প্ৰীতি জিণ্টা

অসমীয়া ৱিকিপিডিয়াৰ পৰা
(Preity Zintaৰ পৰা পুনঃনিৰ্দেশিত)
প্ৰীতি জিণ্টা
Preity Zinta

২০১৮ চনত প্ৰীতি জিণ্টা
জন্ম ৩১ জানুৱাৰী, ১৯৭৫ (৪৯ বছৰ)
ছিমলা, হিমাচল প্ৰদেশ, ভাৰত
শিক্ষানুষ্ঠান ছেইণ্ট বেডেছ কলেজ, ছিমলা
পেচা
  • অভিনেত্ৰী
  • প্ৰযোজক
  • উদ্যোগী
সক্ৰিয় হৈ থকা সময় ১৯৯৮–বৰ্তমান
উল্লেখযোগ্য কৰ্ম
  • দিল...ছে
  • কল হো না হো
  • বীৰ ঝাৰা আদি
দাম্পত্যসঙ্গী গিনি গুডএনাফ,২০১৬
বঁটা, সন্মান, পুৰস্কাৰ আদি
  • ফিল্মফেয়াৰ
  • আইফা
স্বাক্ষৰ

প্ৰীতি জিণ্টা (ইংৰাজী: Preity G Zinta)[1] (pronounced [ˈpriːt̪i ˈzɪɳʈa]; জন্ম-৩১ জানুৱাৰী ১৯৭৫) হৈছে এগৰাকী ভাৰতীয় অভিনেত্ৰী আৰু উদ্যোগী৷ তেখেতৰ সৰহভাগ ছবি হিন্দী ভাষাৰে৷ ইংৰাজ সাহিত্য আৰু অপৰাধমূলক মনোবিজ্ঞানত স্নাতকডিগ্ৰী লাভ কৰাৰ অন্তত প্ৰীতিয়ে ১৯৯৮ চনত দিল ছে... নামৰ ছবিখনৰ জৰিয়তে অভিষেক বলিউদত পদাৰ্পণ কৰে৷ ১৯৯৮ চনতে তেখেতৰ আন এখন জনপ্ৰিয় ছবি ছ'লজাৰয়েও মুক্তি লাভ কৰে৷ ছবিদুখত অভিনয়ৰ বাবে তেখেতে ফিল্মফেয়াৰৰ পৰা শ্ৰেষ্ঠ নৱাগতাৰ বঁটা লাভ কৰে৷ ২০০০ চনত মুক্তিলাভ কৰা ছবি ক্যা কেহনাত প্ৰীতিয়ে এগৰাকী অকলশৰীয়া কিশোৰী মাতৃৰ চৰিত্ৰ ৰূপায়ণ কৰে৷ পৰৱৰ্তী কালত তেখেতে বহুতো ভিন্নধৰ্মী চৰিত্ৰৰ সফল ৰূপায়ণেৰে বলিউডত নিজকে প্ৰতিষ্ঠা কৰে৷ তেখেতৰ কিছুমান চৰিত্ৰ সাংস্কৃতিকভাৱে দ্ব্যৰ্থপূৰ্ণ৷ তেখেতে নিৰ্বাচন কৰা অপ্ৰচলিত স্ক্ৰীণ-উপস্থিতিয়ে বলিউডৰ নায়িকাৰ বহুপ্ৰচলিত আৰু আৰোপিত ধাৰণাটোৰ পৰিৱৰ্তন কৰে বুলি ভবা হয়৷ সুদীৰ্ঘ কেৰিয়াৰত প্ৰীতি জিণ্টাই ফিল্মফেয়াৰ, আইফাকে ধৰি তেখেতে বহুকেইটা জনপ্ৰিয় আৰু সমাদৃত বঁটা এতিয়ালৈকে অৰ্জন কৰিবলৈ সক্ষম হৈছে৷ [2]

সংক্ষিপ্ত জীৱন[সম্পাদনা কৰক]

১৯৭৫ চনৰ ৩১ জানুৱাৰীত প্ৰীতি জিণ্টাৰ হিমাচল প্ৰদেশৰ ছিমলাত জন্ম হয়৷ তেখেতৰ জন্ম হৈছিল এটি ৰাজপুত পৰিয়ালত৷[3][4][5][6]

প্ৰীতিৰ পিতৃ আছিল দুৰ্গানন্দ জিণ্টা৷ তেখেত আছিল ভাৰতীয় স্থলসেনাৰ এগৰাকী বিষয়া৷[7] প্ৰীতিৰ তেৰ বছৰ বয়সত দুৰ্গানন্দ জিণ্টাৰ এটা শোকাৱহ দুৰ্ঘটনাত পতিত হৈ মৃত্যু হয়৷ দুৰ্ঘটনাটোত তেখেতৰ মাতৃও গভীৰভাৱে আঘাতপ্ৰাপ্ত হয়৷ দুটা বছৰৰ বাবে তেখেতে শয্যাশায়ী হৈ থাকিবলগাত পৰে৷[8] প্ৰীতিৰ দুগৰাকী ভ্ৰাতৃ হৈছে দীপাংকৰ আৰু মনিষ৷ দীপাংকৰ এগৰাকী বিষয়া আৰু মনিষ কেলিফৰ্ণিয়াৰ নিবাসী৷[9]

প্ৰীতিয়ে পঢ়াশালীয়া শিক্ষা গ্ৰহণ কৰে "কনভেণ্ট অৱ জেছাছ এণ্ড মেৰি"ত৷ ইয়াৰ পিছত তেখেতক ছিমলাৰ ছেইণ্ট বেডে কলেজত নামভৰ্তি কৰা হয়৷[7] তেখেতে ইংৰাজী সাহিত্যত স্নাতক ডিগ্ৰী লাভ কৰে আৰু মনোবিজ্ঞানত এটা স্নাতকৰ পাঠ্যক্ৰম আৰম্ভ কৰে৷ [10] এইখন শিক্ষানুষ্ঠানৰ পৰা তেখেতে অপৰাধমূলক মনোবিজ্ঞানত স্নাতকোত্তৰ ডিগ্ৰী অৰ্জন কৰে৷ অৱশ্যে পাছত মডেলিঙৰ পৃথিৱীত পদাৰ্পণ কৰে৷[7] প্ৰীতিৰ প্ৰথমটো টিভি বিজ্ঞাপন আছিল "পাৰ্ক" নামৰ চকলেটটোৰ বাবে৷ কৰ্মসূত্ৰে প্ৰীতিয়ে ১৯৯৬ চনত এগৰাকী বন্ধুৰ জন্মদিনাৰ পাৰ্টিত পৰিচালকক লগ পোৱাৰ সুযোগ পায়৷[7] পৰিচালকজনে জিণ্টাক এটা বিশেষ চৰিত্ৰৰ বাবে অডিশ্যন লয় আৰু তেখেতক নিৰ্বাচিত কৰে৷ পৰৱৰ্তী সময়ত প্ৰীতিয়ে বহুকেইটা কেটালগ আৰু বিজ্ঞাপনত স্থান লাভ কৰে৷ তাৰে এটা বিজ্ঞাপন আছিল "লিৰিল" নামৰ চাবোনটো৷[8][10]

১৯৯৭ চনত প্ৰীতি জিণ্টাই শেখৰ কাপুৰক লগ পায়৷[11][12] শেখৰ কাপুৰৰ বাবে প্ৰীতিয়ে এটা অডিশ্যন দিয়ে আৰু কাপুৰে তেখেতক অভিনেত্ৰী হ'বৰ বাবে প্ৰস্তাৱ আগবঢ়ায়৷ প্ৰীতিয়ে পোনপ্ৰথমে ঋতিক ৰোশন অভিনীত তাৰা ৰাম পাম পামত অভিনয়ৰ বাবে বন্দোৱস্ত কৰা হৈছিল যদিও শেষপৰ্যায়ত ছবিখন বাতিল কৰা হয়৷[13] [12] ইয়াৰ পিছত, ১৯৯৮ চনত মণি ৰত্নমৰ ছবি দিল ছে..ত অভিনয়ৰ বাবে প্ৰীতিক শেখৰ কাপুৰে পৰামৰ্শ দিয়ে৷ ৰোমাণ্টিক থ্ৰিলাৰ ছবিখনৰ পটভূমি আছিল নতুন দিল্লীত থকা এটা আতংকবাদীৰ গোট৷[10][11]

২০০০ চনত প্ৰীতি জিণ্টাই ক্যা কেহনা নামৰ ছবিখনত অভিনয় কৰে৷ ছবিখনে অপ্ৰত্যাশিতভাৱে বক্স অফিচত সফলতা লাভ কৰে৷[14][15] [16] পৰৱৰ্তী সময়ত প্ৰীতি জিণ্টাই চ'ৰি চ'ৰি চুপকে চুপকে (২০০১), দিল চাহতা হ্যেয় (২০০১), দিল হ্যেয় তুম্‌হাৰা, আৰমান (২০০৩)ৰ দৰে ছবিত অভিনয় কৰে৷ ২০০৩ চনত মুক্তিলাভ কৰা কল হো না হোৰ বাবে প্ৰীতি জিণ্টাই ফিল্মফেয়াৰৰ পৰা শ্ৰেষ্ঠ অভিনেত্ৰীৰ বঁটা লাভ কৰে৷ সেইটো বছৰতে মুক্তি লাভ কৰা কোয় মিল গয়া হৈছে প্ৰীতিয়ে অভিনয় কৰা এখন সফল কল্প-বিজ্ঞানধৰ্মী ছবি৷ ২০০৪ চনত প্ৰীতিয়ে ৱীৰ-ঝাৰা নামৰ ছবিখনত শীৰ্ষ চৰিত্ৰত অভিনয় কৰে৷ ২০০৮ চনত প্ৰীতিয় হেভেন অন আৰ্থ নামৰ কানাডীয়ান ড্ৰামা ছবিখনত অভিনয় কৰে৷ ছবিখনৰ বাবে তেখেতে ছিলভাৰ হিউগোৰ শ্ৰেষ্ঠ অভিনেত্ৰীৰ বঁটা লাভ কৰে আৰু গিনি বঁটাৰ শ্ৰেষ্ঠ অভিনেত্ৰীৰ বাবে মনোনীত হয়৷ [17][18]

২০০৮ চনত প্ৰীতিয়ে নেছ ৱাদিয়া, মোহিত বৰ্মন আৰু আন কেইগৰাকীমানৰ লগ লাগি আইপিএলত প্ৰতিদ্বন্দ্বিতাৰ বাবে মোহালীৰ টি-টুৱেণ্টি দলটোৰ ক্ৰয় আৰু গঠন কৰে৷ [19]

২০০৪ চনত প্ৰীতি জিণ্টাই বিবিচি নিউজ অনলাইনৰ বাবে দক্ষিণ-এছীয় ধাৰভাষ্যকাৰৰ গোট এটাৰ লগত সংযুক্ত হয়৷[20] ২০০৪ চনৰ জানুৱাৰীত প্ৰীতিয়ে লিখা "The changing face of Bollywood" প্ৰবন্ধটো প্ৰকাশিত হয়৷ [21]

২০১৬ চনৰ ২৯ ফেব্ৰুৱাৰীত প্ৰীতি জিণ্টাই তেখেতৰ দীৰ্ঘদিনীয়া সংগী গিন গুডএনাফৰ লগত লছ এঞ্জেলছত বিবাহ-পাশত আবদ্ধ হয়৷[22]

তথ্যসূত্ৰ[সম্পাদনা কৰক]

  1. Times News Network (8 June 2018). "Two years after marriage, Preity Zinta adds husband's initials to her name". The Times of India. https://timesofindia.indiatimes.com/entertainment/hindi/bollywood/news/two-years-after-marriage-preity-zinta-adds-husbands-initials-to-her-name/articleshow/64509138.cms. 
  2. "Now showing Chakde! – Fiesty{{{1}}} foot forward". The Indian Express. 14 August 2007. http://cities.expressindia.com/local-news/fullstory.php?newsid=250929. 
  3. "Preity Zinta rubbishes claims of her 'British ancestry'!" (en ভাষাত). 2 February 2009. https://zeenews.india.com/entertainment/celebrity/preity-zinta-rubbishes-claims-of-her-british-ancestry_22242.html. 
  4. Joshi, Shriniwas (16 March 2007). "Glamour girls from Himachal Pradesh". The Tribune. http://www.tribuneindia.com/2007/20070316/hp1.htm#21. 
  5. "Preity turns one-plus-thirty". Stardust. 31 January 2006. http://www.stardustindia.com/display_garam.asp?issue=February2006&id=1. 
  6. "Happy birthday Preity Zinta: Did you know her decision to enter Bollywood was based on a coin flip?". Hindustan Times. 31 January 2021. https://www.hindustantimes.com/entertainment/bollywood/happy-birthday-preity-zinta-did-you-know-her-decision-to-enter-bollywood-was-based-on-a-coin-flip-101611932180125.html. 
  7. 7.0 7.1 7.2 7.3 Sharma, Mandvi (24 June 2006). "'I would've been the PM'". The Times of India. http://timesofindia.indiatimes.com/articleshow/msid-1676771,curpg-1.cms. 
  8. 8.0 8.1 Khubchandani, Lata (22 May 2000). "I had this illusion that filmstars are like kings and queens". Rediff.com. http://www.rediff.com/movies/2000/may/22preity.htm। আহৰণ কৰা হৈছে: 15 September 2007. 
  9. Lancaster, John (23 January 2003). "Bollywood Star's Act Makes Her a Hero, and Possible Target". The Washington Post: পৃষ্ঠা A16. Archived from the original on 5 November 2012. https://web.archive.org/web/20121105070109/http://www.highbeam.com/doc/1P2-234600.html.  – via Highbeam Research (গ্ৰাহকভুক্তি প্ৰয়োজনীয়)
  10. 10.0 10.1 10.2 Hahn, Lorraine (11 January 2005). "Bollywood Actress, Preity Zinta Talk Asia Interview Transcript". CNN. http://edition.cnn.com/2005/WORLD/asiapcf/01/11/talkasia.zinta.script/. 
  11. 11.0 11.1 BAFTA Goes Bollywood: Preity Zinta. 15 August 2006. Event occurs at 01:40 – 07:00. 
  12. 12.0 12.1 Menon, Lakshmi (1 February 2001). "More than a pretty face". The Tribune. https://www.tribuneindia.com/2001/20010201/main8.htm. 
  13. Srinivasan, V. S. (20 November 1997). "Preity pleasing". Rediff.com. https://m.rediff.com/movies/nov/20pr.htm। আহৰণ কৰা হৈছে: 16 February 2021. 
  14. "Preity Zinta: Box Office Details and Filmography". Box Office India. https://boxofficeindia.com/actor.php?actorid=91। আহৰণ কৰা হৈছে: 2 August 2020. 
  15. "Box Office 1998". Box Office India. https://boxofficeindia.com/years.php?year=1998&pageId=4। আহৰণ কৰা হৈছে: 17 April 2020. 
  16. "The Winners – 1998". Indiatimes. Archived from the original on 25 December 2018. https://web.archive.org/web/20181225193854/http://filmfareawards.indiatimes.com/articleshow/368679.cms। আহৰণ কৰা হৈছে: 25 April 2020. 
  17. "Every scene in 'Videsh' is some woman's story: Preity Zinta". The Hindu. Indo-Asian News Service. 14 March 2009. http://www.hindu.com/thehindu/holnus/009200903141821.htm. 
  18. Dixon, Guy (11 February 2009). "Genie Award voters anoint The Necessities". The Globe and Mail. https://www.theglobeandmail.com/arts/genie-award-voters-anoint-the-necessities/article20444424/. 
  19. "SRK, Preity Zinta, Ambani, Mallya win IPL bids". Hindustan Times. Press Trust of India. 24 January 2008. Archived from the original on 17 February 2015. https://web.archive.org/web/20150217111610/http://www.hindustantimes.com/chunk-ht-ui-cricket-topstories/srk-ambani-mallya-win-ipl-bids/article1-271517.aspx. 
  20. Pillai, Sreedhar (16 February 2004). "Preity turns columnist". The Hindu. http://www.hindu.com/mp/2004/02/16/stories/2004021600560200.htm. 
  21. Zinta, Preity (29 January 2004). "The changing face of Bollywood". BBC. http://news.bbc.co.uk/2/hi/south_asia/3445467.stm. 
  22. "10 celebrities who got married in 2016". Daily News and Analysis. 10 July 2016. https://www.dnaindia.com/entertainment/photo-gallery-10-celebrities-who-got-married-in-2016-2233103/bobby-darling-and-ramneek-sharma-2233107. 

বাহ্যিক সংযোগ[সম্পাদনা কৰক]