অসমীয়া: বঙালী ধনীয়া। ই এবিধ শাক জাতীয় উদ্ভিদ, অসমৰ প্ৰায় সকলো ঠাইতে পোৱা যায়। সাধাৰণতে ওখ ঠাইতে (পানী জমা নোহোৱা ঠাই)হে লহ-পহকৈ হোৱা দেখা যায়। সাধাৰণতে বজাৰত পোৱা বা শাকনিবাৰীত পোৱা ধনীয়াতকৈ অলপ দেখিবলৈ বেলেগ হয়। ইয়াৰ পাত বোৰত সৰু সৰু কাইট জাতীয় শুং থাকে। খৰালি কালত পাত বোৰ অলপ বহল আৰু মাটিৰ লগত পৰি থাকে, বাৰিষা বৰষুণৰ পানী পালেই ই নতুন পাতৰ কোহ মেলি পাত বোৰ কেইবাটাও খাজ খাজ হয়। এইবিধ ধনীয় গোন্ধ অতি সুন্দৰ সেয়ে ইয়াক আলু পিটিকা, চাটনি, কেতিয়াবা আঞ্জাতো দিলে খাবলৈ সোৱাদ হয়। পাত বোৰ হাতেৰে মোহাৰি দিলে গোন্ধই মলমলাই থাকে।