৰক ক্ৰমে ৰাধা আৰু কৃষ্ণ নগৰ বুলিও জনা যায়। প্ৰতি বছৰে হোলীৰ সময়ছোৱাত হাজাৰ হাজাৰ ভক্ত আৰু পৰ্যটক এই চহৰদুখনলৈ গৈ এই উৎসৱ উদযাপন কৰে।^[1]^[2] সাধাৰণতে এই উৎসৱ এসপ্তাহতকৈ অধিক সময় ধৰি চলি থাকে আৰু ৰং পঞ্চমীৰ দিনা শেষ হয়।^[3]^[4]

উৎপত্তি

ঐশ্বৰিক যোৰা ৰাধা আৰু কৃষ্ণৰ সৈতে জড়িত কিংবদন্তিৰ সৈতে জড়িত এই উৎসৱে ইয়াক ন-কৈ সৃষ্টি কৰিব বিচাৰে। কিংবদন্তি অনুসৰি নন্দগাঁৱৰ বাসিন্দা আৰু বৃষভানুৰ জোঁৱাই বুলি গণ্য কৰা ভগৱান শ্ৰীকৃষ্ণই তেওঁৰ প্ৰিয় ৰাধা আৰু তেওঁৰ বন্ধুসকলৰ ওপৰত ৰং ছটিয়াই দিব বিচাৰিছিল। কিন্তু, কৃষ্ণ আৰু তেওঁৰ বন্ধুসকলে বৰচনাত প্ৰৱেশ কৰাৰ লগে লগে তেওঁলোকক বৰচনাৰ পৰা খেদি পঠিয়াবলৈ ৰাধা আৰু তেওঁৰ লগৰীসকলে তেওঁলোকক ধেমেলীয়াভাৱে লাঠিৰে খেদি যায়। সেই ধাৰা অনুসৰণ কৰি প্ৰতি বছৰে হোলী উপলক্ষে বৰচনাৰ জোঁৱাই হিচাপে গণ্য কৰা নন্দগাঁৱৰ পুৰুষসকলে বৰচনালৈ যায় আৰু মহিলাসকলে ৰং আৰু লাঠিৰে (হাতত তুলি লোৱা লাঠি) আদৰণি জনায়।^[5] নন্দগাঁৱৰ পুৰুষ আৰু বৰচনাৰ মহিলা দুয়োপক্ষই নিখুঁত ভাল হাস্যৰসেৰে এই উদযাপনৰ পৰিৱেশ ৰচনা কৰে।^[6]