ৱিকিপিডিয়া:আদৰণি

অসমীয়া ৱিকিপিডিয়ালৈ আপোনাক আদৰণি জনাইছোঁ ।

ৱিকিপিডিয়া হৈছে ৱিকিমিডিয়া ফাউণ্ডেশ্যন সমৰ্থিত এখন মুক্ত, ৱেব-ভিত্তিক, সহযোগিতামূলক, বহুভাষিক বিশ্বকোষ । বিশ্বৰ বিভিন্ন ঠাইৰ স্বেচ্ছাসেৱকে নিজৰ সামৰ্থ অনুযায়ী বৰঙণি আগবঢ়াই এই বিশ্বকোষ গঢ়ি তুলিছে ।

আপুনি যদি এজন পঢ়ুৱৈ

আপুনি বিভিন্ন উপায়েৰে ৱিকিপিডিয়াৰ প্ৰবন্ধৰ সোৱাদ ল'ব পাৰে ।

নিৰ্দিষ্ট কোনো বিষয়ৰ অনুসন্ধান

আপুনি বিচৰা কোনো নিৰ্দিষ্ট শব্দ বা বাক্যাংশ সম্বলিত প্ৰবন্ধ চাবলৈ ৱিকিপিডিয়াৰ যিকোনো পৃষ্ঠাৰ ওপৰত থকা অনুসন্ধান ঘৰটোত সেয়া লিখি "Enter" টিপক । মনত ৰাখিব মাজে সময়ে চাৰ্ভাৰৰ ওপৰত অতিৰিক্ত চাপ পৰিলে ৱিকিপিডিয়াৰ নিজস্ব অনুসন্ধান প্ৰক্ৰিয়া সাময়িকভাৱে বন্ধ কৰি ৰখা হয় । তেতিয়া আপোনাক স্বয়ংক্ৰিয়ভাৱে গুগলৰ (Google) অনুসন্ধান পৃষ্ঠালৈ লৈ যোৱা হ'ব । নিশ্চিতভাৱে নাম জনা কোনো বিষয় বিচাৰিবলৈও একে প্ৰক্ৰিয়া অৱলম্বন কৰক ।

অনিৰ্দিষ্ট যিকোনো প্ৰবন্ধ

অ-পূৰ্বনিৰ্ধাৰিতভাৱে কোনো প্ৰবন্ধ চাব খুজিলে ৱিকিপিডিয়াৰ পৃষ্ঠাৰ বাওঁফালে থকা যিকোনো প্ৰবন্ধ সংযোগটোত ক্লিক কৰক ।

বিষয়শ্ৰেণী অনুযায়ী অনুসন্ধান

নিৰ্দিষ্ট বিষয়বস্তু বা বিভাগৰ প্ৰবন্ধ চাব খুজিলে বেটুপাতৰ বিষয়সূচীলৈ যাওক ।

মন্তব্য কৰিবলৈ

যদি আপুনি কোনো প্ৰবন্ধত ভুল তথ্য দেখিছে বা সেইটো উন্নত কৰিবলৈ পৰামৰ্শ আগবঢ়াব খুজিছে, তেন্তে প্ৰবন্ধটোৰ আলোচনা পৃষ্ঠালৈ গৈ "সম্পাদনা" বা "বিষয় যোগ" টিপক আৰু খোল খোৱা পৃষ্ঠাত আপোনাৰ গঠনমূলক পৰামৰ্শ লিখক ।

আপুনি যদি এজন অৱদানকাৰী/সদস্য

ৱিকিপিডিয়াৰ পাঁচটা স্তম্ভ
মূল বিষয়বস্তু নীতিসমূহ
নিৰপেক্ষ দৃষ্টিভংগী মৌলিক গৱেষণাৰহিত লেখা সত্যাপণযোগ্যতা
আন বিষয়বস্তু নীতিসমূহ
প্ৰবন্ধৰ শিৰোনাম জীৱিত ব্যক্তিৰ জীৱনী ৱিকিপিডিয়া কি নহয়

ৱিকিপিডিয়া সকলোৰে বাবে মুকলি । সেইবাবে অৱদানকাৰীয়ে কিছুমান নীতি আৰু নিৰ্দেশাৱলী মানি চলাটো প্ৰয়োজনীয় ।

• বৰঙণি যোগোৱাৰ আগতে ৱিকিপিডিয়া কি নহয় আপুনি জনা উচিত ।
• প্ৰবন্ধ লিখোঁতে নিৰপেক্ষ দৃষ্টিভংগী বজাই ৰখাটো প্ৰয়োজনীয়, ইয়াত পক্ষাপাতদুষ্টতা বা ব্যক্তিগত অভিজ্ঞতা আৰু মতামতৰ স্থান নাই ।
• ৱিকিপিডিয়ালৈ আগবঢ়োৱা সকলো অৱদান জি.এফ.ডি.এলৰ অধীনত বিনামূলীয়াকৈ প্ৰকাশ হ'ব । অধিক তথ্যৰ বাবে স্বত্বাধিকাৰ আৰু প্ৰবন্ধৰ অধিকাৰিতা চাওক ।
• ৱিকিপিডিয়া এটা সহযোগিতামূলক প্ৰকল্প, সেইবাবে সকলো সম্পাদকে পাৰস্পৰিক শ্ৰদ্ধা, সাধাৰণ ভদ্ৰতা আৰু শিষ্টাচাৰ গঢ়ি তোলাটো আৱশ্যক । কাৰোবাৰ লগত মতানৈক্য হ'লে আস্থা ৰাখক আৰু মুকলিকৈ আলোচনা কৰক । কোনো পৃষ্ঠা সম্পাদনা কৰিলে সম্পাদনা সাৰাংশ উল্লেখ কৰিবলৈ নাপাহৰিব যাতে আনে আপোনাৰ সম্পাদনা/সংযোজনৰ উদ্দেশ্য বুজি পায় ।
• কোনো প্ৰবন্ধ যোগ দিবলৈ বিচাৰিলে আপুনি ইয়াত ক্লিক কৰিব পাৰে বা সহায়ৰ বাবে ইয়াত ক্লিক কৰিব পাৰে ।

অসমীয়া সাহিত্যত এখুদ ককাইদেউ হিচাবে খ্যাত অসম সাহিত্য সভাৰ প্রাক্তন সভাপতি নৱকান্ত বৰুৱা দেৱৰ আজি দ্বাদশ মৃত্যু দিৱস। আহকচোন তেখেতৰ চমু জীৱন আৰু কৃতিৰ বিষয়ে জানি থওঁ। নৱকান্ত বৰুৱাৰ জন্ম হৈছিল ডিবৰুত ১৯২৬ চনৰ ২৯ ডিচেম্বৰত। তেওঁৰ পিতৃ নীলকান্ত বৰুৱা শিক্ষা বিভাগৰ এগৰাকী বিদ্যালয় পৰিদৰ্শক হোৱাৰ উপৰিও এজন আদৰ্শ শিক্ষকো আছিল। তেওঁৰ মাতৃৰ নাম স্বৰ্ণলতা বৰুৱানী। নৱকান্ত বৰুৱাৰ ভাতৃ তিনিগৰাকী : দেৱকান্ত , জীৱকান্ত আৰু শিৱকান্ত। তেওঁৰ ভাতৃ প্ৰয়াত দেৱকান্ত বৰুৱাও অসমৰ অন্যতম শ্ৰেষ্ঠ কবিসকলৰ ভিতৰত এজন। ডিবৰুতেই নিজৰ শিক্ষা জীৱনৰ আৰম্ভনি ঘটোৱা নৱকান্ত বৰুৱাই ১৯৩৩ চনত নগাঁও চৰকাৰী বালক উচ্চতৰ মাধ্যমিক বিদ্যালয়ত তৃতীয় শ্ৰেণীত নাম ভৰ্তি কৰে আৰু তাৰেপৰাই তেওঁ ১৯৪১ চনত সূখ্যাতিৰে মেট্ৰিকুলেচন পৰীক্ষাত উত্তীৰ্ণ হয়। ১৯৪৩ চনত নৱকান্ত বৰুৱাই উচ্চ শিক্ষাৰ বাবে কলিকতাৰ শান্তিনিকেতনলৈ ধাপলি মেলে। ১৯৪৭ চনত তেওঁ কলিকতা বিশ্ববিদ্যালয়ৰ পৰা ইংৰাজী বিষয়ত অনাৰ্ছ সহ স্নাতক পৰীক্ষাত উত্তীৰ্ণ হয়। নৱকান্ত বৰুৱাই ১৯৫৩ চনত উত্তৰ প্ৰদেশৰ আলীগড় মুছলিম বিশ্ববিদ্যালয়ৰ পৰা স্নাতকোত্তৰ ডিগ্ৰী লাভ কৰে। উত্তৰ প্ৰদেশৰ শিকোহাবাদত অৱস্থিত এ. কে. মহাবিদ্যালয়ত শিক্ষকতা বৃত্তিৰে নৱকান্ত বৰুৱাই নিজৰ বর্ণময় কৰ্মজীৱন আৰম্ভ কৰিছিল। কিছুদিন তাত শিক্ষকতা কৰাৰ পাছত তেওঁ যোৰহাটৰ জগন্নাথ বৰুৱা মহাবিদ্যালয়ত অধ্যাপক হিচাবে যোগদান কৰে।১৯৫৪ চনত তেওঁ গুৱাহাটীৰ কটন মহাবিদ্যালয়লৈ বদলি হৈ আহে আৰু তাৰেপৰাই তেওঁ ১৯৮৪ চনত উপাধ্যক্ষ ৰূপে অৱসৰ গ্ৰহণ কৰে।নৱকান্ত বৰুৱাই মাজতে ১৯৬৪ চনৰপৰা ১৯৬৭ চনলৈ তিনিবছৰ কাল অসম চৰকাৰৰ মাধ্যমিক শিক্ষা পৰিষদত ইংৰাজী শিক্ষাৰ বিষয়া ৰূপেও কাৰ্যনিৰ্বাহ কৰিছিল। ২০০২ চনৰ ১৪ জুলাই তাৰিখে বৰুৱাৰ মৃত্যু হয়। গ্ৰন্থৰাজী..... .. কবিতা হে অৰণ্য হে মহানগৰ (১৯৫১) যতি আৰু কেইটামান স্কেচ্ছ(১৯৬০) এটি দুটি এঘাৰটি তৰা (১৯৫৭) ৰত্নাকৰ (১৯৮৬) ৰাৱন(১৯৬৩) সূৰ্যমুখীৰ অঙ্গীকাৰ (১৯৯০) মোৰ আৰু পৃথিৱী(১৯৭৩) এখন স্বচ্ছ মুখাৰে (১৯৬০) দলঙৰ তামীঘৰা(১৯৯১) সম্ৰাট(১৯৬২) উপন্যাস...... কপিলীপৰীয়া সাধু (১৯৫২) ককাদেউতাৰ হাড়(১৯৭৩) গড়মা কুঁৱৰী(১৯৮০) মানুহ আটাইবোৰ দ্বীপ(১৯৮০) পটাচাৰা অপদাৰ্থ অহিংসাৰ জুই (অসমাপ্ত) অন্যান্য গ্ৰন্থ....... অসমীয়া ছন্দশিল্পৰ ভুমিকা(১৯৬২) শিয়ালী পালেগৈ ৰতনপুৰ(১৯৫৪) আখৰৰ জখলা(১৯৫৬) মনৰ খবৰ (১৯৬০) ভত ঊ কাৰে ভূ (১৯৬৮) জনা নজনাৰ খেল(১৯৭০) স্বীকৃতি আৰু সন্মান...... পদ্মভূষণ (১৯৭৬), অসম উপত্যকা সাহিত্য বঁটা(১৯৯৩) ,সম্ব লপুৰ বিশ্ববিদ্যালয়ৰ গংগাধৰ বঁটা,সাহিত্য অকাডেমি বঁটা(১৯৭৫), ককাদেউতাৰ হাড় উপন্যাসৰ বাবে। মধ্যপ্ৰদেশৰ কবীৰ সন্মান (১৯৯০), কমল কুমাৰী বঁটা(১৯৯৮), অসম সাহিত্য সভাৰ বিশ্বনাথ চাৰিআলি অধিৱেশনৰ সভাপতি(১৯৯০) অসম প্ৰকাশন পৰিষদ বঁটা(১৯৭৪ মোৰ আৰু পৃথিৱী কবিতা সংকলনৰ বাবে)। আজি দ্বাদশ মৃত্যু তিথিত তেখেতক শ্রদ্ধাৰে সুঁৱৰিছো।